2Atha 6:10 - ÎVUKU RÎA ÛVORO MWARO

¹⁰ Kwoguo mûthamaki wa Isiraeli nîwatûmanîre athigari ake matikathiî vandû vau Elisha aamwîrîte ûvoro wavo maita meengî nîguo ekarage emenyererete.

2Atha 6:10 ပူးပေါင်းရင်းမြစ်များ

1Atha 20:15

Kwoguo mûthamaki Ahabu nîwetire anake ndungata cia anene a icunjî cia vûrûri. Onthe maarî magana maîrî ma mîrongo îthatû na aîrî (232). Nîwacokire agîta athigari a Isiraeli. Nao onthe maarî ngiri mûgwanja (7,000).

2Atha 13:14

Rîrîa mûrathi Elisha aarwarire mûrimû ûrîa watûmire akue, Joashi, mûthamaki wa Isiraeli nîwathiîre kûmûcerera. Nîwamûrîrîre akiugaga atîrî, “Vava, vava! Njamba îrîa îrarûagîrîra andû a Isiraeli!”

2Atha 2:12

Elisha nîwonire gîkaari kîu na akiugîrîria atîrî, “Ûûi vava, ûûi vava! Mûndû ûrî vinya, ûrîa ûrûagîrîra Isiraeli! Nîwathiî!” Nwatî Elisha ndaacoka kwona Elija rîngî. Elisha nîwacokire akîgwata nguo ciake ke mwene na agîitembûrania icunjî igîrî.

2Atha 5:14

Kwoguo Namani nîwathiîre rûnjîrî rwa Jorodani. Nîwetovokirie kuo maita mûgwanja, wata ûrîa eerîtwe nî mûrathi Elisha na nîwavonire viû na mwîrî wake ûgîkara ta wa kaana.

2Atha 6:11

Mûthamaki wa Sîria nîwathînîkire ngoro mûno nîûndû wa ûndû ûcio. Kwoguo nîwetire ndungata ciake na agîciûria atîrî, “Nû gatagatîrî kenyu wî mwena wa mûthamaki wa Isiraeli?”

2Atha 6:9

Nwatî Elisha nîwatûmire mûndû athiî kûrî mûthamaki wa Isiraeli akamwîre atîrî, “Îîmenyerere ndûkavîtûkîrîre vandû vau, nîûndû vau nîvo andû a Sîria mathiîte kwîthitha.”

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

Nthi 27:12

Mûndû mûûgî onaga thîna îgîûka akamîûrîra, nwatî mûndû mûritu eviraga thînarî akanyitwa nîguo.

Jeremia 11:18

Ngai-Mûnene nîwamenyithirie nanie ngîmenya; Ngai-Mûnene nîwamenyithirie mîvango yao mîcûku.

Mathaayo 2:12

Nao andû acio nîmaakaanirue nî Ngai marî kîrotorî makîrwa matigaacokerere kwa Herode. Kwoguo nîmaacokire vûrûrirî wao na njîra îngî.

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Ciîko 27:24

na ambîra atîrî, ‘Tiga kwîgua guoya, Paûlo! We nwanginya ûrûngame mbere ya mûthamaki wa Roma. Ngai nîûndû wa wega wake akaavonokia mîoyo ya andû onthe arîa mûthiîcanîtie nao mûrî merirî.’

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.