2Atha 2:20 - ÎVUKU RÎA ÛVORO MWARO

²⁰ Nake Elisha nîwamerire atîrî, “Ndetereni mbakûri njerû na mwîkîre cumbî ndaarî yayo.” Kwoguo arûme acio nîmaamûvirîre mbakûri.

2Atha 2:20 ပူးပေါင်းရင်းမြစ်များ

2Atha 2:19

Arûme amwe a îtûûra rîa Jeriko nîmeerire Elisha atîrî, “Taroria, îtûûra rîîrî nî rîaro wata ûrîa mwathi wetû ûreyonera, nwatî manjî ma kuo tî maro wana mûthetu wa kuo nî mûgînju.”

2Atha 2:21

Elisha nîwacokire akîthiî kîthimarî Kîam manjî, agikia cumbî kîthimarî kîu na akiuga atîrî, “Ngai-Mûnene augîte, atî ‘nînatheria manjî mama, na kuuma ûmûnthî kûthiî na mbere makethagîrwa marî maro na matigaatûma kûgîa gîkuû, na ndîthia ciakuo na andû matikavuna.’ ”

Ezek 47:11

Nwatî manjî marî marimbarî na marî tûrikorî mwena wa îria gûtikethîrwa na manjî maro, mau makethîrwa marî ma cumbî.

Zefania 2:9

Kwoguo, wata ûrîa nie ndûraga mwoyo nie Ngai-Mûnene mwene vinya wonthe, Ngai wa Isiraeli, nînîvîta atî Moabu na Amoni makethîrwa mekariî ta Sodomu na Gomora. Vûrûri wao ûkethîrwa wîcûrîte marima ma cumbî, na mîtî ya mîgua na ûgaatûûra ûrî werû tene na tene. Andû akwa arîa magaatigara nîmagaatava indo ciao, andû a vûrûri wakwa megwatîre vûrûri wao.”

Atir 9:45

Abimeleki nîwarûire na andû a îtûûra rîu mûthenya wonthe. Nîwarîtavire na akîûraga andû a kuo, akîrîtharia agîcoka agîtûrûra cumbî kûndû kuonthe îtûûrarî rîu.