2Atha 18:11 - ÎVUKU RÎA ÛVORO MWARO

¹¹ Mûthamaki wa Asîria nîwavirire andû a Isiraeli Asîria marî mîgwate, na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 18:11 ပူးပေါင်းရင်းမြစ်များ

2Atha 15:29

Vîndî îrîa Peka aarî mûthamaki wa Isiraeli nîrîo Tigilathi Pilesa, mûthamaki wa Asîria aanyitire matûûra ma: Ijoni, Abeli-bethi-maaka, Janoa, Kadeshi, Hazoru, Gileadi, na Galili, vûrûri wonthe wa Nafutali. Nîwacokire akîvira andû Asîria marî mîgwate.

2Atha 17:6

Mwakarî wa kenda (9), Hoshea mûthamaki wa Asîria nîwanyitire Samaria. Nîwavirire andû a Isiraeli Asîria marî mîgwate na akiga amwe îtûûrarî rîa Hala; amwe nîwamaigire vakuvî na Rûnjî rûrîa rwîtagwa Habori rûrîa rûrî vûrûrirî wa Gozani, na amwe akîmaiga matûûrarî manene ma Media.

2Atha 19:11

We nîwîguîte ûrîa athamaki a Asîria macûkangîtie mavûrûri monthe viû. We ûreciria nîûkûvonoka?

2Atha 21:8

Ethîrwa andû a Isiraeli makathîkagîra maathani makwa monthe na mavingagie mawatho monthe marîa ndungata yakwa, Musa aamaveere ndikaamarekereria maûrûre rîngî kuuma vûrûrirî ûrîa naveere methe mao.”

2Atha 23:27

Ngai-Mûnene nîwaugire atîrî, “Nîngengata andû a Juda maume kûrî nie wata ûrîa nekire andû a Isiraeli, na nîngaatiganîria Jerusalemu îtûûra rîrîa nathuurire na hekarû, varîa naugire nîvo mbagîrîrwe nî kûgoocerwa.”

1Maû 5:26

Kwoguo Ngai wa Isiraeli nîwatûmire Puli mûthamaki wa Asîria (na nîke wecîkene na rîîtwa rîngî Tigilathi Pileseri) atharîkîre vûrûri wao. Mûvîrîga wa Reubeni, Gadi na Manase ya mwena wa îrathîro nîmaatavirwe na makîvirwa îthamîriorî. Mûthamaki wa Asîria nîwamavirire Hala, Haboru, Hara na rûnjîrî rwa Gozani kûrîa matûûraga nginya ûmûnthî.

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Isaia 10:11

nwaguo ngaacûkangia Jerusalemu na mîvuanano yakuo, wata ûrîa nekire Samaria na mîvuanano yakuo.”

Isaia 10:5

We Asîria, nîwe rûthanju rûrîa ndûmagîra narakara, nîwe mûragi wa mang'ûrîka makwa.

Isaia 36:2

Mûthamaki wa Asîria nîwatûmire Rabushake arî na athigari eengî a mbaara kuuma Lakishi athiî akagîre mûthamaki Hezekia kuuma Jerusalemu. Rabushake nîwarûngamire vakuvî na mûtaro ûrîa ûvîtûkagia manjî kuuma kariarî ka mwena wa îgûrû, varavararî nene îrîa yerekerete kûrîa nguo ithambagîrua.

Isaia 37:12

Methe makwa nîmaacûkangirie mavûrûri ma Gozani, Harani, Rezefu na andû a Edeni arîa maatûûraga Telasari; ngai cia mavûrûri mau nîciamavonokirie?

Isaia 7:8

Nîûndû îtûûra rînene rîa vûrûri wa Sîria nî Damesiki na mûthamaki wa Damesiki nî Rezini. Kwa îvinda rîa mîaka mîrongo îtandatû na îtano (65) vûrûri wa Isiraeli ûkethîrwa ûcûkangîtue na ûtangîtuîka rûrîrî.

Isaia 8:4

Nîûndû mbere ya kaana gakaamenya gwîtana ‘Vava’ kana ‘Nyanya,’ ûtonga wonthe wa Damesiki wana indo irîa itavîtwe Samaria nîigaakuwa ivirîrwe mûthamaki wa Asîria.”

Hosea 9:3

Matigekara vûrûri wa Ngai-Mûnene; nwatî andû Efiraimu nîmagaacoka Misiri ûkomborî, nîmakaarîa irio itarî ntheru Asîria.

Amosi 2:6

Ngai-Mûnene arauga atîrî, “Andû a Isiraeli matûûraga mevagia, kwoguo ndigaatiga kûmaverithia, nîûndû mendetie andû arîa athingu sîlûva, na makendia athîni mavewe iratû.

Amosi 5:6

Cariani Ngai-Mûnene, namue nîmûgûtûûra mwoyo. Ethîrwa tîmûmûcaria nîakaamûthiria mue njiarwa cia Josefu na Mwaki. Mwaki nîûkavîvia atûûri a Betheli na gûtirî mûndû ûkaavota kûûvoria.

Ciîko 7:43

Mue mwakuîte îgema rîa ngai îrîa yetagwa Moleku, na mûgakuua mûvuanano wa ngai ya njata îrîa yetagwa Refani; mîvuanano îo nîyo mwarûthîte nîguo mûmîgoocage. Kwoguo, nîngaamûvira îthamîriorî kûraca mûno mbere ya Babuloni!’