2Atha 19:15 - ÎVUKU RÎA ÛVORO MWARO

¹⁵ Mûthamaki Hezekia nîwavoire atîrî, “We Ngai-Mûnene Ngai wa Isiraeli, we wîkarîte gîtîrî gîaku Kîam ûthamaki îgûrû rîa Akerubi, we wenga tu nîwe Ngai, we nîwe Ngai wa mothamaki monthe ma nthî. We nîwe waûmbire nthî na îgûrû.

2Atha 19:15 ပူးပေါင်းရင်းမြစ်များ

Kîam 1:1

Kîambîrîriarî Ngai nîwaûmbire îgûrû na nthî.

Kîam 2:4

Ûguo nîguo îgûrû na nthî ciaûmbirwe. Vîndî îrîa Ngai-Mûnene, Ngai aûmbire nthî na îgûrû,

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

Kîam 33:20

Jakovu nîwatumire metha ya kîgongoona na agîta vandû vau Eli.

1Atha 18:39

Rîrîa andû onthe moonire ûguo, nîmegwîthirie maturumithîtie mothiû mao nthî na makîanîrîra atîrî, “Ngai-Mûnene nîke Ngai! Ngai-Mûnene nîke Ngai!”

1Atha 8:23

na akiuga atîrî, “Ngai-Mûnene, Ngai wa Isiraeli, gûtirî Ngai wîngî tawe îgûrû kana gûkû nthî! Nîûvingagia kîrîkanîro gîaku na andû aku na nîûmoonagia wendo ûtathiraga rîrîa matûûra makwîvokete.

2Atha 19:19

Kwoguo we Ngai-Mûnene Ngai wetû, nakûthaitha ûtûvonokie kuuma kûrî andû a Asîria, nîguo andû a mothamaki monthe ma nthî mamenye atî we Ngai-Mûnene tu, nîwe Ngai.”

2Atha 5:15

Nîwacokire marî na ndungata ciake kûrî mûrathi Elisha na akîra Elisha atîrî, “Rîu nînamenya atî gûkû nthî kuonthe gûtirî ngai îngî tiga Ngai wa Isiraeli. Kwoguo nakûthaitha wamûkîre kîveo kuuma kûrî nie.”

1Maû 13:6

Daudi na andû onthe a Isiraeli nîmaaunûkirie na makîthiî Baala na nîkuo Kiriathi-jearimu vûrûrirî wa Juda nîguo magîre îthandûkû rîa kîrîkanîro Kîam Ngai. Îthandûkû rîu nîrîo rîrî na rîîtwa rîa Ngai-Mûnene ûrîa wîkaragîra gîtî Kîam Ûthamaki na arî mûnene kûrî Akerubi.

1Maû 4:10

Nwatî Jabezi nîwavoire Ngai wa Isiraeli akiuga atîrî, “Ngai ndathima na ûnenevie mîvaka ya vûrûri wakwa. Îthagîrwa ûrî vamwe nanie na ûngitagîre kuuma kûrî ûndû wonthe mûcûku ûrîa ûngîtûma mbîthîrwe na ûrûrû.” Ngai Nîwamûvere kîrîa aavoire.

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 20:6

na nîwavoire akiugaga atîrî, “Ngai-Mûnene, Ngai wa methe metû, kinthî tîwe Ngai ûrîa ûrî Îgûrû? Na kinthî tîwe wathaga mothamaki monthe ma nthî? We ûrî na vinya na ûvoti, kwoguo gûtirî mûndû ûngîgwîtirîria.

2Maû 32:20

Mûthamaki Hezekia na mûrathi Isaia, mûvîcî wa Amozu nîmaavoire Ngai na makîmûkaîra nîûndû wa ûndû ûcio.

Nehemia 9:6

Ezira nîwavoire akiuga atîrî, “We, Ngai-Mûnene, we wenga nîwe Ngai-Mûnene; nîwe waûmbire îgûrû na ûkîûmba njata cia matuurî, nîwe waûmbire nthî, îria na ûkîûmba indo cionthe irîa irî kuo, nîwe waiveere mwoyo cionthe. Maavinya ma îgûrû nîmenamagîrîra magakûgooca.

