2Atha 23:4 - ÎVUKU RÎA ÛVORO MWARO

⁴ Mûthamaki Josia nîwacokire akîatha mûthînjîri-Ngai mûnene, Hilikia, athînjîri-Ngai arîa maamûtethagîrîria, na arangîri a kîvingo Kîam hekarû marute hekarûrî ya Ngai-Mûnene indo cionthe irîa ciatûmagîrwa kûgooca Baali, irîa ciatûmagîrwa kûgooca Ashera, na cionthe îrîa ciatûmagîrwa kûgooca indo cionthe cia îgûrû. Nîwavîvîrie indo icio cionthe nja ya îtûûra rîa Jerusalemu mîgûndarî ya Kîamnda gîa Kidironi, na nîwakuire mûu wa cio akîûvira Betheli.

2Atha 23:4 ပူးပေါင်းရင်းမြစ်များ

2Sam 15:23

Andû onthe a Isiraeli nîmaarîrire maugîrîrîtie rîrîa moonire andû arîa maarûmagîrîra Daudi makîthiî. Mûthamaki vamwe na andû ake nîmaaringire karûnjî ga Kidironi na makîthiî merekerete werûrî.

1Atha 12:29

Nîwaigire gacaû kamwe ka thaavu kûu Betheli, nako kau kengî agîkaiga kûu Dani.

1Atha 15:13

Nîwacokire agîtigithia ng'ina kûthiî na mbere arî mûthamaki wa mûndûmûka, nîûndû nîwarûthire mûvuanano wa ngai ya mûndûmûka ya Ashera. Asa nîwatemangire mûvuanano ûcio na akîûvîvîria Kîamndarî gîa karûnjî ga Kidironi.

1Atha 16:31

Makîria ya kûrûmîrîra mîtugo mîcûku îrîa yekîtwe nî mûthamaki Jeroboamu, Ahabu nîwavikirie Jezebeli mwarî wa Ethibaali, mûthamaki wa Sidoni. Nîwatungatîre Baali na akîmîgooca.

1Atha 18:19

Rîu athana andû onthe a Isiraeli magomane kîrîmarî gîa Karimeli tûcemanie nao kuo. Mûke na arathi magana mana ma mîrongo îtano (450) a Baali na arathi magana mana (400) a Ashera, ngai ya nga, arîa marîcanagîra na Jezebeli.”

1Atha 18:26

Nao arathi acio nîmoocire ndegwa îo maanengerirwe, makîmîvarîria na magîta Baali kuuma kîraûko nginya thaa thita cia mûthenya makiugaga atîrî, “We Baali, twîgue!” Nao nîmaainaga makîrûgarûgaga mathiûrûrûkîrîtie metha ya kîgongoona îrîa maatumîte, nwatî matiegua wanarî mûgambo kana macokio.

1Atha 18:40

Elija nîwathire andû acio atîrî, “Nyitani arathi a Baali; na mûtikareke wanarî ûmwe wao aûra!” Nao andû nîmaanyitire arathi onthe a Baali, na Elija nîwaugire manyûrûrûkue karûnjîrî ga Kishoni na akîmaûragîra vo.

1Atha 19:18

Kûnarî ûguo, nîndigarîtie andû ngiri mûgwanja (7,000) marî mwoyo kûu Isiraeli. Andû acio nî arîa onthe maambathîkagîra na mataanenamîrîria mothiû mao kûrî Baali kana mamumunya mûvuanano wake.”

2Atha 10:26

na makîruta gîtugî Kîammûre kîrîa Kîamrî mûvuanano wa Ashera na magîkîvîvia.

2Atha 12:10

Rîrîa rîonthe mona, atî kûrî na mbeca nyîngî kathandûkûrî kau, karani wa mûthamaki marî na Mûthînjîri-Ngai mûnene nîmaathiîcaga magatara mbeca icio ciaumaga hekarûrî na magaciova magaciîkîra mîvukorî.

2Atha 17:16

Nîmaaunire mawatho monthe ma Ngai-Mûnene Ngai wao, makîîrûthîra mîvuanano îîrî ya tûcaû twa Cuuma îrî mîrarûre. Wana nwa maarûthire mûvuanano wa ngai ya nga ya Ashera, na makagoocaga indo cionthe cia îgûrû, na magatungatîra Baali.

2Atha 21:3

Nîwatumire rîngî kûndû gwa kûgoocagîrwa ngai cia mîvuanano kûrîa îthe Hezekia aacûkangîtie; nîwatumire metha cia magongoona cia Baali na akîrûtha mûvuanano wa ngai ya nga ya Ashera, ta ûrîa Ahabu mûthamaki wa Isiraeli eekîte. Makîria ya ûguo, Manase nwa wagoocaga ciûmbe cionthe cia îgûrû na agaitungatîra.

2Atha 21:5

Nîwatumire metha cia kîgongoona cia kûgoocagîra ciûmbe cia îgûrû ivaarorî igîrî cia hekarû ya Ngai-Mûnene.

2Atha 21:7

Nîwaigire mûvuanano wa ngai ya ngai ya Ashera hekarûrî, kûrîa Ngai-Mûnene eerîte Daudi na mûvîcî Solomoni atîrî, “Hekarûrî îno gûkû Jerusalemu, nîkuo nthurîte kuuma kûrî mîvîrîga yonthe ya Isiraeli na nîkuo ngûtûûra ngoocagîrwa.

2Atha 22:4

“Thiî kûrî Hilikia, mûthînjîri-Ngai mûnene ûmwîre atare mbeca irîa arangîri a hekarû maûnganîtie kuuma kûrî andû.

