2Atha 22:2 - ÎVUKU RÎA ÛVORO MWARO

² Josia nîwekire maûndû monthe marîa maakenagia Ngai-Mûnene: nîwarûmîrîre mîthiîre ya îthe Daudi, na nîwavingagia mawatho monthe ma Ngai akindîrîtie.

2Atha 22:2 ပူးပေါင်းရင်းမြစ်များ

1Atha 11:38

Ethîrwa ûkathîkagîra maûndû monthe marîa ngwathîte, ûgîkaga maûndû marîa maro, na wathîkagîre irîra cia mawatho makwa, ûkîvingagia maathani makwa wata ûrîa ndungata yakwa Daudi eekire, ngethagîrwa vîndî cionthe nîrî vamwe nawe. Nîngaagûtua mûthamaki wa Isiraeli na ndûme njiarwa ciaku itûûre ciathanaga vuva waku, wata ûrîa nekire Daudi.

1Atha 15:11

Asa nîwekire maûndû marîa maakenagia Ngai-Mûnene wata ûrîa Daudi eekaga.

1Atha 15:5

Ngai-Mûnene eekire ûguo nîûndû Daudi eekaga maûndû marîa maakenagia Ngai-Mûnene na ûtûûrorî wake wonthe ndaanarega kwathîkîra mawatho marîa aamwathîte, tiga ûvoro wîgiî Uria, ûrîa Mûhiti.

1Atha 3:6

Solomoni nîwaugire atîrî, “Nîwonagia vava Daudi, ndungata yaku wendo ûtathiraga, nîûndû aagûtungataga arî na wîvokeku, ûthingu na ûtheru wa ngoro. Na nîûthiîte na mbere kûmûonia wendo ûtathiraga na Nîwamûvere mûvîcî ûrîa wîkarîrîte gîtî Kîam ûthamaki vuva wake nginya ûmûnthî.

2Atha 12:3

Kûnarî ûguo, kûndû kûrîa gûtûgîru kwagoocagîrwa gûtiacûkangua, na andû nîmaathiîre na mbere kûrutîra magongoona kuo.

2Atha 14:3

Amazia nîwekire maûndû marîa maakenagia Ngai-Mûnene, nwatî ndeeka ta ûrîa îthe wa tene Daudi eekaga. Vandû va ûguo nîwekire maûndû monthe marîa îthe Joashi eekîte.

2Atha 16:2

arî na ûkûrû wa mîaka mîrongo îîrî (20). Nîwathanire arî Jerusalemu îvinda rîa mîaka îkûmi na îtandatû (16). Ndeeka maûndû marîa maakenagia Ngai-Mûnene ta ûrîa îthe Daudi eekîte.

2Atha 18:3

Hezekia nîwekire maûndû marîa maakenagia Ngai-Mûnene wata ûrîa îthe, Daudi eekaga.

2Maû 17:3

Ngai-Mûnene nîwarathimire Jehoshafati nîûndû nîwarûmîrîre mîtugo îrîa îthe Asa aarî nayo. Jehoshafati ndaagooca Baali.

2Maû 29:2

Nîwekire maûndû marîa maakenagia Ngai-Mûnene wata ûrîa îthe Daudi eekîte.

2Maû 31:20

Ûguo nîguo mûthamaki Hezekia eekire Juda kuonthe. Hezekia nîwekire maûndû marîa maarî maro na maakenagia Ngai-Mûnene, Ngai wake.

2Maû 34:1

Josia aatuîkire mûthamaki wa Juda arî na ûkûrû wa mîaka înana (8) na aathanire îvinda rîa mîaka mîrongo îthatû na ûmwe (31) arî Jerusalemu.

Nthi 20:11

Wana ciana imenyekaga ûrîa ciîkariî na njîra ya ciîko ciacio, ethîrwa ûrîa mekaga nî mwaro kana nî mûcûku.

Nthi 4:27

Ndûkathûkagie mwena wa ûrîo kana wa ûmotho; ndûkanyitanagîre na maûndû macûku.

Zefania 1:1

Îno nî ndûmîrîri ya Ngai-Mûnene îrîa yakinyire Zefania mwana wa Kushi, mwana wa Gedalia, mwana wa Amaria, mwana wa Hezekia, vîndî îrîa Josia mûvîcî wa Amoni, aarî mûthamaki wa Juda.

Gûco 5:32

“Mue andû a Isiraeli, menyererani mwone nîmwavingia maûndû monthe marîa Ngai-Mûnene, Ngai wenyu amwathîte. Mûtikaregane na watho wanarî ûmwe wa Ngai-Mûnene.

Josh 1:7

Kwoguo gîa na vinya na ûmîrîrie na wathîkagîre watho wonthe kûringana na ûrîa Musa ndungata yakwa aakwathire. Ndûkagarûrûke na mwena wa ûrîo kana wa ûmotho ume wathorî ûcio. Na wona weka ûguo ûkavootanaga kûrîa kuonthe ûkathiîcaga.