2Atha 2:21 - ÎVUKU RÎA ÛVORO MWARO

²¹ Elisha nîwacokire akîthiî kîthimarî Kîam manjî, agikia cumbî kîthimarî kîu na akiuga atîrî, “Ngai-Mûnene augîte, atî ‘nînatheria manjî mama, na kuuma ûmûnthî kûthiî na mbere makethagîrwa marî maro na matigaatûma kûgîa gîkuû, na ndîthia ciakuo na andû matikavuna.’ ”

2Atha 2:21 ပူးပေါင်းရင်းမြစ်များ

2Atha 2:20

Nake Elisha nîwamerire atîrî, “Ndetereni mbakûri njerû na mwîkîre cumbî ndaarî yayo.” Kwoguo arûme acio nîmaamûvirîre mbakûri.

2Atha 2:22

Kwoguo kuuma vîndî îo manjî mau matûûraga marî matheru, wata ûrîa Elisha aaugire.

2Atha 4:41

Elisha nîwetirie mûtu, akîwîkîra nyûngûrî îo yarî na irio, agîcoka akîra ndungata ciîvûrîre arathi irio marîe. Vîndî îo irio itiarî ndûrû.

2Atha 6:6

Elisha nîwaûririe mûndû ûcio atîrî, “Rîagwa va?” Nake mûndû ûcio nîwonirie Elisha varîa îthanwa rîu rîagwîte. Elisha nîwatemire kamûtî, agîgaikia vau îthanwa rîagwîte na îthanwa rîkîerere manjîrî.

Alawi 2:13

Wîkagîre cumbî iriorî cionthe cia mûgûnda irîa ûkûrutîra Ngai-Mûnene, nîûndû cumbî îgaakûririkanagia kîrîkanîro gîaku na Ngai.

Mathaayo 5:11

“Kûrathimwa nî mue vîndî îrîa andû mamûruma, mamûnyarira, na mamwigîrîra ing'enyo cia mîthemba na mîthemba nîûndû mûrî arûmîrîri akwa.

Maariko 9:50

Cumbî nî mbaro, nwatî îngîthira mûcamo wayo, îngîcoka gwîkîrwa mûcamo nîndûî? “Îkaragani mwîgucanîte gatagatîrî kenyu ta cumbî na mûcamo wayo.”

Johana 9:6

Nake Jesû aarîkia kuga ûguo, nîwatuire mata nthî kuuma kanyuarî gake, akîthondeka ndaka namo akîmûvaka metho

Kûguû 21:4

Ke nîakaamagiria methori monthe kuuma methorî mao. Gûtikethîrwa gîkuû, kîeva, kîrîro, kana ûrûrû rîngî. Maûndû marîa ma tene makethîrwa marî mathiru.”