2Atha 25:1 - ÎVUKU RÎA ÛVORO MWARO

¹ Mûthenyarî wa îkûmi, mweri wa îkûmi mwakarî wa kenda, Zedekia arî mûthamaki, Nebukadinezarû mûthamaki wa Babuloni nîwathiîre na athigari ake onthe na makîtharîkîra îtûûra rîa Jerusalemu na magîtuma rûthingo marîthiûrûrûkîrîtie.

2Atha 25:1 ပူးပေါင်းရင်းမြစ်များ

2Atha 24:1

Vîndî wa îo Jehoiakimu aarî mûthamaki, Nebukadinezarû, mûthamaki wa Babuloni nîwatharîkîre Juda, na Jehoiakimu agîtuîka ndungata yake îvinda rîa mîaka îthatû (3). Nîwacokire akîregana nake.

2Atha 24:10

Vîndî ya ûthamaki wake nîrîo Nebukadinezarû, mûthamaki wa Babuloni na athigari ake a mbaara maathiîre kûtharîkîra Jerusalemu na makîrigicîria îtûûra rîu.

2Atha 25:2

Kwoguo îtûûra rîu nîrîarigicîrue nginya mwakarî wa îkûmi na ûmwe Zedekia arî mûthamaki.

2Atha 25:8

Mûthenya wa mûgwanja mweri wa gatano, mwakarî wa îkûmi na kenda Nebukadinezarû arî mûthamaki wa Babuloni, Nebuzaradani, ndungata ya mûthamaki ûrîa warî mûnene wa athigari a mbaara a mûthamaki nîwathiîre Jerusalemu.

1Maû 6:15

Jehozadaki nîwathaamirue rîrîa Ngai-Mûnene aatûmire andû a Juda na Jerusalemu mavirwa îthamîriorî vîndî ya mûthamaki Nebukadinezarû.

2Maû 36:11

Zedekia aatuîkire mûthamaki arî na ûkûrû wa mîaka mîrongo îîrî na ûmwe (21) na aathanire arî Jerusalemu îvinda rîa mîaka îkûmi na ûmwe (11).

Isaia 29:3

Nie nîngaamûcîgîrîria, nîmûcîgîrîrie na nyomba ndaca na nîmûtharîkîre.

Jeremia 21:2

“Ûria ûvoro wetû kûrî Ngai-Mûnene, nîûndû mûthamaki Nebukadinezarû wa Babuloni nîevarîrîtie gûtûtharîkîra, nwa kwîthîrwa Ngai-Mûnene nîagûtûringîra Kîamma nîguo Nebukadinezarû atigane natue.”

Jeremia 27:8

“Nwatî vûrûri wa wonthe kana ûthamaki ûngîkarega gûtungatîra Nebukadinezarû mûthamaki wa Babuloni na kûmwathîkîra, nîngaverithia vûrûri ûcio na mbaara, yûra na mîrimû na nîûthirie viû na njîra ya mûthamaki Nebukadinezarû.

Jeremia 32:1

Ngai-Mûnene nîwarîrie Jeremia mwaka wa îkûmi vîndî îrîa Zedekia aarî mûthamaki wa Juda, na nwaguo warî mwaka wa îkûmi na înana wa mûthamaki Nebukadinezarû.

Jeremia 32:2

Vîndî îo athigari a mbaara a mûthamaki wa Babuloni nîmaathiûrûrûkîrie îtûûra rîa Jerusalemu. Nake mûrathi Jeremia aavingîrîtwe kanyombarî ka arangîri kûu mûciî kwa mûthamaki wa Juda.

Jeremia 32:24

“Taroria, Akalidei nîmenjîte mûtaro ûrigicîrîtie îtûûra rîonthe nîguo marîtharîkîre na marîîgwatîre. Nayo mbaara, yûra na mîrimû nîigûtûma îtûûra rîîrî rînyitwe nî Akalidei arîa mararîtharîkîra. Nama maûndû marîa waririe nîmaravinga rîu ûkîonaga.

