2Atha 25:13 - ÎVUKU RÎA ÛVORO MWARO

¹³ Andû a Babuloni nîmoomomorire itugî cia cuuma ya gîcango irîa ciarî hekarûrî vamwe na inyamû irîa ciekariî ta ikaari na îtangi rîa cuuma ya gîcango, na makîvira cuuma cionthe cia gîcango Babuloni.

2Atha 25:13 ပူးပေါင်းရင်းမြစ်များ

1Atha 7:15

Hiramu nîwatumire itugî igîrî cia gîcango. Wa gîtugî Kîamrî na ûraca na îgûrû wa mita inyanya na mûthiûrûrûko wa mita ithano na cendimita mîrongo îthatû. Ndaarî ya itugî icio kwarî na îrima rîa wariî wa mita igîrî.

2Atha 20:17

kavinda nî gagûkinya, rîrîa indo cionthe icio irî nyombarî yaku, na indo cionthe irîa methe menyu maûnganîtie nginya ûmûnthî igaakuua ivirwe Babuloni. Gûtirî wanarî kîndû kîmwe gîgaatigwa. Ûguo nîguo Ngai-Mûnene augîte.

2Atha 24:13

Nîwacokire agîkuua indo cionthe irîa ciarî hekarûrî na îrîa ciarî nyombarî ya mûthamaki na akîivira Babuloni. Nebukadinezarû nîwacûkangirie indo cionthe cia thaavu irîa ciarî hekarûrî irîa Solomoni, mûthamaki wa Isiraeli aatumîte. Ûndû ûcio wekîkire wata ûrîa Ngai-Mûnene aaugîte.

2Maû 3:15

Mûthamaki Solomoni nîwarûthire itugî igîrî cia gîcango mbere ya hekarû. Itugî icio ciarî cia ûraca na îgûrû wa mita îkûmi na ithano na nuthu (15.5), wa gîtugî. Nacio ciongo cia itugî icio, wa kîongo Kîamrî Kîam ûraca wa mita igîrî na cendimita mîrongo îîrî (2.20).

2Maû 36:18

Mûthamaki nîwakuire indo cionthe cia hekarû irîa ciarî nene na nini na mûthithû wa wayo, ûtonga wa mûthamaki na anene ake, cionthe akîivira Babuloni ake.

Ntha 27:3

Na ûkaarûtha nyûngû cia gwîkîra mûu ûrîa ûrî na mathuma, indo cia kûng'ara, mbakûri, mînyoge na rûgîo rwa mwaki. Indo icio cionthe irûthwe na gîcango.

Isaia 39:6

Taroria, mîthenya nîyûkîte, rîrîa indo cionthe irîa irî gwaku nyomba, vamwe na irîa methe maku maigîte nginya ûmûnthî ikaavirwa Babuloni. Gûtirî kîndû gîgaatigwa; ûguo nîguo Ngai-Mûnene augîte.

Jeremia 20:5

Îgûrû rîa ûguo, ûtonga wonthe wa îtûûra, umithio warîo, indo cionthe ciarîo cia goro, vamwe na igîîna cia mûthamaki wa Juda, nîngairekereria itavwe nî nthû ciao na vinya, maivire vûrûrirî wa Babuloni.

Maca 1:10

Nthû ciake nîciocire indo ciake cionthe cia goro, nîwonire andû a ndûrîrî magîtonya hekarûrî, kûrîa Ngai-Mûnene aamagirîtie gûtonya.