2Atha 25:21 - ÎVUKU RÎA ÛVORO MWARO

²¹ Nebukadinezarû nîwarivire andû acio na akîmaûragîra kûu Ribula vûrûrirî wa Hamathi. Kwoguo andû a Juda nîmaarutirwe vûrûrirî wao na makîvirwa îthamîriorî.

2Atha 25:21 ပူးပေါင်းရင်းမြစ်များ

1Atha 8:46

“Andû aku mangîgakwîvîria (nîûndû gûtirî mûndû ûtevagia) nawe ûtûmbwe nî marûrû na ûmarekererie kûrî nthû ciao imavoote na imatave marî mîgwate na imavire vûrûrirî wacio, ûrî kûraca kana gûkuvî;

2Atha 17:20

Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.

2Atha 17:23

nginya rîrîa Ngai-Mûnene aamengatire makiuma kûrî ke, wata ûrîa aaugîte na njîra ya arathi ndungata ciake cionthe, atî nîageka. Kwoguo andû a Isiraeli nîmaavirirwe îthamîriorî Asîria, kûrîa matwîre nginya ûmûnthî.

2Atha 23:27

Ngai-Mûnene nîwaugire atîrî, “Nîngengata andû a Juda maume kûrî nie wata ûrîa nekire andû a Isiraeli, na nîngaatiganîria Jerusalemu îtûûra rîrîa nathuurire na hekarû, varîa naugire nîvo mbagîrîrwe nî kûgoocerwa.”

2Atha 24:15

Nebukadinezarû nîwavirire Jehoiakini Babuloni vamwe na ng'ina, aka ake, ndungata ciake, na atongoria a vûrûri wa Juda, marî mîgwate.

Jeremia 16:13

Kwoguo nîngûmwîngata kuuma vûrûri ûyû nîmûvire ûrîa mue wana kana methe menyu matanamenya. Mûrî kûu nîmûgaatungatîra ngai ciîngî ûtuku na mûthenya, na ndikamwîguîra ntha.’ ”

Jeremia 52:27

Nake Nebukadinezarû mûthamaki wa Babuloni nîwamarivire na akîmaûragîra îtûûrarî rîa Ribula vûrûrirî wa Hamathi. Ûguo nîguo andû a Juda maatavirwe na makîthamua kuuma vûrûrirî wao.

Maca 4:16

Ngai-Mûnene nîke wamanyaganirie, na agîtiga kûmamenyerera, athînjîri-Ngai magîtiga kûvewa gîtîîo, agîtiga kûrûmbûiya ûvoro wa atongoria.

Ezek 24:14

Nie Ngai-Mûnene nînie mbugîte ûguo. Îvinda nîkinyu rîa kûvingia ûrîa mbugîte. Ndikeericûkwa na ndigaakwîguîra ntha. Ngaagûtuîra ciira kûringana na mîthiîre yaku na ciîko ciaku.” Ûguo nîguo Ngai-Mûnene Ngai augîte.

Amosi 5:27

Kwoguo nîngaamûvira îthamîriorî vûrûri ûrî kûraca na Damesiki.” Ûguo nîguo Ngai-Mûnene, ûrîa wîtagwa Ngai mwene vinya wonthe arauga.

Gûco 28:36

“Ngai-Mûnene nîakaamûvira vamwe na mûthamaki wenyu vûrûri mûgeni kûrîa mue wana methe menyu mataicî. Mûrî kûu mûgaatungatagîra ngai ng'eni irûthîtwe na mîtî na mathiga.

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.

Gûco 29:27

Kwoguo Ngai-Mûnene nîwarakarirue nî andû a vûrûri ûyû, na agîtûma manyitwe nî irumi cionthe irîa mandîke îvukuurî rîîrî.

Gûco 4:26

Ûmûnthî nîngwîta îgûrû na nthî ituîke aira atî, mwarega kûmbathîkîra mûrî vûrûrirî ûcio mûthiîte gûtûûra, nîmûkaathirua viû. Mûtigaatûûra kuo îvinda îraca, nwatî nîmûkaathirua viû.