2Atha 5:16 - ÎVUKU RÎA ÛVORO MWARO

¹⁶ Nwatî Elisha nîwaugire atîrî, “Nevîta na Ngai-Mûnene ûrîa ûtûûraga mwoyo, ûrîa ndungatagîra, atî tînyamûkîra kîveo wanarî kîmwe.” Naamani nîwaringîrîrie Elisha amûkîre kîveo, nwatî Elisha nîwaregire.

2Atha 5:16 ပူးပေါင်းရင်းမြစ်များ

1Atha 13:8

Nake mûrathi ûcio nîwerire mûthamaki atîrî, “Wana ûkamva nuthu ya ûtonga waku, tûtingîthiî nawe kûrîcanîra kana kûnyunyanîra vamwe.

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

1Atha 18:15

Nake Elija nîwacokirie atîrî, “Nevîta na Ngai-Mûnene mwene vinya wonthe, ûrîa ndungatagîra, atî nîngûthiî kûrî mûthamaki ûmûnthî.”

2Atha 3:14

Nake Elisha nîwacokirie atîrî, “Wata ûrîa Ngai-Mûnene mwene vinya wonthe atûûraga mwoyo, na ûrîa ndungatagîra, tiga nîkwa nîratîîa Jehoshafati, mûthamaki wa Juda, nie nevîta atî ndingîevûgûra na kûrîa ûrî wana kana ngûrorie.

2Atha 5:20

Gehazi, ndungata ya Elisha nîwaugire atîrî, “Taroria, mwathi wakwa nîwarega kwamûkîra kîrîa Naamani aramûreterete na nîwamûrekereria athiî. Nevîta na Ngai-Mûnene ûrîa ûtûûraga mwoyo, atî nînîmûrûmîrîria na îvenya na mboce kîndû kuuma kûrî ke.”

2Atha 5:26

Nwatî Elisha nîwerire Gehazi atîrî, “Kinthî tûtirarî nawe kîîroho rîrîa mûndûmûrûme aumire gîkaarirî gîake Kîam mbaara na agûtûnga? Kau nîko kararî kavinda ga kwamûkîra mbeca, nguo, mîgûnda ya mîtamaiyû îrîa îciaraga matunda na ya mîthavibu, ng'ondu na ndegwa wana kana ndungata cia aka na cia arûme?

Danieli 5:17

Danieli nîwacokerie mûthamaki Belishazaru atîrî, “Nwa wîkare na iveo ciaku mûthamaki kana ûve mûndû wîngî. Kûnarî ûguo Mûthamaki, nîngûkûthomera mandîko mama na ngûtaûrîre mo.

Mathaayo 10:8

Vonagiani arwaru, riûkagiani arîa akuû, theragiani arîa marî na mûrimû mûcûku wa ngothi, na mûrutûrûrage ndaimono. Nie namûva ûvoti ûyû mana, kwoguo vecanagani mana.

1Akor 6:12

Mûndû avota kuga atîrî, “Nie nîrîmwîtîkîrie gwîka ûndû wa wonthe.” Ûguo nîguo, nwatî maûndû monthe tî maro kûrî mue mûkîmeka. Nie nwa mbuge atî nîrîmwîtîkîrie gwîka ûndû wa wonthe, nwatî ndigûtuwa ngombo nî ûndû wana ûrîkû.

2Akor 12:14

Rîîrî rîu nî riita rîa kathatû nîvarîrîtie gûka kûmûcerera. Nie ndigeetia kîndû kuuma kûrî mue. Nîmue ngwenda nwatî tî mbeca cienyu nîûndû ciana iticaragîria aciari ao, nwatî aciari nîo macaragîria ciana ciao.