Thaburi 102:25

Tene mûno nîwaûmbire nthî, na îgûrû nî wîra wa njara ciaku.

Thaburi 102:26

Îgûrû na nthî nîikaathira, nwatî we nîûtûûra kuo, ikaathira ta nguo ngûrû, na nîikaaûrîra.

Thaburi 146:6

ûrîa waûmbire îgûrû na nthî, îria na indo cionthe irîa irî kuo; ûrîa ûvingagia ciîranîro ciake vîndî cionthe.

Thaburi 33:9

Nîûndû aaririe na nthî îkîgîa kuo, aathanire na indo cionthe ikîgîa kuo.

Thaburi 80:1

We mûrîthi wa andû a Isiraeli tûthikîrîrie, we ûtongoragia njiarwa cia Josefu ta ndîthia ya ng'ondu. We wîkaragîra gîtî gîaku Kîam ûnene îgûrû rîa akerubi, onania ûnene waku.

Thaburi 80:2

Onania ûnene waku methorî ma andû a Efiraimu, Benjamini, na Manase. Onania vinya waku, ûûke ûtûvonokie kuuma kûrî nthû cietû.

Thaburi 99:1

Ngai-Mûnene nî mûthamaki, andû nî mateteme. Ekarîrîte gîtî Kîam ûthamaki îgûrû rîa Akerubi; nayo nthî nîîthingithe.

Ntha 25:22

Vau nîvo ngaatûngana nawe. Na îgûrû rîa gîkunîko Kîam îthandûkû, gatagatî ka akerubi acio aîrî marî îgûrû gîkunîkorî Kîam îthandûkû, nîvo ngaakwarîria ngûnengere maathani ma andû a Isiraeli.

Isaia 37:14

Hezekia nîwamûkîre maarûa kuuma kûrî anjaama acio maatûmîtwe na akîmîthoma. Nîwacokire akîthiî agîtonya nyombarî ya Ngai-Mûnene, na akîmîkûnjûrîra mbere ya Ngai-Mûnene.

Isaia 41:17

“Rîrîa athîni na avatari maracaria manjî matakûmona, na rîrîa mîmero yao îrî mîng'arûku nî kûnyonda, nînie Ngai-Mûnene ngaamacokeria, nie Ngai wa Isiraeli ndikaamatiganîria.

Isaia 43:10

Ngai-Mûnene arauga atîrî, “Mue Aisiraeli mûrî aira akwa; namûthuurire mûtuîke ndungata ciakwa, nîguo mûûmenye na mûmbîtîkie, gûtirî ngai îngî tiga Nie. Na mûmenye atî nie nînie Ngai, gûtirî ngai îngî yarî kuo mbere yakwa na gûtikaagîa.

Isaia 44:6

Ngai-Mûnene mwene vinya wonthe Mûthamaki na Mûkûri wa Isiraeli arauga atîrî, “Nie nînie wa mbere na nînie wa mûthiia; gûtirî ngai îngî tiga nie.

Isaia 44:8

Tigani kwîgua guoya, wana kana mwîtigîre! Na kinthî ndiamwîrire maûndû kuuma tene na ngîmumbûrîra mo? Na mue mûrî aira akwa. Nîkwa kûrî na ngai îngî tiga nie? Nî kûrî Îthiga rîngî; Nie ndiîcî rîngî.”

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Jeremia 32:17

“We Ngai-Mûnene! We nîwe waûmbire îgûrû na nthî na vinya waku mûnene na ûvoti waku mûnene. Gûtirî ûndû ûngîkûrema.

1Sam 4:4

Kwoguo athuuri acio nîmaatûmire anjaama mathiî Shilo makagîre îthandûkû rîa kîrîkanîro rîa Ngai-Mûnene mwene vinya wonthe, ûrîa wîkaraga gatagatîrî ga Akerubi. Nao anake aîrî a Eli, Hofini na Finehasi wanao nîmaaûkire vamwe na îthandûkû rîa kîrîkanîro.