2Atha 18:14 - ÎVUKU RÎA ÛVORO MWARO

¹⁴ Nake Hezekia mûthamaki wa Juda nîwatûmanire kûrî Senakeribu, mûthamaki wa Asîria kûu Lakishi akîmwîra atîrî, “Nie nîmvîtîtie; nakûthaitha tiga kûntharîkîra, na nîngûkûnengera wa kîrîa kîonthe ûkûmbîtia.” Nake mûthamaki wa Asîria nîwerire Hezekia amûtûmîre kilo ngiri îkûmi (10,000) cia sîlûva na kilo ngiri îmwe (1,000) cia thaavu.

2Atha 18:14 ပူးပေါင်းရင်းမြစ်များ

1Atha 20:4

Mûthamaki Ahabu nîwacokirie atîrî, “Thiîni mwîre mwathi wakwa mûthamaki, atî nînetîkîra; nie wana indo cionthe ciakwa nî ciaku.”

2Atha 10:5

Kwoguo mûmenyereri wa nyomba ya mûthamaki, atongoria a îtûûra rînene rîa Samaria, atongoria a mîvîrîga na andû arîa maamenyagîrîra anake a Ahabu nîmaatûmanire kûrî Jehu na makiuga atîrî, “Tue tûrî ndungata ciaku, na nîtwîvarîrîtie gwîka maûndû monthe marîa ûgûtwîra twîke. Nwatî tî tîtûthuura mûndû wanarî ûmwe atuîke mûthamaki. We îka wa ûrîa ûrona kwagîrîrîte.”

2Atha 14:19

Andû amwe a kûu Jerusalemu nîmeciririe ûrîa makûraga Amazia. Kwoguo Amazia nîwaûrire akîthiî îtûûrarî rînene rîa Lakishi, nwatî nthû ciake nîciatûmire andû na makîthiî na makîmûragîra kuo.

2Atha 15:20

Menahemu nîwacunire andû onthe a Isiraeli arîa maarî itonga wa mûndû tûcunjî mîrongo îtano twa sîlûva (50) na vinya. Kwoguo Tigilathi Pilesa nîwacokire vûrûrirî wake.

2Atha 18:7

Kwoguo Ngai-Mûnene nîwamûtethagia, na maûndû monthe marîa eekaga nîmaavucaga. Nîwakararirie mûthamaki wa Asîria na akîrega kûmwathîkîra.

2Atha 19:8

Rîrîa Rabushake eegwire atî mûthamaki wa Asîria nîwaumîte Lakishi, nîwathiîre na akîmwîthîra akîrûaga na andû a îtûûra rînene rîa Libuna.

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Jeremia 34:7

vîndî îrîa athigari a mbaara a Babuloni maatharîkagîra Jerusalemu na matûûra ma Juda marîa maatigarîte marî mairigîre ma Lakishi na Azeka.

Luka 14:32

Nwatî angîthîrwa nîarona waro atî ndangîvoota mûthamaki ûcio wîngî, nîamûtûmanagîra arî wa varaca na akamûûria ûrîa mangîvota kwîgucana.