2Atha 8:16 - ÎVUKU RÎA ÛVORO MWARO

¹⁶ Mwakarî wa gatano Joramu, mûvîcî wa Ahabu arî mûthamaki wa Isiraeli, Jehoramu, mûvîcî wa Jehoshafati nîwatuîkire mûthamaki wa Juda.

2Atha 8:16 ပူးပေါင်းရင်းမြစ်များ

1Atha 22:42

Jehoshafati aatuîkire mûthamaki arî na ûkûrû wa mîaka mîrongo îthatû na îtano (35), na nîwathanire Juda îvinda rîa mîaka mîrongo îîrî na îtano (25) arî Jerusalemu. Ng'ina eetagwa Azuba, mwarî wa Shilihi.

1Atha 22:44

Jehoshafati nîmeekarire marî na thayû na mûthamaki wa Isiraeli.

1Atha 22:50

Jehoshafati nîwakwire na akîthikwa mbîrîrarî irîa ciathikagwa athamaki îtûûrarî rîa Daudi. Mûvîcî Jehoramu nîwatuîkire mûthamaki vuva wake.

1Atha 22:51

Mwakarî wa îkûmi na mûgwanja (17) Jehoshafati arî mûthamaki wa Juda nîrîo Ahazia mûvîcî wa Ahabu aatuîkire mûthamaki wa Isiraeli. Aathanire kûu Isiraeli arî Samaria îvinda rîa mîaka îîrî (2).

2Atha 1:17

Kwoguo Ahazia nîwakwire wata ûrîa Ngai-Mûnene aaugîte kûvîtûkîrîra kûrî Elija. Ahazia ndaarî na mwana wa kavîcî, kwoguo Joramu, mûrwang'ina nîwatuîkire mûthamaki vuva wake. Vîndî îo yarî mwaka wa kaîrî wa Jehoramu, mûvîcî wa Jehoshafati arî mûthamaki wa Juda.

2Atha 11:2

Nwatî Jehosheba, mwarî wa mûthamaki Joramu nîwocire Joashi, mûvîcî wa Ahazi na nthitho kuuma gatagatîrî ka anake a mûthamaki arîa maarî vakuvî kûragwa. Nîwamûthithire nyombarî ya kûmama marî na mûndû ûrîa wamûtungataga. Jehosheba aarî mwarwang'ina na Ahazia. Ûguo nîguo Jehosheba aathithire Joashi nîguo Athalia ndakamwone amûûraga.

2Atha 3:1

Mwakarî wa îkûmi na înana Jehoshafati arî mûthamaki wa Juda, Jehoramu, mûvîcî wa Ahabu nîwatuîkire mûthamaki wa Isiraeli na akîathana arî Samaria îvinda rîa mîaka îkûmi na îîrî.

2Atha 8:25

Mwakarî wa îkûmi na îîrî Joramu, mûvîcî wa Ahabu arî mûthamaki wa Isiraeli, Ahazia, mûvîcî wa Jehoramu nîwatuîkire mûthamaki wa Juda.

2Maû 22:1

Gîkundi Kîam andû arîa maaûkîte na Arabu nîmaatharîkîrîte na makaûraga anake onthe a Jehoramu arîa maarî akûrû kûrî Ahazia. Ahazia tu nîke mwanake ûrîa watigarire, kwoguo andû a Jerusalemu nîmaamûtuire mûthamaki vuva wa îthe, Jehoramu.