Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2Atha 21:7 - ÎVUKU RÎA ÛVORO MWARO

7 Nîwaigire mûvuanano wa ngai ya ngai ya Ashera hekarûrî, kûrîa Ngai-Mûnene eerîte Daudi na mûvîcî Solomoni atîrî, “Hekarûrî îno gûkû Jerusalemu, nîkuo nthurîte kuuma kûrî mîvîrîga yonthe ya Isiraeli na nîkuo ngûtûûra ngoocagîrwa.

အခန်းကိုကြည့်ပါ။ ကော်ပီ




2Atha 21:7
25 ပူးပေါင်းရင်းမြစ်များ  

Ûcio nîke ûkaandumîra hekarû na nîngaatûma ûthamaki wake ûtûûre tene na tene.


Menyagîrîra hekarû îno ûtukû na mûthenya. Vandû ava nîwe wathuurire nîguo ûgoocagîrwe vo. Thikagîrîria mavoya makwa vîndî îrîa ngûvoya nîrî hekarûrî îno.


“Rîrîa ûkaatha andû aku mathiî makarûe na nthû ciao na makûvoye marî wa kûrîa kuonthe makethîrwa marî, merekerete îtûûra rîîrî we ûthuurîte vamwe na hekarû îno îtanîtue nawe,


Ngai-Mûnene nîwerire Solomoni atîrî, “Nîmbîguîte îvoya rîaku wana îthaithana rîaku. Nînamûra nyomba îno ûndumîrîte nîguo ndûûre ngoocagîrwa kuo tene na tene. Nîndûûra nîmîgitîrîte na nîmîmenyererete vîndî cionthe.


nîngaaruta andû akwa a Isiraeli kuuma vûrûrirî ûrîa namaveere. Nîngaacoka ndiganîrie hekarû îno nyamûrîte îgatuîka yakwa ya kûngoocagîra, nao Aisiraeli nîmakaavûthua na manyararwe nî andû a ndûrîrî cionthe.


Kwoguo mûthînjîri-Ngai Uria nîwatumire metha ya kîgongoona îkariî ta îrîa yarî Damesiki viû, na akîmîrîkia mbere ya mûthamaki Ahazi acoka kuuma Damesiki.


Nîwatumire metha cia kîgongoona hekarûrî ndaarî, kûrîa Ngai-Mûnene aaugîte atîrî, “Rîîtwa rîakwa rîkaagocagîrwa Jerusalemu.”


Ngai-Mûnene nîwaugire atîrî, “Nîngengata andû a Juda maume kûrî nie wata ûrîa nekire andû a Isiraeli, na nîngaatiganîria Jerusalemu îtûûra rîrîa nathuurire na hekarû, varîa naugire nîvo mbagîrîrwe nî kûgoocerwa.”


Mûthamaki Josia nîwacokire akîatha mûthînjîri-Ngai mûnene, Hilikia, athînjîri-Ngai arîa maamûtethagîrîria, na arangîri a kîvingo Kîam hekarû marute hekarûrî ya Ngai-Mûnene indo cionthe irîa ciatûmagîrwa kûgooca Baali, irîa ciatûmagîrwa kûgooca Ashera, na cionthe îrîa ciatûmagîrwa kûgooca indo cionthe cia îgûrû. Nîwavîvîrie indo icio cionthe nja ya îtûûra rîa Jerusalemu mîgûndarî ya Kîamnda gîa Kidironi, na nîwakuire mûu wa cio akîûvira Betheli.


Nîwarutire mûvuanano wa ngai ya nga ya Ashera hekarûrî ya Ngai-Mûnene na akîmîvira nja ya îtûûra rîa Jerusalemu nginya karûnjîrî ga Kidironi na akîûvîvîria vo. Nîwaûthîire nginya ûgîtuîka rûkûngû na akîûnyagia mbîrîrarî kûrîa kwathikagwa andû onthe.


Manase nîwarutire ngai ng'eni na mîvuanano hekarûrî na akîruta metha cionthe cia magongoona irîa aatumîte kîrîmarî kûrîa hekarû yatumîtwe na Jerusalemu, na agîita na kûu nja ya îtûûra.


Nîwocire mîvuanano îrîa aaumîtie na akîmiga hekarûrî, kûrîa Ngai eerîte Daudi na mûvîcî Solomoni atîrî, “Gûkû Jerusalemu, hekarûrî îno nîkuo nthuurîte gatagatî ka mîvîrîga yonthe ya Isiraeli nîguo ndûûre ngoocagîrwa kuo tene na tene.


Nwatî rîu nînthuurîte îtûûra rîa Jerusalemu rîtuîke vandû varîa ngaagoocagîrwa na nînthuurîte Daudi atuîke mûtongoria wa andû akwa, Aisiraeli.’ ”


Ngai-Mûnene nîwamumîrîre kîrotorî ûtukû na nîwamwîrire atîrî, “Nîmbîguîte îvoya rîaku na nînthuurîte vandû ava vatuîke hekarû yakwa ya kûrutagîrwa magongoona.


nîûndû nî nthuurîte na ngamûra hekarû îno nîguo rîîtwa rîakwa rîtûûrage kuo na nîndûûra nîmîgitagîra na nîmîendete tene na tene.


nîngaamûruta vûrûrirî ûrîa nîmûvete na ndiganîrie hekarû îno nyamûrîte îtuîke vandû va kûngoocagîra. Andû a mavûrûri monthe nîmakaamîvûthîrîria na mamînyarare.


Nwatî mûngîkaanjokerera na mwathîkîre maathani makwa na mwîkage ûrîa maugîte, nîngaamûcokia vandû varîa nthuurîte va kûngoocagîra, wana ethîrwa mûnyaganîtie mûgakinya mîthiiarî yonthe ya nthî.’


Ririkana andû arîa wathuurire magîtuîka aku kuuma tene, arîa wakûûrire kuuma ûkomborî matuîke mûvîrîga waku kîûmbe. Ririkana Kîrîma gîa Zayuni, kûrîa watûûraga.


Nîwarakarirue nî kûndû kûrîa maagoocagîra ngai cia mîvuanano, na nîweguire wîru nîûndû wa mîvuanano îo maaumîtie.


Nîmaaigire ngai cia mîvuanano hekarûrî îrîa ngoocagîrwa na makîmîgwatia mûgiro.


“Andû a Juda nîmekîte maûndû macûku mbere yakwa, nîmekîrîte mîvuanano hekarûrî yakwa na magatûma îgwatwa nî mûgiro.


Na twa ûguo wonga, mûthenya wa ûcio nîmaagwatirie vandû vakwa varîa vatheru mûgiro na nîmaaregire gûtîîa thavatû ciakwa.


“Watumîra Ngai-Mûnene Ngai wenyu metha ya kîgongoona, ndûkaarûthe mûvuanano wa ngai ya Ashera mwenarî wayo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