2Atha 20:3 - ÎVUKU RÎA ÛVORO MWARO

³ “We Ngai-Mûnene nakûthaitha ûririkane ûrîa ngûtungatîrîte na wîvokeku na ngoro yonthe, na vîndî cionthe mbîkaga maûndû marîa magûkenagia.” Nîwacokire akîrîra arî na ûrûrû mwîngî mûno.

2Atha 20:3 ပူးပေါင်းရင်းမြစ်များ

Kîam 17:1

Rîrîa Aburamu aarî na ûkûrû wa mîaka mîrongo kenda na kenda (99), Ngai-Mûnene nîwamumîrîre na akîmwîra atîrî, “Nînie Ngai mwene vinya wonthe. Mbathîkagîra na wîthagîrwe ûrî mûthingu vîndî cionthe.

Kîam 5:22

Vuva wa gûciara Methusela Enoku nîwekarire marî ngwatanîro na Ngai îvinda rîa mîaka magana mathatû (300) na agîcoka agîciara ciana ciîngî.

Kîam 5:24

Aatûûrire arî na ngwatanîro mbaro na Ngai. Nîwacokire akîûra kuuma methorî ma andû, nîûndû Ngai nîwamwocire.

Kîam 8:1

Nake Ngai nîwaririkanire Nuhu, nyamû cia kîthakarî, na ndîthia cionthe irîa aarî nacio thabinarî. Nîwatûmire rûkûngi rûvurutane nginya nyûnjî ikîambîrîria kûvwa.

1Atha 11:4

Vîndî îrîa Solomoni aakûrire, aka acio ake nîmaatûmire agarûrûke na agooce ngai cia kûndû kwîngî. Ke ndaarî mwîvokeku kûrî Ngai-Mûnene, Ngai wake ta ûrîa îthe Daudi eekariî.

1Atha 15:14

Wana ethîrwa Asa ndaacûkangia kûndû kuonthe kûrîa gûtûgîru gwa kûgoocagîrwa, nîwatûûrire arî mwîvokeku kûrî Ngai-Mûnene ûtûûrorî wake wonthe.

1Atha 2:4

Ngai-Mûnene akaavingia kîîranîro gîake kîrîa aambîrîîre atî njiarwa ciakwa nîikaatha Isiraeli ethîrwa nîikaavingia mawatho marîa nîmavete na methagîrwe marî evokeku kûrî nie na ngoro ciao cionthe na mîoyo yao yonthe.

1Atha 3:6

Solomoni nîwaugire atîrî, “Nîwonagia vava Daudi, ndungata yaku wendo ûtathiraga, nîûndû aagûtungataga arî na wîvokeku, ûthingu na ûtheru wa ngoro. Na nîûthiîte na mbere kûmûonia wendo ûtathiraga na Nîwamûvere mûvîcî ûrîa wîkarîrîte gîtî Kîam ûthamaki vuva wake nginya ûmûnthî.

1Atha 8:23

na akiuga atîrî, “Ngai-Mûnene, Ngai wa Isiraeli, gûtirî Ngai wîngî tawe îgûrû kana gûkû nthî! Nîûvingagia kîrîkanîro gîaku na andû aku na nîûmoonagia wendo ûtathiraga rîrîa matûûra makwîvokete.

1Atha 8:61

Mue andû ake mûrotuîka evokeku kûrî Ngai-Mûnene, Ngai wetû vîndî cionthe, mûkîathîkagîra mawatho make na kûrûmîrîra irîra cia watho wake wata ûrîa mwîkaga nginya rîu.”

1Atha 9:4

Ethîrwa ûkaandungatagîra ûrî na wîvokeku na ûthingu ta ûrîa aguo Daudi eekaga, na ûvingagie mawatho makwa na maûndû monthe marîa ngwathîte,

2Atha 20:2

Hezekia nîwevûgûrire akîroria rûthingorî na akîvoya Ngai-Mûnene akîugaga atîrî,

2Atha 20:4

Isaia nîwatigire mûthamaki, nwatî mbere ya auma nja ya kwa mûthamaki, Ngai-Mûnene nîwamwîrire atîrî,

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

Nehemia 13:14

Ndirikana Ngai wakwa. Ndûkariganîrwe nî maûndû maro marîa mbîkîte nîûndû wa nyomba yaku na ûtungata waku.

Nehemia 13:22

Nînathire Alawi metherie na mathiî makarangîre ivingo nîguo mone atî thavatû nîgwîkara îrî nyamûre. Ngai wakwa, ndirikana nîûndû wa ûndû ûyû wanaguo na ûmbîguîre ntha nîûndû wa wendo waku ûtathiraga.

