2Atha 3:11 - ÎVUKU RÎA ÛVORO MWARO

¹¹ Mûthamaki Jehoshafati nîwaûririe atîrî, “Nîkwa gûtarî na mûrathi ava, ûrîa ûngîaria na Ngai-Mûnene vandûrî vetû?” Mûndû ûmwe wa ndungata cia mûthamaki wa Isiraeli nîwaugire atîrî, “Elisha mûvîcî wa Shafati arî ava. Nîke watuîkire mûrathi vuva wa Elija.”

2Atha 3:11 ပူးပေါင်းရင်းမြစ်များ

Kîam 18:4

Tigani nîmûretere manjî mwîthambie magûrû na mûvurûke rungu rwa mûtî ûyû.

1Atha 19:21

Kwoguo Elisha nîwacokire gîkundirî Kîam ndegwa ciake, akîithînja na akîruga nyama, agîtûmagîra îcoki rîrî ngû. Nîwavecanire nyama kûrî andû, na makîrîa. Nîwacokire akîrûmîrîra Elija na agîtuîka ndungata yake.

1Atha 22:7

Nwatî Jehoshafati nîwaûririe atîrî, “Nîkwa gûkû gûtarî mûrathi wa Ngai-Mûnene wîngî tûngîûria ûvoro?”

2Atha 2:25

Elisha nîwathiîre na mbere na agîkinya Kîrîmarî gîa Karimeli, na vuvarî nîwacokire Samaria.

2Atha 3:10

Mûthamaki wa Isiraeli nîwaugire atîrî, “Aia! Anga Ngai-Mûnene atwîtîte tue athamaki athatû tûngane vamwe nîguo atûrekererie tûragwe nî andû a Moabu!”

2Atha 3:12

Jehoshafati nîwaugire atîrî, “Ke nî mûrathi wa ma.” Kwoguo mûthamaki wa Isiraeli, Jehoshafati na mûthamaki wa Edomu nî maathiîre kûrî Elisha.

2Atha 3:3

Nwatî nîwathiîre na mbere gwîka wîvia ûrîa wekagwa nî Jeroboamu, mûvîcî wa Nebati, ûndû ûrîa watûmire andû a Isiraeli mevie na ndaatigana naguo.

1Maû 10:13

Saûlo aakwire nîûndû ndaarî mwîvokeku kûrî Ngai-Mûnene. Nîwaregire kwathîkîra watho wa Ngai-Mûnene, na nîwathiîcaga kûria ûtaaro kûrî ago,

1Maû 14:10

Nake Daudi nîwaûririe Ngai atîrî, “Nthiî ngarûe na Afilisiti? Nîûkûndethia kûmavoota?” Nake Ngai-Mûnene nîwamwîrire atîrî, “Thiî nîngûmanenganîra kûrî mue.”

1Maû 14:14

Wa rîngî Daudi nîwaûririe ûtaaro kûrî Ngai, nake Ngai nîwamwîrire atîrî, “Ndûkatharîkîre Afilisiti kuuma ava. Thiûrûrûka ûkamatharîkîre na mwena ûrîa wîngî mîtîrî ya mîkûngûgû.

1Maû 15:13

Ngai-Mûnene, Ngai wetû nîwatûverithirie nîûndû tûtiarîkuua vîndî ya mbere na tûtiarîmenyarera ta ûrîa aathanîte.”

2Maû 18:6

Nwatî mûthamaki Jehoshafati nîwaûririe atîrî, “Gûtirî na mûrathi wîngî wa Ngai-Mûnene tûngîûria ûtaaro kuuma kûrî ke?”

Thaburi 74:9

Marûûri metû monthe marîa matheru nî mathiru; gûtirî mûrathi wanarî ûmwe mûtigaru, na gûtirî mûndû wanarî ûmwe gatagatîrî getû wicî nîgwîkara ûguo nginya rî.

Jeremia 37:17

mûthamaki Zedekia nîwatûmanire athiî etwe, na akîmûgwata ûgeni gwake. Nîmaathiîre vandû keverirî kûu gwake mûciî na akîmûria atîrî, “Kûrî na ndûmîrîri ûrî nayo kuuma kûrî Ngai-Mûnene?” Jeremia nîwamûcokerie atîrî, “Kûrî nayo.” Jeremia nîwacokire akiuga atîrî, “Nîûkaanenganîrwa kûrî mûthamaki wa Babulonia.”

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Afil 2:22

Mue nîmwîcî ûrîa Timotheo onanîtie atî ke nî mwagîrîru, nîûndû twîthîrîtwe tûkîrutithania wîra nake wa kûvunjia ûvoro Mwaro. Twîthîrîtwe tûkîrutithania wîra ûcio ta Mûriû na îthe.

1Tim 5:10

Nwanginya ethîrwe arî mûndû wîcîkene na arî na ngumo mbaro, mûndûmûka ûrerete ciana ciake na njîra mbaro, ûgwataga andû ûgeni gwake mûciî, ûtethagia andû arîa marî thînarî, ûtungatagîra akristiano arîa engî enyivîtie na wîkaga ûndû wa wonthe mwaro.

Josh 1:1

Vuva wa Musa ndungata ya Ngai-Mûnene gûkua, Ngai-Mûnene nîwerire Joshua mûvîcî wa Nuni, ûrîa watethagîrîria Musa

Josh 9:14

Nao atongoria a Isiraeli nîmaamûkîre irio imwe kuuma kûrî andû a Gibeoni. Andû a Isiraeli nîmeetîkîre kûrûtha kîrîkanîro mbere ya gûtuîria ûvoro wakîo kuuma kûrî Ngai-Mûnene.

Atir 20:18

Aisiraeli nîmaathiîre Betheli na makîûria Ngai atîrî, “Nî andû a mûvîrîga ûrîkû makûthiî kûtharîkîra Aabenjamini marî a mbere?” Nake Ngai-Mûnene nîwacokirie atîrî, “Nî andû a mûvîrîga wa Juda makwambîrîria.”

Atir 20:23

Nîmaathiîre vandû varîa vaagoocagîrwa na nîmaarîrîre Ngai-Mûnene nginya kîvwaî. Nîmaamûririe atîrî, “Nî waro tûthiîte kûrûa na andû etû a Benjamini?” Nake Ngai-Mûnene nîwacokirie atîrî, “Îî.” Kwoguo Aisiraeli nîmeeyûmîrîrie na makiga athigari ao varîa maamaigîte mbere.