2Atha 19:37 - ÎVUKU RÎA ÛVORO MWARO

³⁷ Vîndî îmwe akîgooca arî hekarûrî ya Nisiroki, ngai yake, anake ake aîrî: Adurameleki na Sharezeri, nîmaamûragire na mviû na magîcoka makîûrîra vûrûrirî wa Ararati. Nake mwanake wake wetagwa Esarihadoni nîwatuîkire mûthamaki vuva wake.

2Atha 19:37 ပူးပေါင်းရင်းမြစ်များ

Kîam 8:4

Na mûthenya wa îkûmi na mûgwanja mweri wa mûgwanja, thabina nîyarûngamire îgûrû rîa irîma cia Ararati.

2Atha 17:31

andû a Iva nao makîrûtha mîvuanano ya Nibihazi na Taritaki; nao andû a Sefarivati nîmaarutire ciana ciao magongoona irî matega ma kûvîvua kûrî ngai ciao, Adurameleki na Anameleki ngai cia Sefarivaimu.

2Atha 18:30

Mûtigetîkîrie Hezekia atûma mwîvoke Ngai-Mûnene akîmwîra atî, mûtigecirie Ngai-Mûnene nîagûtûvonokia, na îtûûra rîîrî rînene tî rîocwa nî mûthamaki wa Asîria.

2Atha 18:5

Hezekia nîwetîkîtie Ngai-Mûnene, Ngai wa Isiraeli. Kûu Juda gûtiarî kwanagîa mûthamaki wîngî wekariî take gatagatîrî ka athamaki onthe arîa maarî mbere yake, wana kana arîa maatuîkire athamaki vuva wake.

2Atha 19:10

makamwîre atîrî, “Ndûgetîkîre Ngai waku ûrîa wîvokaga îkûveenie atî, Jerusalemu tîîvootwa nî mûthamaki wa Asîria.

2Atha 19:17

We Ngai-Mûnene, nî ûma atî athamaki a Asîria nîmaacûkangîtie ndûrîrî nyîngî na magacûkangia mavûrûri mao.

2Atha 19:31

Kûrî na andû magaatigara kûu Jerusalemu na Kîrîmarî gîa Zayuni, nîûndû Ngai-Mûnene arî na wendi mûnene mûno wa kwona atî ûguo nîgwekîka.

2Atha 19:7

Taroria, kûrî ûvoro ngûtûma mûthamaki wa Asîria egue na ûtûme acoke vûrûrirî wake, na kûu nîkuo ngaatûma aûragîrwe.”

2Maû 32:14

Nî ngai îrîkû gatagatî ka ngai cia mavûrûri marîa methe makwa maacûkangirie viû yavotire kûvonokia andû a yo kuuma kûrî nie nîguo mue mûgîe na mwîrîgîrîro atî Ngai wenyu nîakaamûvonokia kuuma kûrî nie?

2Maû 32:19

Nîmaaririe ûvoro wîgiî Ngai wa Jerusalemu wata ûrîa maaragia ûvoro wîgiî ngai cia mavûrûri marîa mengî irîa ciîthagîrwa irûthîtwe nî andû.

2Maû 32:21

Nake Ngai-Mûnene nîwatûmire mûraika na nîwathiîre akîûraga athigari arîa maarî njamba, anene a athigari a mbaara na anene onthe arîa maarî kûrîa mûthamaki wa Asîria aambîte magema. Kwoguo mûthamaki wa Asîria nîwacokire vûrûrirî wake aconokete mûno. Rîrîa aathiîre hekarûrî ya ngai yake, amwe a avîcî ake nîmaamûragire na mviû.

Ezira 4:2

Kwoguo nthû icio nîciathiîre ikîaria na Zerubabeli na anene a nyomba cia andû a Juda na Benjamini na ikîmwîra atîrî, “Twîtîkîrie tûmûtethie, gûtuma hekarû. Tûgoocaga Ngai ûrîa mûgoocana na twîthîrîtwe tûkîmûrutîra magongoona kuuma vîndî îrîa ya Esarihadoni mûthamaki wa Asîria atûretire gûkû tûtûûre kuo.”

Jeremia 51:27

“Vandani vendera ya mbaara gûkû nthî, vuvani karumbeta mavûrûrirî; varîriani mavûrûri nîguo marûe mbaara nake. Îtani mothamaki ma Ararati, Mini na Ashikenazi maûke maûtharîkîre. Thuurani njamba ya kûrûa nake; rîretereni mbarathi ta ikundi cia ngige.

Gûco 32:31

Nthû ciao nîciîcî atî ngai ciao itirî na vinya, ngai ciao itirî na vinya ta Ngai wa andû a Isiraeli.