2Atha 6:12 - ÎVUKU RÎA ÛVORO MWARO

¹² Ûmwe wa ndungata ciake nîwaugire atîrî, “Ûûi, mwathi wakwa mûthamaki gûtirî mûndû wanarî ûmwe. Nwatî mûrathi Elisha nîke wîraga mûthamaki wa Isiraeli maûndû marîa waragia ûrî nyombarî îrîa ûmamaga.”

2Atha 6:12 ပူးပေါင်းရင်းမြစ်များ

2Atha 5:26

Nwatî Elisha nîwerire Gehazi atîrî, “Kinthî tûtirarî nawe kîîroho rîrîa mûndûmûrûme aumire gîkaarirî gîake Kîam mbaara na agûtûnga? Kau nîko kararî kavinda ga kwamûkîra mbeca, nguo, mîgûnda ya mîtamaiyû îrîa îciaraga matunda na ya mîthavibu, ng'ondu na ndegwa wana kana ndungata cia aka na cia arûme?

2Atha 5:3

Mûthenya ûmwe mwîrîtu ûcio nîwerire mûndûmûka ûcio mwathi wake atîrî, “Narî kethîrwa mwathi wakwa nwa athiî kûrî mûrathi ûrîa ûtûûraga Samaria! Ûcio nwa amûvonie mûrimû ûcio wake mûcûku wa ngothi.”

2Atha 5:8

Nwatî rîrîa mûrathi Elisha eegwire atî mûthamaki wa Isiraeli nîatembûrangîte nguo ciake, nîwatûmanire kûrî ke akerwe atîrî, “Ûrakarîtue ûguo nî ndûî? Mwîre aûke kûrî nie wa rîu na nîakûmenya atî gûkû Isiraeli kûrî na mûrathi!”

2Atha 6:11

Mûthamaki wa Sîria nîwathînîkire ngoro mûno nîûndû wa ûndû ûcio. Kwoguo nîwetire ndungata ciake na agîciûria atîrî, “Nû gatagatîrî kenyu wî mwena wa mûthamaki wa Isiraeli?”

2Atha 6:13

Mûthamaki nîwaugire atîrî, “Thiîni mûgatuîrie mûmenye varîa arî, nîguo nîmûtûmanîre anyitwe.” Nake nîwerirwe, atî Elisha aarî Dothani.

Ntha 8:3

Ciûra nîigeecûra rûnjîrî rwa Nailo na imwe ciume kuo ithiî gwaku nyomba. Nyomba yaku ya kûmama, ûrîrî waku, nyomba cia anene aku na cia andû aku, wana nginya kûrîa kûrugagîrwa irio na indorî irîa ikimagîrwa mûtu nîigeecûrwa nî ciûra.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Mûvunjia 10:20

Ndûkarume mûthamaki na ngoro, kana ûrume gîtonga ûrî nyomba kûrîa ûmamaga, nîûndû iconi nwa ciîgue igakinyia ûvoro, kana kîûmbe kîrî mathagu Kîamnîrîre ûndû ûcio.

Isaia 29:15

Andû arîa mathithaga Ngai-Mûnene mîvango yao kaî marî na thîna-î! Marûthagîra mîvango yao ndumarî makiugaga atîrî, “Gûtirî mûndû ûratwona, na gûtirî mûndû ûtwicî.”

Isaia 8:10

Îîcûranieni vamwe, nwatî mîvango yenyu ndîkaavinga! Rûthani mîvango, nwatî ndîgaakinyanîra, nîûndû Ngai arî vamwe natue.

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.