2Atha 23:12

Nîwagwîthirie na akiunanga metha cionthe cia magongoona tûcunjî irîa athamaki a Juda maatumîte îgûrû rîa nyomba ya îgûrû ya mûthamaki Ahazi, wa vamwe na metha cia magongoona irîa mûthamaki Manase aatumîte ivaarorî cioîrî cia hekarû. Nîwacokire agîta tûcunjî tûu karûnjîrî ga Kidironi.

2Atha 23:15

Josia nîwacûkangirie kûndû gûtûgîru kûrîa kwagoocagîrwa gwatumîtwe nî mûthamaki Jeroboamu, mûvîcî wa Nefati kûu Betheli. Mûthamaki Jeroboamu nîke watûmire andû a Isiraeli mevie. Nîwomomorire metha ya kîgongoona, akiunanga mathiga mayo tûcunjî, nîwatûthiire nginya tûgîtuîka rûkûngû, na akîvîvia mûvuanano wa Ashera.

2Atha 25:18

Nebuzaradani, mûnene wa arangîri a mûthamaki nîwanyitire Seraia, mûthînjîri-Ngai mûnene na Zefania, mûthînjîri-Ngai mûtethereria wa Mûthînjîri-Ngai mûnene vamwe wa arangîri engî athatû a kîvingo marî mîgwate.

2Maû 15:16

Mûthamaki Asa nîwathengutirie ng'ina Maaka gîtîrî Kîam ûnene Kîam mûndûmûka mûthamaki, nîûndû nîwarûthîte mûvuanano wa Ashera, ngai ya mûndûmûka. Asa nîwatemire mûvuanano ûcio wa Ashera na ûkîgwa, akîunanga tûcunjî na akîûvîvîria karûnjîrî ga Kidironi.

2Maû 33:3

Nîwatumire rîngî kûndû gwa kûgoocagîrwa ngai cia mîvuanano kûrîa îthe, Hezekia oomomorete. Nîwatumire metha cia magongoona cia Baali, akîrûtha mîvuanano ya Ashera, ngai ya mûndûmûka na akîgooca ciûmbe cionthe cia îgûrû.

2Maû 33:7

Nîwocire mîvuanano îrîa aaumîtie na akîmiga hekarûrî, kûrîa Ngai eerîte Daudi na mûvîcî Solomoni atîrî, “Gûkû Jerusalemu, hekarûrî îno nîkuo nthuurîte gatagatî ka mîvîrîga yonthe ya Isiraeli nîguo ndûûre ngoocagîrwa kuo tene na tene.

Isaia 27:9

Kwoguo ûguo nîguo mavîtia ma Jakovu makaathirua, ûguo nîguo wîvia wake ûkaathirua viû; mathiga marîa matumîte metha cia magongoona, makaathîwa matuîke mûthetu, na gûtirî mîvuanano ya Ashera, ngai ya mûndûmûka, wana kana metha cia kûvîvîria ûbani igaatigara.

Jeremia 52:24

Nake Nebuzaradani, mûnene wa arangîri nîwanyitire Seraia Mûthînjîri-Ngai, Mûnene wa athînjîri-Ngai, na Zefania ûrîa warî mûnini wake, na arangîri engî athatû.

Jeremia 7:9

Nî mwîaga, mûkaûragana, mûkatharia, mûkarutîra Baali magongoona na mûkagooca Ngai irîa mûtaicî.

Ezek 8:6

Nake nîwambîrire atîrî, “Mûndû, nîûrona ûrîa andû a Isiraeli mareka? Mareka maûndû marî mûgiro na ma gûtûma nthiî kûraca na nyomba yakwa îrîa nyamûre. Nîûkwona maûndû manene na marî magigi gûkîra mau.”

Hosea 4:15

Wana ethîrwa nama mue andû a Isiraeli nîmûvûraga ûmaraa! mûtigatûme andû a Juda methîrwa na mavîtia! Mûtikathiî vandû varîa vatheru kûu Giligali, wana mûtikathiî Bethiaveni, na ndakevîte akiugaga, “Wa ta ûrîa Ngai-Mûnene atûûraga mwoyo.”

Amosi 4:4

Ngai-Mûnene arauga atîrî, “Andû a Isiraeli thiîni Betheli mûkevie na mûthiî Giligali mwîvie mûno. Viragani magongoona menyu wa kîraûko na mûvirage gîcunjî gîa îkûmi vuva wa mîthenya îthatû.

Zefania 1:4

Nîngaverithia andû onthe a Juda na arîa onthe matûûraga Jerusalemu; nîngacûkangia matigari monthe ma Baali kuuma gûkû nthî, marîtwa ma athînjîri-Ngai arîa matungatagîra ngai cia mîvuanano mariganîre.

Mathaayo 26:3

Nao anene a athînjîri-Ngai wa vamwe na athuuri nîmaacemanirie mûciî kwa Mûthînjîri-Ngai mûnene wetagwa Kaiafa,

Mathaayo 27:1

Kîraûko tene, anene a athînjîri-Ngai onthe na athuuri nîmaavangire ûrîa makûûragithia Jesû.

Johana 18:1

Rîrîa Jesû aarîkirie kûvoya, nîwaumire kûu maarî na arutwa ake na makîthiî mûringo ûcio wîngî wa karûnjî ga Kidironi. Navo vau vaarî na mûgûnda na Jesû na arutwa ake nîmaatonyire kuo.

Atir 2:13

Maatigire kûgooca Ngai-Mûnene na makîambîrîria gûtungatîra ngai cia mîvuanano cia Baali na Ashitarothu.