2Atha 4:2 - ÎVUKU RÎA ÛVORO MWARO

² Nake Elisha nîwamûûririe atîrî, “Ûrenda ngwîke atîa? Ta mbîra wî na ndûî mûciî gwaku.” Nake mûndûmûka ûcio nîwamûcokerie atîrî, “Gûtirî wanarî kîndû, tiga tûguta tûnini tûrî kanyûngûrî.”

2Atha 4:2 ပူးပေါင်းရင်းမြစ်များ

1Atha 17:12

Nake nîwacokirie atîrî, “Nie nevîta na Ngai-Mûnene, Ngai waku ûrîa ûtûûraga mwoyo, atî ndirî na mûgate. Nwa kamûtu kanini tu nîrî nako karî mbakûrirî na tûguta tûnini tûrî mûcuvarî, na rîu nîkwa nîrocania ngû nîguo nthiî ngaruge kamûtu kau tûrîe tûrî na mûvîcîwa tûcoke tûkue nîûndû tûtirî na irio ciîngî.”

2Atha 2:9

Maringa rûnjî, Elija nîwerire Elisha atîrî, “Mbîra ûrîa ûkwenda ngwîkîre mbere ya nthengutue kûrî we.” Nake Elisha nîwaugire atîrî, “Nakûthaitha ûngaîre gîcunjî Kîam roho waku maita maîrî.”

2Atha 4:3

Nake Elisha nîwamwîrire atîrî, “Thiî mîciî kwa andû arîa mûtûûranîrîte nao na ûvoye nyûngû nyîngî itarî kîndû.

Ntha 4:2

Nake Ngai-Mûnene nîwaûririe Musa atîrî, “Nî ndûî ûnyitîte?” Nake Musa nîwacokirie atîrî, “Nî karûthanju.”

Mathaayo 15:34

Nake Jesû nîwamaûririe atîrî, “Mûrî na mîgate îgana?” Nao nîmaamûcokerie atîrî, “Tûrî na mîgate mûgwanja na tûthamaki tûtarî twîngî.”

Ciîko 3:6

Nwatî Petero nîwamwîrire atîrî, “Nie ndirî na mbeca, nwatî nîngûkûva kîrîa nîrî nakîo. Na rîîtwa rîa Jesû Kristû wa Nazarethi, nie nakwîra ûûkîre na wîthiîre!”

2Akor 6:10

Wana ethîrwa nîtwîgwithagua kîeva, vîndî cionthe twîthagîrwa tûrî akenu. Twonekaga tûrî athîni, nwatî nîtûtûmaga andû eengî matonge. Twonekaga tûtarî na kîndû, nwatî nîma tûrî na indo cionthe.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.