2Atha 18:31 - ÎVUKU RÎA ÛVORO MWARO

³¹ Mûtikathikîrîrie Hezekia, nîûndû mûthamaki wa Asîria augîte atî, mwîgucane nake na mwînenganîre kûrî ke. Mue muonthe nîmûgaacoka mûrîcage thavibu kuuma mîthaviburî yenyu, na ngûû kuuma mîkûyûrî yenyu, na mûnyunyage manjî kuuma ithimarî cienyu,

2Atha 18:31 ပူးပေါင်းရင်းမြစ်များ

Kîam 32:20

na mûcoke mûmwîre atîrî, ‘Ndungata yaku Jakovu îrî ava vuva wetû.’ Jakovu eeciragia atî nwakûvoteke akavoreria Esaû na iveo irîa ikaathiî mbere yake magîgaakinyia vîndî ya kwonana na monana avota gûkaamwîtîkîra.”

Kîam 33:11

Nakûthaitha wamûkîre kîveo gîkî nakûretere. Ngai nîandathimîte na nîrî na indo cia kwîgana.” Jakovu nîwamûringîrîrie nginya agîciamûkîra.

1Atha 4:20

Andû a Juda na a Isiraeli maarî eengî ta mûthanga ûrîa wîthagîrwa ûrî rûtererî rwa îria. Nao maatûîre marîcaga, manyunyaga na makenaga.

1Atha 4:25

Vîndî îrîa yonthe Solomoni aarî mwoyo, andû a Juda na a Isiraeli kuuma Dani kûthiî nginya Beerisheba maatûûraga na thayû, wa mûndû arî na mîthavibu na mîkûyû yake.

1Atha 5:5

Kwoguo rîu nîrenda gûtumîra Ngai-Mûnene, Ngai wakwa hekarû, wata ûrîa Ngai-Mûnene eerîre vava Daudi atî, ‘Mûvîcîguo, ûrîa ngeekarîria gîtî Kîam ûthamaki vuva waku nîke ûkandumîra hekarû.’

2Atha 18:30

Mûtigetîkîrie Hezekia atûma mwîvoke Ngai-Mûnene akîmwîra atî, mûtigecirie Ngai-Mûnene nîagûtûvonokia, na îtûûra rîîrî rînene tî rîocwa nî mûthamaki wa Asîria.

Nthi 18:16

Kûvecana kîveo nî gûtûmaga mîrango îvingûke, na gûgakinyia mûndû kûrî andû arîa marî îgweta.

Nthi 27:18

Mûndû ûrîa ûmenyagîrîra mûtî wa mûkûyû nîarîcaga matunda ma guo, nake mûndû ûrîa ûgitagîra mwathi wake nîakaavewa gîtîîo.

Jeremia 14:3

Anene ao nîmatûmaga ndungata ciao manjî, mathiîcaga irikorî cia manjî nwatî mationaga manjî, macokaga na mîtûngi îtarî na kîndû, makunîkaga mothiû mao nî gûconoka na kûrwa nî vinya.

Zakaria 3:10

Mûthenya ûcio wakinya, wa mûndû wa mûndû nîagetaga mûndû ûrîa mariganîtie nake athiî magekare rungu rwa mîthavibu na rungu rwa mîkûyû makenere thayû na ûgacîru wa vûrûri. Ûgo nîguo Ngai-Mûnene mwene vinya wonthe arauga.”