2Atha 7:15 - ÎVUKU RÎA ÛVORO MWARO

¹⁵ Arûme acio nîmaathiîre Jorodani na makîona nguo inyagarûkîte njîrarî na indo ciîngî irîa andû a Sîria maatecaga maûrîte. Ndungata icio nîciacokire rîngî na ikîra mûthamaki ûvoro ûcio.

2Atha 7:15 ပူးပေါင်းရင်းမြစ်များ

2Atha 7:14

Kwoguo nîmaathuurire arûme amwe, na mûthamaki akîmatûma mathiî na ikaari igîrî cia mbaara nîguo makamenye ûrîa gwekîkîte kûrî athigari a mbaara a Sîria.

2Atha 7:16

Andû a Samaria nîmaacokire makîthiî kûrîa andû a Sîria maambîte magema na makîîa indo cia andû a Sîria. Kilo ithatû cia mûtu ûrîa mwaro mûno kana kilo ithathatû cia cairi nîciendagua gacunjî kamwe ga sîlûva, wata ûrîa Ngai-Mûnene aaugîte.

Esita 1:7

Andû nîmaaveerwe indo cia kûnyua ciîkîrîtwe ikomberî cia thaavu, nake mûthamaki aarî mûtana mûno na ndivei îrîa yanyunyagwa kwa mûthamaki.

Ayubu 2:4

Nake Caitani nîwacokerie Ngai-Mûnene atîrî, “Gîkonde Kîam mwîrî gîkûûragwa na kîngî! Mûndû avecanaga kîrîa kîonthe arî nakîo nîguo avonokie mwoyo wake.

Mûvunjia 3:6

Kavinda ga gûcaria na kavinda ga gûta, kavinda ga gûcokanîrîria indo na kavinda ga gûta.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 2:20

Mûthenya ûcio, andû nîmagaaikîria mbuko na mvuvu, mîvuanano yao ya sîlûva na ya thaavu, îrîa meerûthîre nîguo mamîgoocage.

Isaia 22:24

“Nao andû ao onthe a mûciî wake, anini na anene nîmagaacuragîrîra kûrî ke ta thaburia na mbakûri icuurîtue mûcumarîrî.

Isaia 31:7

Nîûndû mûthenya ûcio mue muonthe nîmûgaata mîvuanano ya sîlûva na ya thaavu, îrîa mwîrûthîrîte mue ene na njara cienyu îgatûma mwîvie.

Ezek 18:31

Tecanîriani mevia marîa monthe mûmbîtîrîtie, na mûgîe na ngoro njerû na mwoyo mûcerû. Mue nyomba ya Isiraeli, mûngîkua nîkî?

Mathaayo 16:26

Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo.

Ahib 12:1

Tûrî na gîkundi kînene Kîam aira gîtûthiûrûrûkîrîtie. Kwoguo nîtwîyaûreni kîrîa kîonthe kîngîtûvînga na mevia marîa matûrigicaga. Tigani tûvinyûre tûrî na ûmîrîru îvenya rîrîa rîrî mbere yetû.