2Atha 2:12 - ÎVUKU RÎA ÛVORO MWARO

¹² Elisha nîwonire gîkaari kîu na akiugîrîria atîrî, “Ûûi vava, ûûi vava! Mûndû ûrî vinya, ûrîa ûrûagîrîra Isiraeli! Nîwathiî!” Nwatî Elisha ndaacoka kwona Elija rîngî. Elisha nîwacokire akîgwata nguo ciake ke mwene na agîitembûrania icunjî igîrî.

2Atha 2:12 ပူးပေါင်းရင်းမြစ်များ

Kîam 37:34

Jakovu nîwatembûrangire nguo ciake na agîkîra nguo ya macakaya kîûnûrî. Nîwacakaîre mûvîcî mîthenya mîngî.

Kîam 5:24

Aatûûrire arî na ngwatanîro mbaro na Ngai. Nîwacokire akîûra kuuma methorî ma andû, nîûndû Ngai nîwamwocire.

2Atha 13:14

Rîrîa mûrathi Elisha aarwarire mûrimû ûrîa watûmire akue, Joashi, mûthamaki wa Isiraeli nîwathiîre kûmûcerera. Nîwamûrîrîre akiugaga atîrî, “Vava, vava! Njamba îrîa îrarûagîrîra andû a Isiraeli!”

2Atha 2:13

Nîwacokire agîoca nguo ya Elija îrîa yagwîte kuuma gwî ke, agîcoka nayo na akîrûngama rûtere rwa rûnjî rwa Jorodani.

2Atha 5:13

Nwatî ndungata ciake nîciathiîre varî ke na ikîmwîra atîrî, “Mwathi wetû, kethîrwa mûrathi nîarakwîrîte wîke ûndû mûnene makîria-î, anga ndûngîka? Rîu ûrarega kwîthambia nîkî nîguo ûthere wata ûguo akwîrîte?”

2Atha 6:21

Rîrîa mûthamaki wa Isiraeli oonire andû a Sîria nîwaûririe Elisha atîrî, “Vava, nîmaûrage? Nîmaûrage?”

Ayubu 22:30

Nîavonokagia arîa matarî mavîtia, na ûkavonokua nî ciîko ciaku mbaro.”

Nthi 11:11

Îtûûra nîrîtuîkaga rîa vata nîûndû wa irathimo cia andû arîa athingu, nwatî mîario ya andû arîa aganu nîîtûmaga îtûûra rîcûke.

Nthi 30:4

Nîûrîkû wanaunûkia îgûrû na agîcoka kûnyûrûrûka gûkû nthî? Nîûrîkû wanakumbatîria rûkûngi na ngundi yake? Nîûrîkû wanovania manjî na nguo? Nîûrîkû wathondekire mîthiia yonthe ya nthî? Etagwa atîa, na mûvîcî etagwa atîa? Mbîra na ma ethîrwa nîwicî!

Mûvunjia 7:19

Ûûgî nîûtûmaga mûndû ûrî na ûmenyo agîa na vinya nyîngî gûkîra vinya wa atongoria îkûmi marî îtûûra.

Isaia 37:15

Hezekia nîwacokire akîvoya Ngai-Mûnene akiuga atîrî,

Isaia 37:21

Isaia, mûvîcî wa Amozu nîwacokire agîtûma ndûmîrîri kûrî Hezekia akiuga atîrî, “Ngai-Mûnene, Ngai wa Isiraeli arauga atî: Nîûndû nîûmvoete nîûndû wa Senakeribu mûthamaki wa Asîria,

Isaia 37:4

Nwa kwîthîrwa Ngai-Mûnene Ngai waku, nîeguîte ûrîa Rabushake augîte, ûrîa watûmîtwe nî mwathi wake, mûthamaki wa Asîria, nîguo athekerere Ngai ûrîa ûtûûraga mwoyo, nake Ngai-Mûnene, Ngai waku nîakaaregana na maûndû mau eeguire. Kwoguo voera andû arîa matigarîte.’ ”

Maariko 16:19

Rîrîa Mwathani Jesû aarîkirie kûmarîria, nîwambatirue îgûrû na agîkara mwena wa ûrîo wa Ngai.

Luka 2:15

Rîrîa araika acio maatigire arîthi na magîcoka îgûrû, arîthi nîmeeranire atîrî, “Tigani tûthiî Bethilehemu nîguo tûkeyonere maûndû marîa mekîka mau Mwathani atûmenyithia.”

Luka 24:51

Na vîndî îrîa aamarathimaga, nîwamatigire na akîambatua îgûrû.

Johana 3:13

Gûtirî mûndû wanathiî îgûrû tiga Mûrû wa Mûndû ûrîa wanyûrûrûkire kuuma îgûrû.

Ciîko 1:9

Nake Jesû arîkia kuga ûguo, nîwavirirwe îgûrû wa mamûroretie na îtu rîkîmûkunîka magîtiga kûmwona.

Ciîko 27:24

na ambîra atîrî, ‘Tiga kwîgua guoya, Paûlo! We nwanginya ûrûngame mbere ya mûthamaki wa Roma. Ngai nîûndû wa wega wake akaavonokia mîoyo ya andû onthe arîa mûthiîcanîtie nao mûrî merirî.’

Ciîko 8:2

Nao etîkia amwe meetîkîtie Ngai mûno nîmaathikire Stefano makîmûrîragîra mûno.

2Akor 5:2

Na rîu tue nîtûcayaga, tûkîîriragîria mûno gwîkîrwa nyomba îrîa yumaga îgûrû.

2Akor 5:4

Rîrîa tûrî îgemarî rîîrî rîa nthî, tûvevûkaga tûkîgua tûrî akinyîrîrie. Tî atî nîkwa tûkwenda gûtigana na mîîrî yetû ya gûkû nthî, nwatî tûrenda twîkîrwe mîîrî îrîa ya îgûrû. Na twekîrwa mîîrî îo, mîîrî îrîa îkucaga nî îkaagarûrwa îtuîke ya gûtûûra.

Aefeso 4:8

Wa ta ûrîa mandîko matheru maugîte atî: “Vîndî îrîa ke aathiîre îgûrû, nîwatongoririe andû arîa maatavîtwe, na akîvecana iveo kûrî andû.”

Kûguû 11:12

Nao arathi acio aîrî nîmaacokire makîgua mûgambo mûnene kuuma îgûrû ûkîmera atîrî: “Unûkiani ava!” Na wa nthû ciao iroretie, nîmaaunûkirie îgûrû marî îtuurî.

Atir 17:10

Mika nîwamwîrire atîrî, “Îkarania nanie ûtuîke mûthînjîri-Ngai wakwa na ûndaarage. Ngaakûvecaga tûcunjî îkûmi twa sîlûva wa mwaka, nguo cia gwîkîra na irio.”