2Atha 23:11 - ÎVUKU RÎA ÛVORO MWARO

¹¹ Nîwarutire mîvuanano ya mbarathi îrîa athamaki a Juda maamûrîrîte riûa, na akîvîvia ikaari cia mbarathi icio na mwaki. Mîvuanano îo ya mbarathi yaigîtwe njîrarî ya hekarû ya Ngai-Mûnene vakuvî na nyomba ya Nathani Meleki, mûnene wa ndungata icio ciîngî kûu nja ya hekarû.

2Atha 23:11 ပူးပေါင်းရင်းမြစ်များ

2Atha 23:5

Nîwatigithirie wîra athînjîri-Ngai onthe arîa athamaki a Juda maamûrîte na maarutagîra magongoona kûndû kûrîa gûtûgîru matûûrarî ma Juda na kûndû kûrîa kwarî vakuvî na Jerusalemu; acio nî athînjîri-Ngai onthe arîa maarutagîra Baali, riûa, mweri, njata na indo cionthe cia îgûrû magongoona.

1Maû 26:18

Mwena wa îthûîro wa kîvaro, kwarî arangîri ana (4) njîrarî na arangîri aîrî (2) varîa vatûgîru.

2Maû 14:5

Nîwacûkangirie kûndû kûrîa kwagoocagîrwa ngai cia mîvuanano na akîomomora metha cia magongoona cia kûvîvîria ûbani kuuma matûûrarî monthe ma Juda. Kwoguo kwarî na thayû vûrûri wa Juda vîndî ya ûthamaki wa Asa.

2Maû 34:4

Nîwathire metha cia Baali cia magongoona kûrîa aagoocagîrwa imomomorwe, metha cia magongoona cia kûvîvîrua ûbani irîa ciarî vakuvî nacio na akiunanga mîvuanano ya Ashera na mîvuanano îngî yonthe na magîcoka makîmîthîa îgîtuîka rûkûngû na makîrûnyagia mbîrîrarî cia andû arîa maairutîrîte magongoona.

Ayubu 31:26

Nîngîroria riûa nîûndû wa ûkengu warîo, kana mweri nîûndû wa ûthaka waguo;

Ezek 40:17

Mûndû ûcio nîwandonyirie na akînginyia nja ya kîvaro. Rûthingorî rûrîa rwathiûrûrûkîrîtie hekarû kwarî na tûnyomba mîrongo îthatû (30). Mwenarî wa mbere wa tûnyomba tûu kwarî na gacîra kaathondeketwe na mathiga.

Ezek 8:16

Kwoguo nîwamvirire kîvarorî Kîam ndarî gîa hekarû. Vakuvî na kîvingo gîa hekarû, gatagatî ga kîthaku na metha ya kîgongoona kwarî na athuuri mîrongo îîrî na atano. Athuuri acio nîmaavuvatîrîte hekarû na makenamîrîria mothiû mao nthî merekerete na mwena wa îrathîro makîgoocaga riûa.

Gûco 4:19

Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.