2Atha 8:12 - ÎVUKU RÎA ÛVORO MWARO

¹² Hazaeli nîwaûririe Elisha atîrî, “Mwathi wakwa, ûrarîra nîkî?” Nake Elisha nîwacokerie Hazaeli atîrî, “Nîûndû nîmbîcî maûndû macûku marîa ûgeeka andû a Isiraeli: nîûkavîvia matûûra mao marîa magitîre, ûûrage anake ao, ûûrage ciana ciao, na nîûgaatarûra nda cia aka a Isiraeli arîa marî mavu.”

2Atha 8:12 ပူးပေါင်းရင်းမြစ်များ

1Atha 18:13

Nîkwa ûtanerwa ûrîa nekire vîndî îrîa Jezebeli aaûragaga arathi a Ngai-Mûnene, rîrîa naathithire arathi îgana marî ikundi igîrî cia arathi mîrongo îtano na ngîmava mîgate na manjî?

1Atha 19:17

Mûndû ûrîa ûkaavonoka kûûragwa nî Hazaeli nîakaaûragwa nî Jehu, na mûndû ûrîa ûkaavonoka kûûragwa nî Jehu nîakaaûragwa nî Elisha.

2Atha 12:17

Vîndî îo, Hazaeli, mûthamaki wa Sîria nîwatharîkîre îtûûra rînene rîa Gathu, na akîrîvoota. Hazaeli nîwacokire agîtua nîakûtharîkîra Jerusalemu.

2Atha 12:18

Joashi, mûthamaki ma Juda nîwocire matega monthe marîa Jehoshafati, Jehoramu, na Ahazia, athamaki a Juda maamûrîrîte Ngai-Mûnene. Nîwamonganîrîrie na matega make ke mwene vamwe na thaavu yonthe îrîa yarî mûthithûrî wa hekarû na nyomba ya mûthamaki na agîitûma cionthe irî kîveo kûrî Hazaeli mûthamaki wa Sîria. Hazaeli nîwacokire akiuma Jerusalemu.

2Atha 13:22

Hazaeli mûthamaki wa Sîria nîwavinyagîrîria andû a Isiraeli vîndî îrîa yonthe Jehoahazi aarî mûthamaki.

2Atha 13:3

Kwoguo Ngai-Mûnene nîwarakarirue nî andû a Isiraeli na nîwatûmire mekare makîvootagwa mbaararî nî Hazaeli, mûthamaki wa Sîria na mûvîcî Benihadadi.

2Atha 13:7

Jehoahazi ndaarî na athigari a mbaara maatigarîte tiga arûme mîrongo îtano (50) arîa mathiîcaga matwîte mbarathi, ikaari îkûmi (10) cia mbaara, na arûme ngiri îkûmi (10,000) arîa maathiîcaga na magûrû, nîûndû mûthamaki wa Sîria nîwacûkangîtie acio engî na akamakinyangîra nthî ta mûthetu.

2Atha 15:16

Vîndî îrîa Manahemu aarî njîrarî aumîte Tiriza, nîwacûkangirie îtûûra rîa Tapua, andû a kuo na îtûûra rîrîa rîrî vakuvî nîûndû andû a kûndû kûu nîmaaregire kwînenganîra kûrî ke. Wana nîwarutire aka onthe a îtûûra rîu nguo arîa maarî na mavu.

2Atha 4:28

Mûndûmûka ûcio nîwacokire akîra Elisha atîrî, “Nîkwa naakwîrire ûmve kaana ga kavîcî? Kinthî ndiakwîrire ndûkamveenie?”

Isaia 13:16

Ciana ciao cia ngenge nîikaaûragwa wa makîyonagîra; indo cia nyomba ciao nîigaatavwa, na aka ao mamenywe kîîmwîrî na vinya.”

Isaia 13:18

Nîmakaaûraga andû ethî na mîguî yao, matikeguîra ciana ntha, kana macaîre ciana cia ngenge.

Hosea 10:14

Kwoguo mûrurumo wa mbaara nîûgakinyîra andû aku; nthingo cionthe cia kwîgitîra nîikomomorwa ta ûrîa Shalimani aacûkangirie Betharibeli marî mbaararî, aka na ciana ciao magatinangua inuku.

Hosea 13:16

Samaria nîagaakuua mûrigo wake wa mevia, nîûndû nîareganîte na Ngai wake; nîmakaûragwa na rûviû rwa njûra, ciana ciao irîa nini nîigaatemangwa inuku; na aka arîa marî îvu nîmagaatarûrangwa!”

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Amosi 1:13

Ngai-Mûnene arauga atîrî, “Andû a Amoni matûûraga mevagia, kwoguo ndigatiga kûmaverithia. Rîrîa maarûaga nîguo mararamie mîvaka yao, nîmaatarûrire aka a Gileadi marî mavu.

Nahumu 3:10

Kûnarî ûguo, andû a Thebesi nîmaakuirwe marî mîgwate. Ciana ciakuo ciarivagîrwa ndeererî cia varavara ikenda gûkua. Anene ao nîmaakuirwe marî na mînyororo, na makîgaanua gatagatî ka arîa mamanyitîte.