Jeremia 32:28

Kwoguo, nie Ngai-Mûnene nîrauga atî nîngûvecana îtûûra rîîrî kûrî Akalidei na kûrî Nebukadinezarû Mûthamaki wa Babuloni na nîakûrîgwata.

Jeremia 4:17

Mathiûrûrûkîrîtie Jerusalemu ta arangîri a mûgûnda, nîûndû andû a kuo nîmareganîte nanie. Ûguo nîguo Ngai-Mûnene arauga.

Jeremia 43:10

Nîûgacoka wîre andû a Juda atî: Ngai-Mûnene mwene vinya wonthe, Ngai wa Isiraeli augîte atî: nîngatûma ndungata yakwa mûthamaki Nebukadinezarû wa Babuloni, nake nîakaiga gîtî gîake Kîam ûthamaki îgûrû rîa mathiga mama nathika ava, na aige îgema rîake rîa ûthamaki îgûrû rîa mo.

Jeremia 50:17

Ngai-Mûnene arauga atîrî, “Andû a Isiraeli mekariî ta ng'ondu ivinyûrîtue na ikanyaganua nî mûnyambû. Maambire kûtharîkîrwa nî mûthamaki wa Asîria, magîcoka makîtharîkîrwa nî Nebukadinezarû mûthamaki wa Babuloni.

Jeremia 51:34

Nebukadinezarû mûthamaki wa Babuloni nîacûkangîtie Jerusalemu na agakwananga. Agûtigîte gwîkariî ta nyûngû îtarî na kîndû, akûmeretie ta njûnamatu. Eyocerete kîrîa kîonthe akwenda, agacoka agata indo icio ciîngî.

Jeremia 52:1

Zedekia aatuîkire mûthamaki arî na ûkûrû wa mîaka mîrongo îîrî na ûmwe (21) na nîwathanire arî Jerusalemu mîaka îkûmi na ûmwe. Ng'ina etagwa Hamutali mwarî wa Jeremia wa kuuma Libuna.

Jeremia 6:3

Athamaki magaaûka na athigari ao ta ûrîa arîthi mathiîcaga na ndîthia ciao, makamba magema mao marîthiûrûrûkîrîtie, wa mûndû agekaraga wa varîa akwenda.

Ezek 21:14

“Kwoguo we mûndû, vecana ûrathi! Vûra mvî na ûreke rûviû rûrute wîra maita maîrî, wana rita rîa kathatû. Nî rûviû rwa kûraga andû rûmarigicîrîtie,

Ezek 26:7

Ngai-Mûnene Ngai augîte atîrî, “Nîngaareta Nebukadinezarû mûthamaki wa Babuloni, mûthamaki ûrîa mûnene gûkîra athamaki arîa engî wa kuuma mwena wa rûgûrû atharîkîre Turo. Agaaûka arî na mbûtû nene ya athigari eengî, athigari matwîte mbarathi, na arî na mbarathi na ikaari cia mbarathi.

Ezek 40:1

Kwarî mûthenya wa îkûmi wa mweri wa mbere wa mwaka wa mîrongo îîrî na îtano kuuma twavirwa îthamîriorî, na mwaka ûcio nîguo warî wa îkûmi na îna kuuma îtûûra rîa Jerusalemu rîanyitwa. Mûthenya ûcio nînecûrirwe nî vinya wa Ngai-Mûnene.

Zakaria 8:19

“Kwînyerekia mweri wa kana, mweri wa gatano, mweri wa mûgwanja, wa mweri wa îkûmi igaatuîka irugo cia gîkeno na thayû kûrî andû a Juda. Kwoguo rûmagîrîrani ûvoro wa ma na wa thayû.”

Gûco 28:52

Andû acio nîmakaarigicîria matûûra menyu monthe marîa marî vûrûrirî ûrîa Ngai-Mûnene Ngai wenyu amûveete, na momomore nthingo irîa imagitîrîte irîa mwîvokete atî ikaamûgitagîra.