2Atha 7:19 - ÎVUKU RÎA ÛVORO MWARO

¹⁹ Ûndû ûcio nîguo mûnene wa athigari aareganire naguo rîrîa aaugire atîrî, “Ûguo gûtingîvoteka, wana kethîrwa nîkwa Ngai-Mûnene ke mwene angiurithia mbura kuuma îgûrû!” Nake Elisha nîwamwîrîte atîrî, “Ûkeyonera na metho maku ûndû ûcio ûgîkîka, nwatî ndûkaarûma irio icio.”

2Atha 7:19 ပူးပေါင်းရင်းမြစ်များ

Kîam 7:11

Mûthenya wa îkûmi na mûgwanja mweri wa kaîrî, Nuhu arî na ûkûrû wa mîaka magana matandatû (600) ithima cia manjî monthe marîa marî rungu rwa nthî nîciavingûkire. Wana cio ivingo cionthe cia manjî ma îgûrû, nîciavingûkire.

2Atha 7:2

Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

2Atha 7:20

Ûguo nîguo gwekîkire kûrî mûthigari ûcio watethagîrîria mûthamaki: andû maamûkinyangire arî kîvingorî na agîkua.

Jeremia 29:32

Kwoguo nie Ngai-Mûnene nîrauga atî nîngûverithia Shemaia mûvîcî wa Nehelamu vamwe na rûciaro rwake. Gûtirî mûndû wanarî ûmwe wa arîa metanîtue nake ûgatigara arî mwoyo nîguo one maûndû maro marîa ngeka andû akwa, nîûndû ethîrîtwe akîra andû maregane nanie Ngai-Mûnene. Ûguo nîguo nie Ngai-Mûnene nauga.”