2Atha 20:11 - ÎVUKU RÎA ÛVORO MWARO

¹¹ Mûrathi Isaia nîwavoire Ngai-Mûnene, na Ngai-Mûnene nîwaracavirie kîruru na vuva makinyo îkûmi ngathîrî îrîa yatumîtwe nî mûthamaki Ahazi.

2Atha 20:11 ပူးပေါင်းရင်းမြစ်များ

2Atha 20:10

Nake Hezekia nîwacokirie atîrî, “Nî ûndû mûvûthû kûracavia kîruru na mbere makinyo îkûmi! Tiga gîcoke vuva makinyo îkûmi.”

2Maû 32:24

Kavindarî wa kau mûthamaki Hezekia nîwarwarire na agîtigaria vanini akue. Nîwavoire Ngai-Mûnene, nake Ngai-Mûnene nîwamûcokerie na akîmûva rûûri rwa kûmwonia atî nîakûvona.

2Maû 32:31

Rîrîa anjaama a mûnene wa Babuloni maathiîre kûria ûvoro wîgiî maûndû ma magegania marîa moonekete vûrûrirî, Ngai nîwarekire Hezekia eke ûrîa akwenda nîguo amûgerie amenye ûrîa warî ngororî yake.

Ntha 14:15

Nake Ngai-Mûnene nîwerire Musa atîrî, “Ûrangaîra ngûtethie nîkî? Îra andû a Isiraeli mathiî na mbere.

Isaia 38:8

Nîngaatûma kîruru Kîam ngathî îrîa yatumirwe nî mûthamaki Ahazi gîcoke na vuva makinyo îkûmi.” Nakîo kîruru nîgîacokire na vuva makinyo îkûmi.

Ciîko 9:40

Nwatî Petero nîwerire andû onthe arîa maarî kuo maume nja. Nake nîwaturirie maru na akîvoya. Nîwacokire akîvûgûka na kûrîa mwîrî ûcio warî na akiuga atîrî, “Tabitha, ûkîra!” Nake nîwavingûrire metho, na vîndî îrîa oonire Petero, nîwekarire nthî.