2Atha 7:16 - ÎVUKU RÎA ÛVORO MWARO

¹⁶ Andû a Samaria nîmaacokire makîthiî kûrîa andû a Sîria maambîte magema na makîîa indo cia andû a Sîria. Kilo ithatû cia mûtu ûrîa mwaro mûno kana kilo ithathatû cia cairi nîciendagua gacunjî kamwe ga sîlûva, wata ûrîa Ngai-Mûnene aaugîte.

2Atha 7:16 ပူးပေါင်းရင်းမြစ်များ

2Atha 7:1

Nwatî Elisha nîwacokirie atîrî, “Thikîrîria ûrîa Ngai-Mûnene arauga! Rûyû îvinda wata rîîrî, vau kîvingorî gîa Samaria kilo ithatû cia mûtu ûrîa mûvinyu mûno ikendagua shekeli îmwe nacio kilo ithathatû cia cairi ikendagua gacunjî kamwe ga sîlûva.”

2Atha 7:15

Arûme acio nîmaathiîre Jorodani na makîona nguo inyagarûkîte njîrarî na indo ciîngî irîa andû a Sîria maatecaga maûrîte. Ndungata icio nîciacokire rîngî na ikîra mûthamaki ûvoro ûcio.

2Maû 20:25

Mûthamaki Jehoshafati na athigari ake nîmaathiîre gûtava indo kuuma kûrî andû acio na nîmethîîre ng'ombe nyîngî, indo ciîngî, nguo na indo cia goro. Indo icio ciarî nyîngî mûno irîa maaûnganîtie îvinda rîa mîthenya îthatû nwatî matiavota gûikuua cionthe.

Thaburi 68:12

“Athamaki na athigari ao a mbaara nîmaraûra!” Aka arîa maarî mîciî nîmaagaanire indo irîa ciatavîtwe,

Thaburi 68:13

wana ethîrwa meekaraga ciagarî cia ng'ondu, mîvuanano ya ndutuura îvakîtwe sîlûva, na mathagu ma cio maakengaga ta thaavu ntheri.

Isaia 33:1

Kaî we mûcûkangia ûyû, wî thînarî-î! Ûcûkangagia na ndûcûkangagua, we wîkaga maûndû macûku, na gûtirî mûndû ûgwîkaga maûndû macûku! Rîrîa ûkaathiria gûcûkangia, wanawe nîûgaacûkangua! Rîrîa ûkaathiria gwîka andû maûndû macûku, wanawe nîûgekwa maûndû macûku.

Isaia 33:23

Mîkanda yonthe ya meri icio nî mîregerû; ndîngîvota kûrûngamia mîtî ya vendera, wana kana matûme itambaa itambûrûke nîguo ivotithie meri kûthiî. Nwatî indo nyîngî irîa itavîtwe nîikagaanua, wana nginya cionje nîigooca indo ciao.

Isaia 33:4

Nthû ciao ciûnganagia indo irîa itavîte ta ûrîa igunyû ciûngûrûragia indo; wata ûrîa ngige irûgaga, nwataguo andû makaarûgîra indo icio.

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Mathaayo 24:35

Îgûrû na nthî nîikaathira, nwatî ciugo ciakwa itikaathira.

1Sam 17:53

Rîrîa Aisiraeli maacokire maumîte kwîngata Afilisiti, nîmoocire indo cionthe irîa ciarî kûrîa Afilisiti maambîte magema.