2Atha 5:8 - ÎVUKU RÎA ÛVORO MWARO

⁸ Nwatî rîrîa mûrathi Elisha eegwire atî mûthamaki wa Isiraeli nîatembûrangîte nguo ciake, nîwatûmanire kûrî ke akerwe atîrî, “Ûrakarîtue ûguo nî ndûî? Mwîre aûke kûrî nie wa rîu na nîakûmenya atî gûkû Isiraeli kûrî na mûrathi!”

2Atha 5:8 ပူးပေါင်းရင်းမြစ်များ

2Sam 3:31

Nake Daudi nîwerire Joabu na andû ake matembûrange nguo ciao, mekîre nguo cia macakaya na marîrîre Abineri. Nao makîthiî kûmûthika, mûthamaki Daudi nîwaumire îthandûkû rîrîa rîekîrîtwe mwîrî wa Abineri vuva.

1Atha 12:22

Nwatî Ngai nîwerire mûrathi Shamaia

1Atha 17:24

Nake mûndûmûka wa ndigwa nîwerire Elija atîrî, “Rîu nînetîkia atî wî mûndû wa Ngai na atî maûndû marîa Ngai-Mûnene aragia na njîra yaku nîma ma!”

2Atha 1:6

Nao nîmaamûcokerie atîrî, “Kûrî mûndûmûrûme ûtûtûngire na atwîra tûcoke kûrî mûthamaki ûcio ûtûtûmîte na tûmwîre atî Ngai-Mûnene augîte atîrî, ‘Nîkwa gûtarî ngai gûkû Isiraeli atî nîguo ûtûme anjaama mathiî makaûrie ûtaaro kûrî Baalizebubu, ngai ya Ekironi? Kwoguo tîûvora mûrimû ûyû waku, nwatî nama we nîûgûkua!’ ”

2Atha 5:15

Nîwacokire marî na ndungata ciake kûrî mûrathi Elisha na akîra Elisha atîrî, “Rîu nînamenya atî gûkû nthî kuonthe gûtirî ngai îngî tiga Ngai wa Isiraeli. Kwoguo nakûthaitha wamûkîre kîveo kuuma kûrî nie.”

2Atha 5:3

Mûthenya ûmwe mwîrîtu ûcio nîwerire mûndûmûka ûcio mwathi wake atîrî, “Narî kethîrwa mwathi wakwa nwa athiî kûrî mûrathi ûrîa ûtûûraga Samaria! Ûcio nwa amûvonie mûrimû ûcio wake mûcûku wa ngothi.”

2Atha 5:7

Rîrîa mûthamaki wa Isiraeli aathomire maarûa îo, nîwatûmbirwe nî marakara na agîtembûranga nguo ciake na akiuga atîrî, “Mûthamaki wa Sîria areciria nie nî Ngai ûngîvota kûûraga mûndû na akamûriûkia, nwa nvote kûvonia mûndû ûyû mûrimû wake mûcûku wa ngothi? Roria rîu wone ûrîa arenda twambîrîrie kûnegenania nake!”

2Atha 5:9

Kwoguo Namani nîwathiîre na mbarathi ciake na ikaari ciake cia mbaara na akîrûngama mûromorî wa nyomba ya Elisha.

Ntha 11:8

Musa aarîkîrîrie na kûmera atîrî, “Anene aku onthe nîmagaaûka kûrî nie na menamîrîre mbere yakwa. Nao nîmakaanthaitha mboce andû akwa onthe nthiî nao. Na vuva wa ûguo nie nîngaathiî.” Nake Musa ecûrîtwe nî marakara meengî, nîwaumire kwa mûthamaki wa Misiri na akîthiî.

Ezek 2:5

Wana makûthikîrîria kana marege gûkûthikîrîria nîûndû o nîmareganîte nanie, nîmakaamenya atî mûrathi ararî gatagatî kao.

Hosea 12:13

Na njîra ya mûrathi Ngai-Mûnene nîwarutire andû a Isiraeli kuuma Misiri, na na njîra ya mûrathi Ngai nîwamagitîre.

Aroma 11:13

Rîu nîraria na mue andû a Ndûrîrî. Rîrîa rîonthe mbîthagîrwa nîrî mûtûmwa kûrî andû a ndûrîrî nînîrutanagîria ûtungatarî wakwa,

1Sam 9:6

Nwatî ndungata îo nîyerire Saûlo atîrî, “Tamba ûtige! Gûkû îtûûrarî rîîrî kwîthagîrwa kûrî na mûndû wa Ngai. Mûndû ûcio ethagîrwa arî mûtîîku mûno nîûndû maûndû monthe marîa augaga nîmatuîkîkaga. Tiga tûthiî kûrî ke, na avota gûtwîra kûrîa tûngîona mvunda icio.”