2Atha 4:13 - ÎVUKU RÎA ÛVORO MWARO

¹³ Elisha nîwerire Gehazi atîrî, “Mûrie ûrîa nîngîmwîkîra nîûndû wa maûndû mama monthe atwîkîte. Nîakwenda arîrîrue kûrî mûthamaki kana kûrî mûnene wa athigari a mbaara?” Nake mûndûmûka nîwacokirie atîrî, “Nîrîmwîganîru nîrî gatagatîrî ka andû a mûvîrîga wetû.”

2Atha 4:13 ပူးပေါင်းရင်းမြစ်များ

Kîam 14:24

Gûtirî kîndû ngwîtîkîra tiga wa kîrîa andû akwa maatûmîre. Nwatî îtîkîria andû arîa twarî ûûrûmwe nao makuue îgai rîao. Andû acio nî: Aneri, Eshikoli, na Mamure.”

2Sam 19:13

Daudi nîwacokire akîmeera meere Amasa atîrî, “We ûrî wa nyomba yakwa kuuma ûmûnthî nînagûtua mûnene wa athigari akwa a mbaara vandûrî va Joabu. Ngai arombûraga ethîrwa tî mvingia ûguo.”

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

2Atha 4:12

Nîwerire Gehazi, ndungata yake atîrî, “Îta mûndûmûka ûcio Mûshunemu.” Rîrîa mûndûmûka ûcio aaûkire na akîrûngama mbere ya Elisha,

2Atha 4:14

Elisha nîwaûririe atîrî, “Nînjoka nîmwîkîre atîa?” Nake Gehazi nîwamûcokerie atîrî, “Mûndûmûka ûcio ndarî kaana ga kavîcî na mûrûme nî mûkûrû.”

2Atha 8:1

Elisha nîwerîte mûndûmûka ûrîa watûûraga Shunemu, ûrîa aariûkîtie mûvîcî atîrî, “Ûkîra mûrî na andû a nyomba yaku na mûthiî kûndû kwîngî, nîûndû Ngai-Mûnene nîagûtûma kûgîe na yûra vûrûrirî îvinda rîa mîaka mûgwanja.”

2Atha 9:5

na akîthîra anene a athigari macemanîtie. Nîwaugire atîrî, “Mûnene, nîrî na ndûmîrîri yaku.” Nake Jehu nîwamûririe atîrî, “Gatagatîrî getû tuonthe-î, ûrarîria ûrîkû?” Nake mûrathi nîwamûcokerie atîrî, “Nîwe mûnene nîrarîria.”

Thaburi 37:3

Îîvokeni Ngai-Mûnene na mwîkage waro, nîguo mûtûûre vûrûrirî ûyû mûrî na thayû.

Aroma 16:2

Mwamûkîreni nîûndû ke nîwîtîkîtie Mwathani, wata ûrîa andû a Ngai magîrîrwe nî kwamûkîrwa. Mûtethieni na kîrîa kîonthe angîvatara, nîûndû ke aanandethia na aanatethia andû eengî.

Aroma 16:6

Na mûkethie Mariamu, ûrîa wîthîrîtwe akîruta wîra gatagatîrî kenyu arî na kîîo mûno.

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”

Ahib 6:10

Ngai nî wa kîvooto. Nama akaaririkanaga wîra ûrîa mwarutire, na wendo ûrîa mwonanirie nîûndû wa rîîtwa rîake. Mue nîmwatungatîre akristiano arîa engî na nwa mûrathiî na mbere kûmatungatîra.