2Atha 19:6 - ÎVUKU RÎA ÛVORO MWARO

⁶ Isaia nîwamerire atîrî, “Ngai-Mûnene amwîrîte mûtikamake nîûndû wa ûguo mûregua ndungata cia mûthamaki ikînuma.

2Atha 19:6 ပူးပေါင်းရင်းမြစ်များ

2Atha 18:17

Mûthamaki wa Asîria nîwatûmire athigari eengî a mbaara kuuma Lakishi mathiî makatharîkîre Hezekia kûu Jerusalemu, matongoretue nî anene athatû. Rîrîa maakinyire Jerusalemu, nîmeekarire vakuvî na mûtaro ûrîa ûvîtûkagia manjî kuuma kariarî ka mwena wa rûgûrû varavara nene îrîa yerekerete kûrîa nguo itumagîrwa.

2Atha 18:30

Mûtigetîkîrie Hezekia atûma mwîvoke Ngai-Mûnene akîmwîra atî, mûtigecirie Ngai-Mûnene nîagûtûvonokia, na îtûûra rîîrî rînene tî rîocwa nî mûthamaki wa Asîria.

2Atha 18:35

Gatagatîrî ka ngai cionthe cia mavûrûri, nî ngai îrîkû yanavonokia vûrûri wao kuuma kûrî nie? Nîndûî kîratûma mwîcirie atî Ngai-Mûnene nwa avonokie Jerusalemu kuuma kûrî nie?”

2Atha 19:22

Nî ûrîkû ûraruma na ûkathekerera? Nîûrîkû ûraugîrîria, ûkarega kûva gîtîîo Ûrîa Mûtheru wa Isiraeli.

2Atha 19:5

Rîrîa ndungata cia mûthamaki Hezekia ciakinyire kûrî Isaia,

2Atha 6:16

Nake Elisha nîwamûcokerie atîrî, “Mûtikamake; nîûndû tûrî engî kûrî o.”

2Maû 20:15

Jahazieli nîwaugire atîrî, “Mûthamaki Jehoshafati na andû onthe arîa mûtûûraga Juda na Jerusalemu, tanthikîrîriani. Ngai-Mûnene augîte atî, mûtigetigîre na mûtikegue guoya nîûndû wa athigari aya eengî ûguo, nîûndû mbaara tî yenyu nî ya Ngai.

2Maû 20:17

Mûtikaavatara kûrûa mbaararî îno. Thiîni mûkeevarîria na mwetere na nîmûkoona Ngai-Mûnene akîmûvootanîra. Mue andû a Juda na a Jerusalemu mûtigetigîre na mûtikegue guoya. Mûkaathiî mûkatharîkîre andû acio na Ngai-Mûnene nîakethîrwa arî vamwe namue!”

Thaburi 74:18

Nwatî ririkana we Ngai-Mûnene atî nthû ciaku nîikûthekagîrîra, nî andû irimû na nîmakûnyararîte.

Thaburi 74:23

Ndûkariganîrwe nî înegene rîa nthû ciaku, ûrîa itûûraga vîndî cionthe inegenaga.

Ntha 14:13

Nake Musa nîwamacokerie atîrî, “Mûtigetigîre, mwîyûmîrîrie na nîmûkwona ûrîa Ngai-Mûnene agwîka nîguo amûvonokie ûmûnthî. Mue mûtigaacoka kwona andû aya a Misiri rîngî.

Isaia 10:24

Kwoguo Mwathani, Ngai-Mûnene mwene vinya wonthe arauga atîrî, “Mue andû akwa arîa mûtûûraga Zayuni, mûtigetigîre andû a Asîria wana mamûriva na njokoma kana mûragi ta ûrîa mwekagwa nî andû a Misiri.

Isaia 51:7

“Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Jeremia 42:9

“Ngai-Mûnene Ngai wa Isiraeli ûrîa mwandûmire ngamûthaithanîre kûrî ke, augîte atî:

Maca 3:57

Nîwanjokerie na ûkîmbîra ndigetigîre.

Alawi 26:8

Andû atano enyu nî makaavoota andû îgana, nao andû îgana enyu nîmakaavoota andû ngiri îkûmi na nî mûkaavoota nthû cienyu.

Gûco 20:1

“Rîrîa mwathiî mbaararî kûrûa na nthû cienyu, na mwone marî na mbarathi, ikaari cia mbaara, na athigari a mbaara eengî kûmûkîra, mûtikametigîre. Ngai-Mûnene Ngai wenyu, ûrîa wamûrutire Misiri akethagîrwa arî vamwe namue.

Josh 11:6

Ngai-Mûnene nîwerire Joshua atîrî, “Ndûgetigîre nîûndû wao. Rûciû thaa ta ino nîngethîrwa mbûragîte athigari aya onthe nîûndû wa andû a Isiraeli. Nawe nîûgaatemanga mîkiva ya magûrû ma mbarathi nîguo iremwe nî kûthiî na ûcoke ûvîvie ikaari cia mbarathi.”

Kûguû 13:6

Nyamû îo nîyambîrîrie kûruma Ngai, rîîtwa rîake, kûrîa atûûraga na arîa onthe matûûraga îgûrû.