2Atha 3:25 - ÎVUKU RÎA ÛVORO MWARO

²⁵ na magîcûkangia matûûra mao marîa maro. Rîrîa maavîtûkagîrîra mîgûndarî îrîa mînoru, andû onthe a Isiraeli nîmaaikirie mathiga mîgûndarî îo, nginya mûthiiarî vûrûri ûcio ûkîthîrwa wîcûrîte mathiga, nîmaacokire makîthika ithima cionthe cia manjî na magîtema mîtî yonthe ya matunda. Mûthiiarî îtûûra rînene rîa Kiri Heresi nîrîo tu rîatigarire, nao andû arîa maaikagia mathiga na ikûtha nîmaarîthiûrûrûkîrie na makîrîgwatîra.

2Atha 3:25 ပူးပေါင်းရင်းမြစ်များ

Kîam 26:15

Kwoguo nîmaathikire ithima cionthe irîa cienjîtwe nî ndungata cia îthe Iburahimu rîrîa aarî mwoyo.

Kîam 26:18

Nîwathikûririe ithima irîa cienjîtwe vîndî ya Iburahimu, na ciathikîtwe nî Afilisiti rîrîa Iburahimu aakwire. Isaka nîwetire ithima icio marîîtwa wa marîa cietîtwe nî îthe.

2Sam 8:2

Nîwacokire akîvoota Amoabu na akîmeera mamame nthî marîte mîvari. Na wa varî andû athatû acio moovetwe nîwaûragire andû aîrî ao kana andû athatû ao. Kwoguo Amoabu nîmaatuîkire ndungata cia Daudi na makîambîrîria kûmûrutîra gooti.

2Atha 3:19

Nîmûkegwatîra matûûra mao monthe marîa mairigîre vamwe na matûûra mao monthe marîa maro; nîmûgaatema mîtî yao yonthe ya matunda, mûthike ithima cionthe cia manjî, na mûcûkangie mîgûnda îrîa yonthe mînoru na njîra ya gwîcûria mathiga kuo.”

2Atha 3:24

Nwatî rîrîa Amoabu maathiîre kûrîa andû a Isiraeli maambîte magema mao, andû a Isiraeli nîmaatharîkîre Amoabu nginya makîûra. Andû a Isiraeli nîmaarûmîrîrie Amoabu wa makîmaûragaga,

2Atha 3:26

Rîrîa mûthamaki wa Moabu aamenyire atî nîakûvootwa mbaararî, nîwocire arûme magana mûgwanja (700) arîa maarûaga na mviû na makîgeria kûûrîra kûrî mûthamaki wa Edomu, nwatî matiavota.

2Maû 32:4

Andû eengî nîmaaûnganire vamwe na makîvinga ithima cionthe irîa ciatherûkga manjî na karûnjî karîa kaavîtûkagîrîra vûrûrirî na makiuga atîrî, “Athamaki a Sîria mangîûka na methîre manjî meengî nîkî?”

Isaia 15:1

Îno nîyo ndûmîrîri ya Ngai îgiî Moabu: Îtûûra rîa Ari na rîa Kiri nîmacûkangîtue ûtukû ûmwe, naguo vûrûri wa Moabu ûkirîte îvooru.

Isaia 16:11

Kwoguo nînîracakaya ngoro nîûndû wa Moabu, na ngegua kîeva nîûndû wa Kiri-heresi.

Isaia 16:7

Kwoguo andû a Moabu nîmararîra, onthe mararîrîra vûrûri wao. Cakayani mûno mue andû a Moabu, nîûndû wa wenye wa îtûûra rîa Kiri-heresethi.

Jeremia 48:31

Kwoguo nînîracakaya nîûndû wa Moabu, ngarîrîra andû onthe a Moabu, na ngacakaîra andû a Kiri-heresi.

Jeremia 48:36

“Kwoguo nînîracakaya nîûndû wa andû a Moabu na andû a Kiri-heresi, ta mûndû ûravuva mûtûrirû mathikorî; nîûndû ûtonga wonthe ûrîa methîrîtwe naguo nî mûthiru viû.

Gûco 2:9

Ngai-Mûnene nîwambîrire atî, ‘Ndûkathînie andû a Moabu, njiarwa cia Loti, kana mûrûe nao, nîûndû nînîmavete îtûûra rîa Ari, na ndikaamûva wanarî gacunjî ka vûrûri wao.’ ”

Atir 9:45

Abimeleki nîwarûire na andû a îtûûra rîu mûthenya wonthe. Nîwarîtavire na akîûraga andû a kuo, akîrîtharia agîcoka agîtûrûra cumbî kûndû kuonthe îtûûrarî rîu.