2Atha 7:17 - ÎVUKU RÎA ÛVORO MWARO

¹⁷ Mûthamaki wa Isiraeli nîwaigîte mûthigari ûrîa wamûtethagîrîria, arî mûrangîri wa kîvingo. Mûthigari ûcio nîwakinyangirwe nî andû na agîkua, wata ûrîa Elisha erîte mûthamaki rîrîa mûthamaki aathiîte kûrî ke.

2Atha 7:17 ပူးပေါင်းရင်းမြစ်များ

2Atha 5:18

Ngai-Mûnene aronjovagîra rîrîa ngaathiîcania na mwathi wakwa hekarûrî ya Rimoni, athiîte kûmîgooca. Nama, Ngai-Mûnene aronjovera!”

2Atha 6:32

Nîwacokire agîtûma mûnjaama athiî akagîre Elisha. Vîndî îo Elisha aarî mûciî marî na athuuri arîa maathiîte kûmûcerera. Mbere ya mûnjaama ûrîa mûthamaki aatûmîte akinye, Elisha nîwerire athuuri acio atîrî, “Mûragani nîwatûma mûndû aûke ambûrage! Vîndî îrîa agaakinya gûkû, mûkavinga mûrango na mûtikamwîtîkîrie atonye. Mûthamaki ke mwene akethîrwa amumîte vuva.”

2Atha 7:2

Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

2Atha 9:33

Nake Jehu nîwamerire atîrî, “Mûvarûkieni nthî!” Kwoguo ndungata icio nîciavarûkirie Jezebeli nthî; nayo nthakame îmwe ya Jezebeli nîyaminjûkîre rûthingo, nayo îo îngî îkîminjûkîra mbarathi. Jehu nîwakinyangire mwîrî wa Jezebeli na mbarathi ciake na gîkaari gîake Kîam mbarathi.

Isaia 25:10

Ngai-Mûnene nîakaagitîra kîrîma gî Zayuni, nwatî andû a Moabu magaakinyangîrwa kwao ta ûrîa nyaki îkinyangagîrwa îrimarî rîa mborera.

Mika 7:10

Nthû ciakwa nîikona ûguo, na ciîcûrwe nî gîconoko, nîûndû cianthekagîrîra îkîmbûragia atîrî, “Arî kû Ngai-Mûnene, Ngai waku?” Nîngoona nthû ciakwa ikîgwa nthî, na nîigaakinyangwa ta ndaka îrî njîrarî.

Ahib 10:29

Mûndû ûrîa ûrumaga Mûriû wa Ngai na akanyarara nthakame ya kîrîkanîro îrîa yamûtheririe kuuma meviarî, agacoka akaruma Roho ûrîa ûvecanaga wega wa Ngai, mûreciria îvera rîake rîgana atîa?

Atir 20:43

Aisiraeli nîmaathiûrûrûkîrie Aabenjamini na makîmarûmîrîria kuuma Noha makîmaûragaga nginya magîkinya Gibea mwena wa îrathîro.