2Atha 7:4 - ÎVUKU RÎA ÛVORO MWARO

⁴ Tûngiuga atî tûtonye îtûûrarî, nîtûgaakuîra kuo nî yûra, na twekara ava wanarîo nwa tûgaakua. Kwoguo tûthiîni kûrîa andû a Sîria matûûraga, matûûrage kana marege gûtûûraga.”

2Atha 7:4 ပူးပေါင်းရင်းမြစ်များ

2Sam 14:14

Tuonthe nwanginya tûgaakua; tûvana ta manjî metîkîte nthî, marîa matangîoceka rîngî. Wanake Ngai ndangîcokia mwoyo mûndû ûrîa ûrîkîtie gûkua, nwatî mûthamaki nwa avote gûcaria njîra ya gûcokia mûciî mûndû ûrîa ûrî îthamîriorî.

2Atha 6:24

Vuvarî, Benihadadi, mûthamaki wa Sîria nîwatongoririe athigari ake onthe a mbaara na makîthiî makîrigicîria îtûûra rîa Samaria.

2Atha 7:5

Kwoguo nîmaathiîre kûrî na rûkurerema kûrîa andû a Sîria matûûraga; nwatî rîrîa maakinyire kîvingorî Kîamo, mationa mûndû.

1Maû 12:19

Athigari amwe a mûvîrîga wa Manase nîmaaumire gîkundirî Kîamo na makîthiî kûrî Daudi. Meekire ûguo vîndî îrîa Daudi maathiîre na athigari a Afilisiti nîguo makarûe na Saûlo. Daudi na athigari ake matiatethia Afilisiti nîûndû rîrîa maranîrie, athigari a Afilisiti nîmeetigîre nîûndû meeciragia Daudi nwa amakunyanîre kûrî mwathi wake Saûlo. Kwoguo Daudi nîwerirwe acoke Zikilagi.

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 8:14

“Twîkarîte wa ûguo nîkî? Tûgomane vamwe tûthiî matûûrarî marîa mairigîre tûgakuîre kuo. Nîûndû Ngai-Mûnene Ngai wetû nîatûtuîrîrîte gûkuîra kuo, na nîatûvete manjî marî na ûrogi tûnyue, nîûndû nîtûmûvîtîrîtie.

Jona 3:9

Ngai avota kwîricûkwa na atige kûrakara, na kwoguo tîtûkua!”

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.