2Atha 18:32 - ÎVUKU RÎA ÛVORO MWARO

³² nginya rîrîa ngaaûka nîmûvire vûrûrirî wîkariî ta vûrûri wenyu, vûrûri ûrî ngano na ndivei, vûrûri ûrî mîgate na mîgûnda ya mîthavibu, vûrûri ûrî mîtî ya mîtamaiyû na ûûkî, nîguo mûtûûre na mûtigakue. Mûtikathikîrîrie Hezekia akîmûvîtithia rîrîa akûmwîra atî, Ngai-Mûnene nîagaatûvonokia.

2Atha 18:32 ပူးပေါင်းရင်းမြစ်များ

Kîam 49:11

Nîathaîkaga njaû ya mvunda yake mûthaviburî, amîthaîkagîrîra mûthaviburî ûrîa mwaro mûno. Athambagia nguo ciake na ndivei îrîa ndune ta nthakame.

2Atha 17:23

nginya rîrîa Ngai-Mûnene aamengatire makiuma kûrî ke, wata ûrîa aaugîte na njîra ya arathi ndungata ciake cionthe, atî nîageka. Kwoguo andû a Isiraeli nîmaavirirwe îthamîriorî Asîria, kûrîa matwîre nginya ûmûnthî.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 18:11

Mûthamaki wa Asîria nîwavirire andû a Isiraeli Asîria marî mîgwate, na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 19:10

makamwîre atîrî, “Ndûgetîkîre Ngai waku ûrîa wîvokaga îkûveenie atî, Jerusalemu tîîvootwa nî mûthamaki wa Asîria.

2Atha 25:11

Nebuzaradani nîwacokire akînyita andû onthe arîa maatigîtwe îtûûrarî vamwe na andû arîa maathiîte na makerekereria kûrî mûthamaki wa Babuloni na akîmavira îthamîriorî.

Thaburi 3:3

Nwatî we Ngai-Mûnene, nîwe ûngitagîra kuuma ûgwatirî, ûmvecaga ûvootani na ûkambîkîra ûcamba.

Thaburi 42:4

Ngoro yakwa nîthiragwa nî vinya rîrîa naririkana, ûrîa twathiîcaga na andû eengî, naamatongoragia makathiî gûtonya nyombarî ya Ngai, andû maakenete makinaga nyîmbo cia gûkumia Ngai maugîrîrîtie.

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Isaia 36:17

nginya rîrîa ngaaûka na nîmûvire vûrûrirî wîkariî ta ûyû wenyu, vûrûri wî ngano na ndivei, vûrûri wî irio na mîgûnda ya mîthavibu.

Ndari 14:8

Ethîrwa Ngai-Mûnene nîakwona tûrî agîrîru, nîagûtûvira vûrûrirî ûcio wîcûrîte îriia na ûûkî na atûve guo.

Gûco 11:12

Nî vûrûri ûmenyagîrîrwa nî Ngai-Mûnene Ngai wenyu vîndî cionthe; Ngai-Mûnene Ngai wenyu nîaûgitagîra vîndî cionthe kuuma Kîammbîrîria Kîam mwaka nginya kîrîkîro Kîam guo.