2Atha 4:25 - ÎVUKU RÎA ÛVORO MWARO

²⁵ Kwoguo nîwambîrîrie rûgendo na akîthiî kîrîmarî gîa Karimeli, kûrîa Elisha aarî. Rîrîa Elisha aamwonire athiîte na kûrî ke, nîwerire Gehazi ndungata yake atîrî, “Taroria, ûûrîa mûndûmûka ûrîa Mûshunemu ûkîte!

2Atha 4:25 ပူးပေါင်းရင်းမြစ်များ

1Atha 18:19

Rîu athana andû onthe a Isiraeli magomane kîrîmarî gîa Karimeli tûcemanie nao kuo. Mûke na arathi magana mana ma mîrongo îtano (450) a Baali na arathi magana mana (400) a Ashera, ngai ya nga, arîa marîcanagîra na Jezebeli.”

1Atha 18:42

Kwoguo Ahabu nîwathiîre akarîe na anyue; nake Elija nîwaunûkirie îgûrû rîa kîrîma gîa Karimeli. Nîwenamîrîrie ûthiû wake nthî, na agîkîra kîongo gatagatî ka maru make.

2Atha 1:9

Mûthamaki nîwacokire agîtûma mûnene wa athigari mîrongo îtano na athigari acio mathiî makagîre Elija. Mûnene ûcio nîwethîre Elija ekarîte nthî gacûmbîrî ga kîrîma na akîmwîra atîrî, “Mûndû wa Ngai, mûthamaki akwîra ûnyûrûrûke.”

2Atha 2:25

Elisha nîwathiîre na mbere na agîkinya Kîrîmarî gîa Karimeli, na vuvarî nîwacokire Samaria.

2Atha 4:24

Mûndûmûka nîwaugire mvunda îtandîkwe, na akîra ndungata yake atîrî, “Vinyûrithia mvunda wata ûrîa îngîvota na ndûkathiî kavora tiga nwa ngwîrire.”

2Atha 4:26

Vinyûra ûmûtûnge na ûmûrie kana nî mwaro, kana mûrûme nî mwaro, na kana mûvîcî nî mwaro.” Nake mûndûmûka nîwerire Gehazi atîrî, “Maûndû monthe nî maro.”

2Atha 4:27

Nwatî rîrîa mûndûmûka ûcio aakinyire kûrî Elisha vau kîrîmarî, nîwanyitire magûrû ma Elisha. Nake Gehazi nîwathiîre vakuvî nîguo amûthengutie vo, nwatî Elisha nîwamwîrire atîrî, “Tigana nake, nîûndû arî na ûndû ûramûthînia mûno ngororî; na Ngai-Mûnene nîanthithîte ûndû ûcio, akarega kûmbîra.”

2Atha 5:20

Gehazi, ndungata ya Elisha nîwaugire atîrî, “Taroria, mwathi wakwa nîwarega kwamûkîra kîrîa Naamani aramûreterete na nîwamûrekereria athiî. Nevîta na Ngai-Mûnene ûrîa ûtûûraga mwoyo, atî nînîmûrûmîrîria na îvenya na mboce kîndû kuuma kûrî ke.”

2Atha 8:4

Nîwethîrîrie mûthamaki akîaragia na Gehazi ndungata ya Elisha. Mûthamaki eraga Gehazi atîrî, “Tambîra maûndû monthe manene marîa Elisha ekîte.”

Isaia 35:2

Nîgûkaamera maûa meengî, na kwine gûcanjamûkîte na gîkeno. Werû nîûkaavewa riiri wa Lebanoni, ûthaka wa kîrîma gîa Karimeli na wa Kîamnda gîa Sharoni. Nîmakoona riiri wa Ngai-Mûnene, nîmakoona ûnene wa Ngai wetû.