2Atha 19:12 - ÎVUKU RÎA ÛVORO MWARO

¹² Methe makwa nîmaacûkangirie andû a mavûrûri ma Gozani, Harani, na Rezefu na makîûraga andû onthe a Edeni arîa maatûûraga Telasari. Maaregire kûvonokua nî ngai icio nîkî?

2Atha 19:12 ပူးပေါင်းရင်းမြစ်များ

Kîam 11:31

Tera nîwocire mûvîcî Aburamu na mûcûkûrûwe Loti ûrîa warî mûvîcî wa Harani. Nîwocire Sarai mûka wa mûvîcî Aburamu, makiuma kûu Uri gwa Akalidei, nîguo mathiî vûrûrirî wa Kanaani. Nwatî rîrîa maakinyire vûrûrirî wa Harani, nîmaatûûrire kuo.

Kîam 11:32

Tera aakuîrîre vûrûrirî wa Harani arî na ûkûrû wa mîaka magana maîrî ma îtano (205).

Kîam 2:8

Ngai-Mûnene, Ngai nîwavandire mûgûnda Edeni, mwena wa îrathîro. Kûu nîkuo aaigire mûndû ûcio aaûmbire.

Kîam 29:4

Jakovu nîwaûririe arîthi atîrî, “Mumîte kû arata akwa?” Nao nîmaamûcokerie atîrî, “Tumîte Harani.”

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 19:11

We nîwîguîte ûrîa athamaki a Asîria macûkangîtie mavûrûri monthe viû. We ûreciria nîûkûvonoka?

1Maû 5:26

Kwoguo Ngai wa Isiraeli nîwatûmire Puli mûthamaki wa Asîria (na nîke wecîkene na rîîtwa rîngî Tigilathi Pileseri) atharîkîre vûrûri wao. Mûvîrîga wa Reubeni, Gadi na Manase ya mwena wa îrathîro nîmaatavirwe na makîvirwa îthamîriorî. Mûthamaki wa Asîria nîwamavirire Hala, Haboru, Hara na rûnjîrî rwa Gozani kûrîa matûûraga nginya ûmûnthî.

Isaia 37:12

Methe makwa nîmaacûkangirie mavûrûri ma Gozani, Harani, Rezefu na andû a Edeni arîa maatûûraga Telasari; ngai cia mavûrûri mau nîciamavonokirie?

Ezek 27:23

Nîmwarutithanagia wîra na andû a Harani, Kane, na Edeni vamwe na agûri na endia kuuma Ashuru na Kilimadi.

Ciîko 7:4

Kwoguo Iburahimu nîwaumire vûrûrirî wa Kalidei, na akîthiî gûtûûra Harani. Rîrîa îthe aakwire, Ngai nîwamûrutire kuo akîmûrete vûrûrirî ûyû mûtûûraga rîu.