2Atha 3:9 - ÎVUKU RÎA ÛVORO MWARO

⁹ Kwoguo Jehoramu, mûthamaki wa Isiraeli nî maathiîre na mûthamaki wa Juda na wa Edomu. Vuva wa kûthiîrîra njîrarî yarî na ithioro nyîngî îvinda rîa mîthenya mûgwanja, manjî marîa maarî namo nîmaathirire. Kwoguo matiarî na manjî mangîanyuirwe nî athigari kana nyamû irîa maathiîte nacio.

2Atha 3:9 ပူးပေါင်းရင်းမြစ်များ

1Atha 22:27

Ûmere mamûvingîre njeera na mamûrûmagie tûirio tûnini na manjî, nginya rîrîa ngaacoka nîrî na thayû.”

1Atha 22:47

Vûrûri wa Edomu ndwarî na mûthamaki. Vûrûri ûcio wathagwa nî mûnini wa mûthamaki.

1Atha 22:48

Mûthamaki Jehoshafati nîwatumire meri cia Tarishishi cia kûgîra thaavu vûrûrirî wa Ofiri; nwatî meri icio itiathiî nîûndû nîciaunîkangîre Ezioni-geberi.

2Atha 3:1

Mwakarî wa îkûmi na înana Jehoshafati arî mûthamaki wa Juda, Jehoramu, mûvîcî wa Ahabu nîwatuîkire mûthamaki wa Isiraeli na akîathana arî Samaria îvinda rîa mîaka îkûmi na îîrî.

2Atha 3:10

Mûthamaki wa Isiraeli nîwaugire atîrî, “Aia! Anga Ngai-Mûnene atwîtîte tue athamaki athatû tûngane vamwe nîguo atûrekererie tûragwe nî andû a Moabu!”

2Atha 3:7

Nîwatûmanire kûrî Jehoshafati, mûthamaki wa Juda akerwe atîrî, “Mûthamaki wa Moabu nîmûreganu nanie; nîûkwenda tûthiî nawe tûkarûe na andû a Moabu?” Nake mûthamaki Jehoshafati nîwacokirie atîrî, “Nîtûkûthiî; nie nawe tûrî kîndû kîmwe, andû akwa nwa ta andû aku, na mbarathi ciakwa nwa ta mbarathi ciaku.

2Atha 3:8

Nîtûthiîrîra njîra îrîkû tûkîthiî kûtharîkîra?” Nake Jehoramu nîwamûcokerie atîrî, “Nîtûthiîrîra njîrarî ya werû wa Edomu.”

2Atha 8:20

Vîndî ya ûthamaki wa Jehoramu, andû a Edomu nîmaaregire kwathwa nî mûthamaki wa Juda na nîmaathuurire mûthamaki wao.

Ntha 11:8

Musa aarîkîrîrie na kûmera atîrî, “Anene aku onthe nîmagaaûka kûrî nie na menamîrîre mbere yakwa. Nao nîmakaanthaitha mboce andû akwa onthe nthiî nao. Na vuva wa ûguo nie nîngaathiî.” Nake Musa ecûrîtwe nî marakara meengî, nîwaumire kwa mûthamaki wa Misiri na akîthiî.

Ntha 15:22

Musa nîwacokire agîtongoria andû a Isiraeli kuuma îria îtune makîthiî werûrî wa Shuru. Nao nîmaathiîre rûgendo rwa mîthenya îthatû marî werûrî na matakwona manjî.

Ntha 17:1

Andû onthe a Isiraeli nîmaaumire werûrî wa Sini. Nîmaathiîcaga vandû na makauma vo kûringana na ûrîa Ngai-Mûnene aamaathaga. Nao nîmaambire magema mao Refidimu, nwatî kûu gûtiarî manjî ma kûnyua.

Ndari 20:2

Nakuo kûu Aisiraeli maambîte magema mao gûtiarî na manjî, kwoguo nîmaagomanire vamwe na magîûkîrîra Musa na Aroni,

Ndari 20:4

Watûretire gûkû werûrî nîguo tûkuîre kuo vamwe na ndîthia yetû?

Ndari 21:5

Nîmaambîrîrie gûtetia Ngai na Musa makiugaga atîrî, “Mwatûrutire Misiri tûke tûkûre werûrî nîkî? Gûkû gûtirî irio kana manjî, wana tûrî atimbe nî irio ino.”

Ndari 33:14

Kuuma Alushi nîmaathiîre na magîkara Refidimu, kûrîa gûtaarî na manjî ma kûnyua.

Atir 4:10

Baraki nîwacokanîrîrie andû a mîvîrîga ya Zebuluni na Nafutali kûu Kadeshi na arûme ngiri îkûmi nîmaamûrûmîrîre wana Debora nîmaathiîre nake.