2Atha 6:9 - ÎVUKU RÎA ÛVORO MWARO

⁹ Nwatî Elisha nîwatûmire mûndû athiî kûrî mûthamaki wa Isiraeli akamwîre atîrî, “Îîmenyerere ndûkavîtûkîrîre vandû vau, nîûndû vau nîvo andû a Sîria mathiîte kwîthitha.”

2Atha 6:9 ပူးပေါင်းရင်းမြစ်များ

1Atha 20:13

Vîndî wa îo mûrathi ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene araûria kana nîûrona andû aya eengî ûguo nthû ciaku! Nîngûkûvotithia kûmavoota ûmûnthî, na nîûkûmenya atî nînie Ngai-Mûnene.”

1Atha 20:28

Mûndû wa Ngai ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene arauga atî: ‘nîûndû Asîria maugîte atî nie nî ngai ya irîma na tî wa ciandarî, nîngûkûvotithia kûvoota andû acio eengî ûguo na nîmûkaamenya atî nînie Ngai-Mûnene.’ ”

2Atha 4:1

Mûndûmûka ûmwe wa ndigwa warî mûka wa mûndû ûmwe wa gîkundi Kîam arathi nîwathiîre kûrî Elisha na akîmwîra atîrî, “Mûthuuriwa ararî ndungata yaku na nî mûkuû. Nîwicî atî ndungata îo yaku nîîretigîrîte Ngai-Mûnene, na rîu mûndû ûrîa ûramûkombithîtie mbeca nîwecîra anake akwa oîrî nîguo magatuîke ngombo ciake.”

2Atha 4:27

Nwatî rîrîa mûndûmûka ûcio aakinyire kûrî Elisha vau kîrîmarî, nîwanyitire magûrû ma Elisha. Nake Gehazi nîwathiîre vakuvî nîguo amûthengutie vo, nwatî Elisha nîwamwîrire atîrî, “Tigana nake, nîûndû arî na ûndû ûramûthînia mûno ngororî; na Ngai-Mûnene nîanthithîte ûndû ûcio, akarega kûmbîra.”

2Atha 4:7

Nîwathiîre na akîra Elisha ûguo. Nake Elisha nîwamwîrire atîrî, “Thiî wendie maguta mau na ûrîve thirî yaku, nawe mûrî na avîcî aku nî mûgûtûûrua mwoyo nî mau magaatigara.”

2Atha 6:10

Kwoguo mûthamaki wa Isiraeli nîwatûmanîre athigari ake matikathiî vandû vau Elisha aamwîrîte ûvoro wavo maita meengî nîguo ekarage emenyererete.

2Atha 6:12

Ûmwe wa ndungata ciake nîwaugire atîrî, “Ûûi, mwathi wakwa mûthamaki gûtirî mûndû wanarî ûmwe. Nwatî mûrathi Elisha nîke wîraga mûthamaki wa Isiraeli maûndû marîa waragia ûrî nyombarî îrîa ûmamaga.”

2Atha 6:8

Vîndî îmwe rîrîa mûthamaki wa Sîria aarûaga na andû a Isiraeli, nîwagîre ndundu na ndungata ciake na akîthuura vandû varîa aambire îgema rîake.

Ayubu 5:12

Nîacûkangagia mîvango ya arîa marî wara, nîguo wîra ûrîa marutaga ûtuîke wa mana.

Thaburi 33:10

Ngai-Mûnene nîagiragia mîvango ya mavûrûri îvinga, nîagiragia andû mavingia mîvango yao.

Nthi 22:12

Ngai-Mûnene nîamenyagîrîra andû arîa marî ûmenyo, nwatî ndathikagîrîria arîa matarî evokeku.

Jeremia 11:18

Ngai-Mûnene nîwamenyithirie nanie ngîmenya; Ngai-Mûnene nîwamenyithirie mîvango yao mîcûku.

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Kûguû 1:1

Îvuku rîîrî nî mûtaratara wa maûndû marîa Jesû Kristû aaguûririe. Ngai aamûveere kûguûrîrua gûkû, nîguo onie ndungata yake maûndû marîa maarî nwa nginya mekîke narua. Nake Kristû nîwatûmire mûraika wake akamenyithie ndungata yake Johana,