2Atha 20:5 - ÎVUKU RÎA ÛVORO MWARO

⁵ “Coka kûrî Hezekia, mûtongoria wa andû a Ngai-Mûnene Ngai wa aguo Daudi, ûkamwîre nînegua îvoya rîaku na nînona methori maku. Nîngûkûvonia, na vuva wa mîthenya îthatû nîûkaathiî hekarûrî.

2Atha 20:5 ပူးပေါင်းရင်းမြစ်များ

2Sam 5:2

Wana mbererî rîrîa Saûlo aarî mûthamaki wetû, nîwe watongoririe andû a Isiraeli makîthiî mbaararî na makînûka. Ngai-Mûnene nîwakwîrîre atî nîûgaatuîka mûrîthi wa andû ake na ûtuîke mûtongoria wao.”

1Atha 9:3

Ngai-Mûnene nîwerire Solomoni atîrî, “Nîmbîguîte îvoya rîaku wana îthaithana rîaku. Nînamûra nyomba îno ûndumîrîte nîguo ndûûre ngoocagîrwa kuo tene na tene. Nîndûûra nîmîgitîrîte na nîmîmenyererete vîndî cionthe.

2Atha 19:20

Isaia mûvîcî wa Amosi nîwatûmanire kûrî mûthamaki Hezekia atîrî, “Ngai-Mûnene, Ngai wa Isiraeli augîte atî, ‘Nîmbîguîte îvoya rîaku rîgiî Senakeribu, mûthamaki wa Asîria.’

2Atha 20:4

Isaia nîwatigire mûthamaki, nwatî mbere ya auma nja ya kwa mûthamaki, Ngai-Mûnene nîwamwîrire atîrî,

2Atha 22:19

mûthamaki wa Juda nîareririre na enyivia mbere ya Ngai-Mûnene, na atembûranga nguo ciake. Rîrîa aregwire ûrîa mbugîte nîngwîka kûndû gûkû vamwe na andû arîa matûûraga kuo, na atî vûrûri ûyû nîûtûûra ûrî mûrume na ûrî îganjo. Nie Ngai-Mûnene nîmbîguîte îvoya rîaku,

2Maû 13:12

Ngai arî natue arî mûtongoria wetû, nao athînjîri-Ngai marî na tûrumbeta nîguo matûvuve magîtwîta tûke tûrûe namue. Mue andû a Isiraeli, mûtikarûe na Ngai-Mûnene, Ngai wa methe menyu, nîûndû mûtîngîvootana!”

2Maû 34:3

Mwakarî wa kanana (8) kuuma Josia atuîka mûthamaki wa Juda, vîndî wa îo arî mwanake, nîwambîrîrie kûgooca Ngai wa îthe Daudi. Mwakarî wa îkûmi na îîrî (12) Josia arî mûthamaki, nîwambîrîrie gûcûkangia kûrîa kwagoocagîrwa mîvuanano, Ashera, ngai ya mûndûmûka na mîvuanano îrîa îngî yonthe kûu Juda na Jerusalemu.

Thaburi 107:20

Nîwathanire na ûkîmavonia, na akîmavonokia matikathire.

Thaburi 119:26

Rîrîa naakwîrire maûndû marîa nekîte, we nîwambîgwire; nthomithia mawatho maku.

Thaburi 126:5

Arîa mavandaga na methori, magaaketha makenete!

Thaburi 147:3

Ke nîavonagia arîa akuû ngoro, na akamova ironda ciao.

Thaburi 34:18

Ngai-Mûnene arî vakuvî na arîa akuû ngoro; nîavonokagia arîa onthe matete mwîvoko.

Thaburi 39:12

Thikîrîria îvoya rîakwa, we Ngai-Mûnene, na ûthikîrîrie kîrîro gîakwa; ndûgakire rîrîa nîrarîra. Nîûndû mbîkariî ta mûgeni wa kavinda kanini, nîrî mwîvîtûkîri ta methe makwa monthe.

Thaburi 56:8

We nîwicî ûrîa nthînîkîte; we nîwicî methori makwa monthe marîa ndîrîte. Na kinthî monthe matirî îvukuurî rîaku?

