2Atha 18:24 - ÎVUKU RÎA ÛVORO MWARO

²⁴ We ûngîvota atîa kûrega mûnene ûmwe ûrîa mûnini mûno gatagatî ka ndungata cia mûthamaki wa Asîria, na nwa wîvokete mûthamaki wa Misiri agûtûmîre ikaari cia mbarathi na andû arîa mathiîcaga matwîte mbarathi?

2Atha 18:24 ပူးပေါင်းရင်းမြစ်များ

Kîam 50:9

Nîmaathiîre marî gîkundi kînene mûno. Amwe maakuuîtwe nî ikaari cia mbarathi na engî mekarîrîte mbarathi.

1Atha 20:10

kuuma kûrî Benihadadi yaugaga atîrî, “ngai irombûraga ethîrwa îtûûra rîîrî rîa Samaria nî gûgaatigara wanarî mûthetu ûngîkumbatwa ngundi nî andû onthe arîa manûmîrîrîte. Ngaarîcûkangia viû!”

2Atha 18:21

Wîvokete mûthamaki wa Misiri, nwatî kûu nî ta gwîtiira na kamûthanje gaka kaunîku. Kamûthanje kaunîkaga na gakamunda njara ya mûndû ûrîa ûkanyitîte. Ûguo nîguo mûthamaki wa Misiri ekariî kûrî andû onthe arîa mamwîvokaga.

2Atha 18:23

Ûka rîu mûrîkanîre na mwathi wakwa, mûthamaki wa Asîria. Nîngûkûva mbarathi ngiri igîrî (2,000) ethîrwa nîûkwona andû a kûthiîcaga maitwîte!

2Atha 18:25

Makîria ya ûguo, ûreciria ntharîkîrîte vûrûri waku na ngaûcûkangia ndavetwe rûtha nî Ngai-Mûnene? Ngai-Mûnene ke mwene nîke wambîrire nthiî ngaûtharîkîre na nîûcûkangie.”

Isaia 10:8

Etîîaga akiugaga atîrî, “Kinthî atongoria a athigari akwa onthe tî athamaki?

Isaia 30:1

Ngai-Mûnene arauga atîrî, “Kaî ciana irîa ireganaga nanie irî na thîna-î, irûthaga mîvango yacio, nwatî tî yakwa; irûthaga ngwatanîro itaringanîte na ûrîa mendaga, makongerera wîvia îgûrû rîa wîvia.

Isaia 31:1

Kaî arîa mathiîcaga Misiri gûcaria ûtethio marî thînarî-î, arîa mevokaga mbarathi nîûndû atî nî nyîngî, arîa mevokaga ikaari ciao cia mbaara nîûndû nî nyîngî, na athigari arîa mathiîcaga matwîte mbarathi nîûndû marî vinya nyîngî, nwatî matiîvokaga Ûrîa Mûtheru wa Isiraeli, kana maûria ûtaaro kûrî Ngai-Mûnene.

Isaia 31:3

Andû a Misiri nî andû tu, na tîo Ngai; nacio mbarathi ciao nî nyama tu, na tî maroho. Rîrîa Ngai-Mûnene agaatambûrûkia njara yake, mûtethania wana mûtethua, gûtirî ûtakaagwa, na onthe makaathira vamwe.

Isaia 36:6

Taroria, we wîvokete Misiri, mûthanje ûcio munîku, ûrîa ûkaamunda njara ya mûndû wa wonthe ûrîa ûgeetiira naguo. Ûguo nîguo mûthamaki wa Misiri ekariî kûrî arîa onthe mamwîvokaga.’

Isaia 36:9

We ûngîvota kwîgananua atîa wanarî na mûnene ûrîa mûnini mûno gatagatîrî ka ndungata cia mûthamaki wa Asîria, na nwa wîvokete mûthamaki wa Misiri agûtûmîre ikaari cia mbarathi na andû arîa mathiîcaga matwîte mbarathi?

Jeremia 37:7

“Ngai-Mûnene Ngai wa Isiraeli augîte atî: nîûkera mûthamaki wa Juda ûrîa wagûtûmire ûmvoye vandûrî vake, athigari a mûthamaki wa Misiri arîa maûkîte gûgûtethia marî vakuvî gûcoka vûrûrirî wao.

Ezek 17:15

Nwatî mûthamaki wa Jerusalemu nîwareganire na mûthamaki wa Babuloni. Nîwatûmire aarîrîria a vûrûri wake makîthiî nginya Misiri nîguo mûthamaki wa Misiri amûve mbarathi na athigari a mbaara. Mûthamaki wa Jerusalemu nî akaavootana? Mûndû ûrîa wîkîte ûguo nwa avonoke nîûndû nî aunîte kîrîkanîro? Kinthî twa nginya averithue?”

Ezek 17:17

Mûthamaki wa Misiri na gîkundi gîake kînene Kîam athigari a mbaara ndakaamûtethia kûrûa rîrîa athigari a mbaara a Babuloni magaatuma rûthingo rûrî na vinya na mamûrigicîrie nîguo maûrage andû eengî.

Ezek 29:6

Andû onthe a Misiri nîmagaacoka mamenye atî Nie nînie Ngai-Mûnene. “Nîûndû andû a Isiraeli maaigîte mwîvoko wao kûrî we, nwatî wekariî ta kamûtî gatarî vinya.

Danieli 4:22

nîwe mûthamaki. Nîwe ûgîte na vinya nyîngî na ûvoti wa maûndû ma na îgûrû, na wathani waku wîcûrîte nthî yonthe.

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Gûco 17:16

Mûthamaki ûcio ndakethîrwe na mbarathi nyîngî, na ndagatûme andû Misiri kûgûra mbarathi nîûndû Ngai-Mûnene aaugire atî andû ake matigaacoka Misiri rîngî.