2Atha 21:16 - ÎVUKU RÎA ÛVORO MWARO

¹⁶ Makîria ya ûguo, Manase nîwaûragire andû eengî mûno mataarî na mavîtia nginya nthakame îgîcûra Jerusalemu kuonthe; gûtaranîria na ûrîa aatûmire andû a Juda magooce mîvuanano îrîa yatûmire mevie mbere ya Ngai-Mûnene.

2Atha 21:16 ပူးပေါင်းရင်းမြစ်များ

2Atha 21:11

“Rîu nîûndû Manase, mûthamaki wa Juda nîwîkîte maûndû mama macûku, na ageka maûndû macûku wana gûkîra marîa monthe meekirwe nî Amori, arîa maarî mbere yake, na agatûma andû a Juda mevie magîtûmîra mîvuanano yake;

2Atha 21:15

Ngaameka maûndû mau monthe nîûndû nîmamvîtîrîtie na nîmaandakaririe kuuma rîrîa methe mao maaumire Misiri nginya ûmûnthî.”

2Atha 21:2

Manase nîwekire maûndû marîa mataakenagia Ngai-Mûnene, na kûrûmîrîra maûndû marîa meekagwa nî andû a mavûrûri marîa Ngai-Mûnene engataga, nao andû a Isiraeli magîtonyaga kuo.

2Atha 21:7

Nîwaigire mûvuanano wa ngai ya ngai ya Ashera hekarûrî, kûrîa Ngai-Mûnene eerîte Daudi na mûvîcî Solomoni atîrî, “Hekarûrî îno gûkû Jerusalemu, nîkuo nthurîte kuuma kûrî mîvîrîga yonthe ya Isiraeli na nîkuo ngûtûûra ngoocagîrwa.

2Atha 3:3

Nwatî nîwathiîre na mbere gwîka wîvia ûrîa wekagwa nî Jeroboamu, mûvîcî wa Nebati, ûndû ûrîa watûmire andû a Isiraeli mevie na ndaatigana naguo.

2Maû 33:9

Manase nîwaveenererie andû a Juda na a Jerusalemu na nîmeekire maûndû macûku meengî gûkîra marîa meekîtwe nî mavûrûri marîa Ngai-Mûnene aacûkangîtie mbere ya andû a Isiraeli matonya kuo.

Ntha 32:21

Musa nîwaûririe Aroni atîrî, “Andû aya maragwîkire atîa atî nîguo ûmarekererie meke wîvia mûnene ûguo?”

Nthi 6:16

Kûrî na maûndû matandatû marîa Ngai-Mûnene amenete, Ii nî mûgwanja marîa marî mûgiro kûrî ke:

Nthi 6:17

varî mwîtîîo, rûrîmî rwaragia maveeni, njara irîa ciûragaga andû matarî na mavîtia,

Jeremia 15:4

Nîngatûma matuîke andû a kûmakia mothamaki monthe ma nthî, nîûndû wa maûndû marîa Manase mûvîcî wa Hezekia ekire kûu Jerusalemu rîrîa aarî mûthamaki wa Juda.

Jeremia 19:4

Nîmbîka ûguo nîûndû andû onthe nîmandiganîrîtie na makagwatia vandû ava mûgiro na njîra ya kûvîvîria ngai ciîngî ûbani, irîa o wana methe mao kana athamaki a Juda mataicî. Nîmecûrîtie nthamake ya andû matarî na mavîtia gûkû.

Jeremia 2:34

Nguo ciaku irî na nthakame ya athîni matarî na mevia, ndwanamethîrîria makîvunja nyomba yaku, nwatî kûnarî ûguo,

Jeremia 32:31

Îtûûra rîîrî nîrîrurumûkîtie marakara na mang'ûrîka makwa kuuma rîrîa rîatumirwe nginya ûmûnthî. Kwoguo nîngûrîcûkangia,

Jeremia 7:6

Tigani kûvinyîrîria ageni, ciana cia ngoriai na aka a ndigwa, kana mûrage mûndû mûthingu gûkû vûrûrirî ûyû, wana mûtige gûtungatîra ngai ciîngî nîûndû kûu nîgwîcûkangagia.

Ezek 22:2

“We mûndû, nîûgaatuîra ciira îtûûra rîîrî rîcûrîte aûragani? Rîmenyithie maûndû monthe marîa marî mûgiro rîaneka.

Ezek 22:4

We ûrî na mavîtia nîûndû wa nthakame îo wîtûrûrithîtie, na ûkegwatia gîko na njîra ya mîvuanano îo wîrûthîrîte. Nîûtûmîte mîthenya yaku înyivanyive, nayo mîaka yaku îgeere kûthira. Kwoguo nîndûmîte ûmenwe nî ndûrîrî na ngatûma ûnyararwe nî mavûrûri monthe.

Ezek 23:45

Nwatî andû arîa athingu nîmakaamatuîra ciira ûrîa aka arîa itharia na aûragani matucagîrwa, nîûndû nî itharia na nîaûragani.”

Ezek 9:9

Nake nîwanjokerie atîrî, “Mavîtia marîa mekîtwe nî nyomba ya Isiraeli na Juda nî meengî mûno. Vûrûri wîcûrîtwe nî ûragani, na îtûûrarî nakuo gûtirî maûndû marekwa na njîra ya kîvooto. Maugaga atî, nie Ngai-Mûnene nîndiganîrîtie vûrûri wao na atî ndimonaga.

Ndari 35:33

Mûtigacûkangie vûrûri ûrîa mûtûûraga na njîra ya kûragana, nîûndû nthakame ya mûndû aûragîtwe nîcûkagia vûrûri. Gûtirî njîra îngî ya kûtheria vûrûri kuumana na wîvia ûcio tiga kûraga mûndû ûcio ûraganîte.

Mathaayo 27:6

Nao anene a athînjîri-Ngai nîmoocire mbeca icio na makiuga atîrî, “Ino nî mbeca cia nthakame, na watho wetû ndwîtîkîrîtie kwiga mbeca ta ino mûthithûrî wa hekarû.”

Luka 13:34

“Jerusalemu, Jerusalemu! Atî wa rîrîa rîonthe Ngai agûtûmîra arathi nîkwa ûmaûragaga! Nî maita megana nanenda gûcokanîrîria andû aku vamwe wata ûrîa ngûkû îcokanagîrîria tûciiû rungu rwa mathagu mayo, nwatî ndûmbîtîkagîria!

Ahib 11:37

Nîmaarivirwe na mathiga, nîmaatûrirwe icunjî igîrî na mîcumano na makîûragwa na rûviû. Nîmaaûrûraga mekîrîte njûo cia ng'ondu na cia mbûri. Maarî athîni, nîmaanyaririrwe na magîkwa maûndû macûku.