2Atha 2:4 - ÎVUKU RÎA ÛVORO MWARO

⁴ Elija nîwacokire akîra Elisha atîrî, “Nakûthaitha wîkarage ava nîûndû Ngai-Mûnene nîandûmîte nthiî Jeriko.” Nwatî Elisha nîwamwîrire atîrî, “Nevîta na Ngai wakwa ûrîa ûtûûraga mwoyo na wata ûrîa we mwene ûgûtûûra mwoyo, atî tîngûtiga.” Kwoguo nîmaathiîre Jeriko.

2Atha 2:4 ပူးပေါင်းရင်းမြစ်များ

1Atha 16:34

Vîndî ya ûthamaki wa Ahabu nîrîo Hieli wa kuuma Betheli aatumire rîngî îtûûra rîa Jeriko. Vîndî îrîa Hieli aatumire mûcingi wa îtûûra rîu, mûvîcî Abiramu, ûrîa warî îrikithathi nîwakwire. Na rîrîa aatumire ivingo ciarîo, mûvîcî Segubu, ûrîa warî kîvinga nda nîwakwire. Ûndû ûcio wekîkire kûringana na ûrîa Ngai-Mûnene aarîtie kûvîtûkîrîra kûrî Joshua mûvîcî wa Nuni.

2Atha 2:2

Marî njîrarî Elija nîwerire Elisha atîrî, “Nakûthaitha wîkarage ava nîûndû Ngai-Mûnene nîandûmîte nthiî Betheli.” Nwatî Elisha nîwamwîrire atîrî, “Nevîta na Ngai wakwa ûrîa ûtûûraga mwoyo na wata ûrîa we mwene ûgûtûûra mwoyo, atî tî ngûtiga.” Kwoguo nîmaathiîre Betheli.

2Atha 4:30

Ng'ina wa kaana kau nîwacokire akîra Elisha atîrî, “Nevîta na Ngai-Mûnene ûrîa ûtûûraga mwoyo, na wata ûrîa we mwene ûgûtûûra, atî tîngûtiga!” Kwoguo andû acio wa oîrî nîmaathiîcanirie.

Luka 19:1

Jesû nîwavîtûkîrîre îtûûrarî rîa Jeriko.

Ciîko 11:23

Baranaba aarî mûndû mwaro, wecûrîtwe nî Roho Mûtheru na wîtîkio. Na rîrîa ke aakinyire Antiokia na akîona ûrîa Ngai aarathimîte andû, nîwacanjamûkire mûno na akîmathaitha onthe mekarage mevokete Mwathani vîndî cionthe na ngoro ciao cionthe. Nao andû eengî mûno nîmaatuîkire arûmîrîri a Mwathani.

Ciîko 2:42

Nao nîmeekarire marî evokeku kûrî kîrîra Kîam atûmwa, na ngwatanîrorî ciao, na kûrî ngwatanîro cia kwenyûrana mûgate na kûvoya marî vamwe.

Josh 6:1

Ivingo cia Jeriko cionthe nîciavingîtwe na îgekarua nî arangîri nîguo andû a Isiraeli matigatonye. Gûtirî mûndû ûngîaumire nja kana atonya îtûûrarî rîu.

Josh 6:26

Vuva wa ûguo Joshua nîwakaanirie andû na akîmera atîrî, “Mûndû ûrîa ûkaageria gûtuma rîngî îtûûra rîa Jeriko, nûkagwatwa nî kîrumi. Mûndû wa wonthe ûgaatuma mûcingi wa îtûûra rîa Jeriko, mwanake wake wa îrikithathi nî agaakua. Mûndû wa wonthe ûgaatuma mîvîrîga ya gûtonya kuo, nîkaaûrwa nî mwana wake wa kîvinga nda.”

Ruthu 1:16

Nwatî Ruthu nîwerire Naomi atîrî, “Tiga kûningîrîria ngûtige, atî nîguo tûtikathiî nawe, nîûndû kûrîa ûkaathiî nîkuo ngaathiî; na kûrîa ûgaatûûra nîkuo ngaatûûra. Andû enyu nîo magaatuîka andû akwa, nake Ngai waku nîke ûgaatuîka Ngai wakwa.

1Sam 1:26

Nake Hana nîwaugire atîrî, “Ta mbîtîkîria mwathi wakwa! Wata ûrîa mwathi wakwa ûgûtûûra mwoyo, nie nînie mûndûmûka ûrîa warûngamîte mbere yaku ngîvoya Ngai-Mûnene.