2Atha 23:19 - ÎVUKU RÎA ÛVORO MWARO

¹⁹ Mûthamaki Josia nîwacûkangirie kûndû kuonthe gwa kûgoocerwa kûrîa athamaki a Isiraeli maarûthîte kûu matûûrarî monthe ma Samaria na magatûma Ngai-Mûnene arakare. Eekire ûguo matûûrarî monthe ma Isiraeli wata ûrîa eekîte Betheli.

2Atha 23:19 ပူးပေါင်းရင်းမြစ်များ

1Atha 12:31

Jeroboamu nîwacokire agîtuma kûndû gwa kûgoocagîrwa kûndû kûrîa gûtûgîru, na akîthuura athînjîri-Ngai kuuma kûrî andû arîa onthe mataarî a mûvîrîga wa Lawi.

1Atha 13:32

Mûgeeka guo nîûndû, ciugo irîa mûndû ûyû aathirwe nî Ngai-Mûnene auge cia kûruma metha ya kîgongoona îrîa îrî Betheli, vamwe na kûndû kuonthe gwa kûgoocerwa kûu matûûrarî marîa manene ma Samaria nwanginya ikaavinga.”

1Atha 16:33

Nîwacokire akîrûtha Ashera, mûvuanano wa ngai ya nga. Ahabu nîwarakaririe Ngai-Mûnene, Ngai wa Isiraeli makîria ya andû onthe arîa maarî athamaki a Isiraeli mbere yake.

2Atha 17:9

Andû a Isiraeli nîmeekire na nthitho maûndû marîa Ngai-Mûnene Ngai wao aaregaga. Nîmeetumîre kûndû gwa kûgoocagîrwa matûûrarî mao monthe, kwambîrîria gîcagirî kîrîa kînini viû nginya îtûûrarî rînene rîrîa rîgitîre.

2Atha 21:6

Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

2Atha 8:18

Mûka aarî mwarî wa Ahabu. Kwoguo nîwekire maûndû macûku wata marîa meekagwa nî andû a nyomba ya Ahabu na athamaki a Isiraeli. Nîwevîrie Ngai-Mûnene,

2Maû 31:1

Rîrîa ûkûngûîri wa kîrugo wathirire, andû onthe a Isiraeli arîa maaûkîte kîrugorî nîmaaumagarire makîthiî matûûrarî monthe ma Juda na makiunanga itugî cionthe cia mathiga na mîvuanano ya Ashera, ngai ya mûndûmûka. Nîmaacûkangirie kûndû kûrîa kwagoocagîrwa mîvuanano na metha cia magongoona irîa ciarî Juda kuonthe, Benjamini, Efiraimu na Manase. Andû onthe a Isiraeli nîmaacokire matûûrarî mao na wa mûndû mûciî gwake.

Thaburi 78:58

Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.