2Atha 18:5 - ÎVUKU RÎA ÛVORO MWARO

⁵ Hezekia nîwetîkîtie Ngai-Mûnene, Ngai wa Isiraeli. Kûu Juda gûtiarî kwanagîa mûthamaki wîngî wekariî take gatagatîrî ka athamaki onthe arîa maarî mbere yake, wana kana arîa maatuîkire athamaki vuva wake.

2Atha 18:5 ပူးပေါင်းရင်းမြစ်များ

2Atha 18:19

Rabushake nîwamerire meere Hezekia atîrî, “Mûthamaki wa Asîria, arakûûria atî, ‘Ûmîrîru ûyû wî naguo umîte kû?’

2Atha 19:10

makamwîre atîrî, “Ndûgetîkîre Ngai waku ûrîa wîvokaga îkûveenie atî, Jerusalemu tîîvootwa nî mûthamaki wa Asîria.

2Atha 23:25

Gûtiarî mûthamaki wîngî take, vuva kana mbere yake watungatîre Ngai-Mûnene na ngoro yonthe, meciria na vinya wonthe akîvingagia mawatho monthe ma Musa.

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

2Maû 20:35

Vuvarî, mûthamaki Jehoshafati nîmaanyitanîre na Ahazia, mûthamaki wa Isiraeli. Ahazia nîwekîte maûndû meengî ma waganu.

Ayubu 13:15

Enda kûmbûraga nîambûrage, ndirî na mwîrîgîrîro wîngî. Kûnarî ûguo, ngeyarîrîria varî ke.

Thaburi 13:5

Nwatî nîîvokaga vîndî cionthe wendo waku ûtathiraga, nîngaakena nîûndû nîûkaamvonokia.

Thaburi 84:12

We Ngai-Mûnene, mwene vinya wonthe, kûrathimwa nî mûndû ûrîa ûkwîvokete.

Isaia 36:7

“Nwatî ûngîmbîra atîrî, ‘Twîvokete Ngai-Mûnene Ngai wetû.’ Anga tîke mwene kûndû gwa kûgoocerwa na metha cia magongoona irîa Hezekia aacûkangirie akîûragia Juda na Jerusalemu atîrî, ‘Nîmwagîrîrwe nî kûgoocera metharî îno ya kîgongoona?’

Isaia 38:3

na akiuga atîrî, “Ûûi Ngai-Mûnene, nakûthaitha ûririkane ûrîa mbîthîrîtwe nîrî mwîvokeku kûrî we na ngoro yonthe, na ngîkaga maûndû marîa wonaga marî maro.” Na Hezekia nîwarîrire arî na ûrûrû mwîngî mûno.

Mathaayo 27:43

Ke nîevokete Ngai na augaga atî ke nî Mûriû wa Ngai. Tigani rîu twone kana Ngai nîakûmûtethûra.”

Aefeso 1:12

Tigani tue arîa twathuurirwe na twarî a mbere kwîrîgîrîra Kristû tûkumie riiri wa Ngai!