Nehemia 13:31

Nînavangire ûrîa ngû ikaaretagwa mavinda marîa maagîrîru, na matega ma matunda ma mbere vîndî îrîa matunîva. Ndirikana we Ngai wakwa, nîûndû wa maûndû mau monthe.

Nehemia 5:19

Nînakûvoya, Ngai ûririkane kûmbîka waro nîûndû wa maûndû monthe marîa naneka andû aya.

Ayubu 1:1

Kwarî na mûndû wetagwa Ayubu, wa kuuma vûrûrirî wa Uzi. Ayubu aarî mûndû mwaro na mwîvokeku. Aarî mûndû wetigîrete Ngai na wareganîte na maûndû macûku.

Ayubu 1:8

Nake Ngai-Mûnene nîwamûririe atîrî, “Wî mûmoneru ndungata yakwa Ayubu? Gûtirî mûndû gûkû nthî mwaro na mûthingu take. Nîanîtigîrîte na nîethemaga maûndû macûku.”

Ayubu 16:20

Arata akwa nîmanyararîte, na nînîrarîrîra Ngai wakwa.

Ayubu 4:6

We wîthîrîtwe wîtigîrîte Ngai na ûrî mwîvokeku, kwoguo wagîrîrwe nî kûgîa na vinya na kîîrîgîrîro.

Thaburi 102:9

Ndîcaga mûu ta irio, ndukanagia methori makwa na kîrîa nyunyaga,

Thaburi 119:26

Rîrîa naakwîrire maûndû marîa nekîte, we nîwambîgwire; nthomithia mawatho maku.

Thaburi 119:49

Ririkana ûrîa wambîrîre, nie ndungata yaku, kîîranîro kîu nîgîtûmîte ngîe na mwîvoko.

Thaburi 145:18

Ngai-Mûnene arî vakuvî na arîa onthe mamûvoyaga, arî vakuvî na arîa onthe mamûvoyaga na ma.

Thaburi 25:7

Ndûkaririkane mevia na mavîtia marîa nekire nîrî mûnini, ndirikana nîûndû wa wendo waku ûtathiraga, we Ngai-Mûnene ûndirikane nîûndû wa ntha ciaku.

Thaburi 26:1

We Ngai-Mûnene, nduîra atî ndirî na mavîtia, nîûndû mbîkaga maûndû marîa magîrîrîte, na nî ngwîvokete viû.

Thaburi 26:3

Nîûndû nîndongoragua nî wendo waku ûtathiraga, ndûûraga ngûrûmîrîrîte nîrî na wîvokeku.

Thaburi 32:2

Kûrathimwa nî mûndû ûrîa Ngai-Mûnene onaga atarî na mavîtia, mûndû ûrîa ûtaveenanagia.

Thaburi 39:13

Tiga kûrakara nînie nîguo ngîe na gîkeno kînini, mbere ya ngua na ndiganîre viû.

Thaburi 6:6

Kîeva kîrîa nîrî nakîo nî gîtûmîte nthirwe nî vinya, ûtukû wonthe ûrîrî wakwa wîcûragwa nî methori; varîa mbigagîrîra kîongo nîvaconjaga na methori.

Thaburi 6:7

Metho makwa nî maimbu nîûndû wa kûrîra, nî mathiru vinya nîûndû wa nthû ciakwa cionthe.

Thaburi 89:47

We Mwathani, ririkana ûrîa ûtûûro wakwa ûrî mûnini; ririkana atî andû onthe arîa waûmbire matûûraga kavinda kanini!

Thaburi 89:50

We Mwathani, ririkana ûrîa nie, ndungata yaku nîrarumwa, ûrîa nyûmagîrîria irumi cia andû arîa matakûgoocaga.

Isaia 38:14

“Ng'ambaga ta cûcû wa njoka, njaaga ta ndutuura. Metho makwa nîmathiru vinya nî kûroria îgûrû. Ûûi Mwathani, nînîrathînîka tuîka mûgitîri wakwa.

Isaia 63:11

Nwatî nîmaacokire makîririkana mavinda ma tene, mavinda ma Musa, ndungata ya Ngai-Mûnene na makîûria atîrî, “Nîkwa ûrîa wavonokirie atongoria a andû ake kuuma îriarî arî kû? Ûrîa warekirie roho wake mûtheru gatagatîrî kao arî kû?

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Amosi 5:4

Ngai-Mûnene arera andû a Isiraeli atîrî, “Njariani namue nî mûgûtûûra mwoyo!

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Johana 1:47

Rîrîa Jesû oonire Nathanieli athiîte kûrî ke nîwaririe ûvoro ûmwîgiî na akiuga atîrî, “Taroriani mwone Mûisiraeli wa ma, na ndarî ûcuke!”

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

Ahib 5:7

Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.