2Atha 7:5 - ÎVUKU RÎA ÛVORO MWARO

⁵ Kwoguo nîmaathiîre kûrî na rûkurerema kûrîa andû a Sîria matûûraga; nwatî rîrîa maakinyire kîvingorî Kîamo, mationa mûndû.

2Atha 7:5 ပူးပေါင်းရင်းမြစ်များ

2Atha 7:4

Tûngiuga atî tûtonye îtûûrarî, nîtûgaakuîra kuo nî yûra, na twekara ava wanarîo nwa tûgaakua. Kwoguo tûthiîni kûrîa andû a Sîria matûûraga, matûûrage kana marege gûtûûraga.”

2Atha 7:6

Ngai-Mûnene nîwatûmîte athigari a Sîria megue ta mûgambo wa ikaari cia mbaara na ta wa mbarathi, ta mûgambo wa athigari eengî mûno a mbaara, na makîrana atîrî, “Taroria, mûthamaki wa Isiraeli nîakomborete athamaki a Ahiti, na athamaki a Misiri nîguo maûke matûtharîkîre.”

Ezek 12:12

Mûtongoria ûrîa ûrî gatagatî kao nîagaakuua mûrigo wake kûrî na nduma, na aumîrîre îrimarî rîrîa aatûrîkirie rûthingorî na athiî. Nîagaakunîka ûthiû wake nîguo ndakoone vûrûri kûrîa athiîte.

Alawi 27:26

“Marikithathi ma ndîthia cienyu marî ma ng'ombe kana ma ng'ondu nî ma Ngai-Mûnene. Kwoguo gûtirî mûndû ûngîmwamûrîra mo.

Alawi 27:8

“Ethîrwa mûndû ûrîa wîvîtîte arî mûthîni mûno na ndangîvota kûrîva kîthimi kîrîa gîtîkanîrie, nîakaavirîra mûthînjîri-Ngai mûndû ûcio amûrîrîte Ngai, nake mûthînjîri-Ngai nîagaatua kîthimi kûringana na ûrîa mûndû ûrîa wîvîtîte angîvota kûrîva.

Gûco 28:7

“Rîrîa mwatharîkîrwa nî nthû cienyu, Ngai-Mûnene nîakaamûvotithia kûivoota. Mamûtharîkîra kuuma mwena ûmwe, makaaûra nîmue na mîena yonthe.

Gûco 32:25

Nthû ciao nîikaamaûragîra vûrûrirî, na andû mecûrwe nî guoya mîciîrî yao. Anake na erîtu nîmakaaûragwa, ngenge na athuuri akûrû wanao nîmakaaûragwa.

Gûco 32:30

Nî atîa mûthigari ûmwe nthû angîvoota athigari ngiri îmwe a Isiraeli? Nî atîa athigari aîrî nthû mangîvoota athigari ngiri îkûmi a Isiraeli? Tiga nwa Îthiga rîao amendetie, Ngai-Mûnene amatiganîrîtie?

1Sam 30:17

Nake Daudi nîwamatharîkîre kîraûko tene mûthenya ûcio wîngî na nîwarûire nao nginya kîvwaî. Gûtirî mûndû wanarî ûmwe wao wavonokirie, tiga anake magana mana arîa maatwîre ngamîîra na makîûra.