2Atha 18:27 - ÎVUKU RÎA ÛVORO MWARO

²⁷ Nwatî Rabushake nîwamerire atîrî, “Nîkwa mûreciria mwathi wakwa, mûthamaki aandûmire kûrî mue muenga na mûthamaki wenyu tu? Nîrarîria wana andû arîa mekarîte îgûrû rîa rûthingo arîa mûrumanîrîtue nao, arîa makaarîcaga mai mao na manyunyage maumago mao, wata ûrîa wanamue mûgeekaga.”

2Atha 18:27 ပူးပေါင်းရင်းမြစ်များ

2Atha 18:17

Mûthamaki wa Asîria nîwatûmire athigari eengî a mbaara kuuma Lakishi mathiî makatharîkîre Hezekia kûu Jerusalemu, matongoretue nî anene athatû. Rîrîa maakinyire Jerusalemu, nîmeekarire vakuvî na mûtaro ûrîa ûvîtûkagia manjî kuuma kariarî ka mwena wa rûgûrû varavara nene îrîa yerekerete kûrîa nguo itumagîrwa.

2Atha 18:26

Eliakimu, Shebuna, na Joa nîmaacokire makîra Rabushake atîrî, “Twakûthaitha warie natue na rûthiomi rwa Suriata, na nîtûkûrwîgua. Tiga gûtwarîria na rûthiomi rwa Kîhibirania nîûndû wana nthingo irî matû.”

2Atha 18:28

Rebushake nîwacokire akîrûngama na akiugîrîria na mûgambo mûnene na Kîhibirania atîrî, “Thikîrîriani ûrîa mûthamaki mûnene wa Asîria aramwîra!

2Atha 6:25

Nîkwagîre na yûra înene mûno kûu îtûûrarî rîa Samaria. Benihadadi na athigari ake nîmekarire marigicîrîtie îtûûra rîa Samaria nginya kîongo Kîam mvunda gîkendagua tûcunjî mîrongo înana (80) twa sîlûva nacio ngiramu magana maîrî (200) cia mai ma îcîa ikendua tûcunjî tûtano (5) twa sîlûva.

Thaburi 73:8

Manyûrûragia andû arîa engî na makaria maûndû macûku, nî etîi na mavangaga ûrîa makûvinyîrîria arîa engî.

Isaia 36:12

Nwatî Rabushake nîwamerire atîrî, “Nîkwa mûreciria mwathi wakwa, mûthamaki aandûmire kûrî mue muenga na mûthamaki wenyu tu? Naarî, nîrarîria wana andû arîa mekarîte îgûrû rîa rûthingo arîa mûtuîrîrîtwe vamwe nao, arîa makaarîcaga mai mao na manyunyage maumago mao, wata ûrîa wanamue mûgeekaga.”

Maca 4:4

îtiganagîria ciana ciayo, ikua nî yûra na nyonda; ciana ciayo ivoyaga gîa kûrîa, na itionaga wa kûmarûmia kîndû.

Maca 4:5

Andû arîa maarîcaga irio mbaro; rîu nîo marakuîra njîrarî nî yûra, arîa marererwe nyombarî cia athamaki, rîu maravukûria irûndo cia macaki, magîcaragia gîa kûrîa.

Ezek 4:13

Ngai-Mûnene aaugire atîrî, “Ûguo nîguo andû a Isiraeli makaarîcaga mîgate îtarî mîtîkîrie nî watho kûrîwa rîrîa makethîrwa marî mavûrûrirî mageni kûrîa ngaamavira.”

Ezek 4:15

Ngai nîwacokire akîmbîra atîrî, “Nîngûgwîtîkîria wakie mwaki na mai ma ng'ombe îthenya rîa mai ma mûndû nîguo ûruge mûgate waku.”