Thaburi 56:9

Rîrîa nagwîtia ûtethio we Ngai, nthû ciakwa nîikaavootwa, Nîmbicî atî Ngai arî mwena wakwa.

Thaburi 6:10

Nthû ciakwa cionthe nîigaaconoka na igîe na thîna mûno, Ngai nîakaamaconorithia na amengate wa rîmwe.

Thaburi 65:2

Nîûndû we nîwîgucaga mavoya metû. Andû onthe nîmagaaûka kûrî we,

Thaburi 65:3

makîenda kwoverwa mevia mao. Rîrîa mevia metû mengîva mûno; we nîûtwovagîra.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Ntha 3:7

Ngai-Mûnene nîwerire Musa atîrî, “Nîmonete mathîna ma andû akwa arîa marî Misiri. Nîmbîguîte makîrîra nîguo matethue kuuma kûrî anene ao na nîmenyete ûrîa marathînîka.

Ntha 3:9

Nî ma nîmbîguîte kîrîro Kîam andû akwa na nîmonete ûrîa andû a Misiri maramavinyîrîria.

Isaia 19:22

Ngai-Mûnene nîakaaverithia andû a Misiri, acoke amavonie; nao nîmakaamûcokerera nake nîakegua mathaithana mao na amavonie.

Isaia 38:22

Mûthamaki Hezekia nîwacokire akîûria atîrî, “Nî rûûri rûrîkû rûkaamonia atî nîngaathiî nyombarî ya Ngai-Mûnene?”

Isaia 38:5

“Thiî ûkeere Hezekia, Ngai-Mûnene, Ngai wa aguo Daudi arauga atî: ‘Nîmbîguîte îvoya rîaku na nîmonete methori maku; kwoguo nîngûkwongerera mîaka îkûmi na îtano ûtûûrorî waku.

Isaia 55:3

“Tegani matû menyu, na mûke kûrî nie; nthikîrîriani na nî mûgûtûûra mwoyo! Nîngûrûtha namue kîrîkanîro gîa gûtûûra tene na tene, na nîngaamûva wendo wakwa ûtathiraga ûrîa nerîîre Daudi.

Mathaayo 22:32

‘Nie nînie Ngai wa Iburahimu, Ngai wa Isaka na Ngai wa Jakovu.’ Ke nî Ngai wa arîa marî mwoyo tî Ngai wa arîa akuû.”

Luka 1:13

Nwatî mûraika ûcio nîwerire Zakaria atîrî, “Zakaria, ndûkegue guoya. Ngai nîwîguîte mavoya maku. Mûkaguo Elizabethi nîagûgûciarîra mwana wa kavîcî na ûkaagatuîra rîîtwa Johana.

Luka 18:10

“Vîndî îmwe kwarî na andû aîrî maathiîre hekarûrî kûvoya. Ûmwe aarî Mûfarisai na ûcio wîngî aarî mwîtia wa mbeca cia gooti.

Johana 5:14

Vuva wa ûguo, Jesû nîwethîrîrie mûndû ûcio hekarûrî na akîmwîra atîrî, “Nîwona, rîu we nîwavona. Tiga kwîvagia nîguo ndûkone ûndû wîngî mûcûku makîria ya ûyû.”

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

Ahib 2:10

Ngai ûrîa ûmbaga na ûtûûragia indo cionthe, nîwonire kwagîrîrîte Jesû atuwe mwagîrîru na njîra ya kûthînîka na gûkua gwake, nîguo atûme andû eengî makinyîrwe nî riiri wake. Nîûndû Jesû nîke ûkinyagia andû ûvonokiorî.

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 9:16

“Rûciû îthaarî wata rîrî, nie nîngaatûma mûndûmûrûme kuuma mûvîrîgarî wa Benjamini aûke kûrî we; we nîûkaamwîtîrîria maguta nîguo atuîke mûthamaki wa andû akwa a Isiraeli, na nîke ûkaavonokia andû akwa kuuma kûrî Afilisiti. Nie nîmonete ûrîa andû akwa marî na ruuo na nîmbîguîte makîmvoya ûtethio.”