2Atha 6:13 - ÎVUKU RÎA ÛVORO MWARO

¹³ Mûthamaki nîwaugire atîrî, “Thiîni mûgatuîrie mûmenye varîa arî, nîguo nîmûtûmanîre anyitwe.” Nake nîwerirwe, atî Elisha aarî Dothani.

2Atha 6:13 ပူးပေါင်းရင်းမြစ်များ

Kîam 37:17

Mûndû ûcio nîwamûcokerie atîrî, “Nîmaraumire gûkû mathiî. Nîreguire makiuga atî mathiîte Dothani.” Kwoguo Josefu nîwarûmîrîrie aa mûrwang'ina na akîmethîra Dothani.

2Atha 1:9

Mûthamaki nîwacokire agîtûma mûnene wa athigari mîrongo îtano na athigari acio mathiî makagîre Elija. Mûnene ûcio nîwethîre Elija ekarîte nthî gacûmbîrî ga kîrîma na akîmwîra atîrî, “Mûndû wa Ngai, mûthamaki akwîra ûnyûrûrûke.”

2Atha 6:12

Ûmwe wa ndungata ciake nîwaugire atîrî, “Ûûi, mwathi wakwa mûthamaki gûtirî mûndû wanarî ûmwe. Nwatî mûrathi Elisha nîke wîraga mûthamaki wa Isiraeli maûndû marîa waragia ûrî nyombarî îrîa ûmamaga.”

2Atha 6:14

Kwoguo mûthamaki wa Sîria nîwatûmire mbarathi kuo, ikaari cia mbaara na athigari eengî a mbaara. Nîmaathiîre ûtukû na makîrigicîria îtûûra rîu.

Jeremia 36:26

Mûthamaki nîwathire mûvîcî Jerahimeeli, Seraia mûvîcî wa Azirieli na Shelemia mûvîcî wa Abideli manyite Baruku mwandîki, na mûrathi Jeremia, nwatî Ngai-Mûnene nîwamathithire.