2Atha 17:8 - ÎVUKU RÎA ÛVORO MWARO

⁸ Nîmaarûmîrîre mîtugo ya andû arîa Ngai-Mûnene eengataga wa andû a Isiraeli makîonaga, na makîambîrîria gwîka maûndû marîa athamaki a Isiraeli maambîrîîrie vûrûrirî.

2Atha 17:8 ပူးပေါင်းရင်းမြစ်များ

1Atha 12:28

Kwoguo mûthamaki nîwaûririe ûtaaro na akîrûtha mîvuanano îîrî ya tûcaû twa thaavu na akîra andû ake atîrî, “Nîmûthiîte Jerusalemu kûgoocera kuo îvinda îraca. Mue andû a Isiraeli, ino nîcio ngai cienyu irîa ciamûrutire Misiri!”

1Atha 21:26

Nîwekire mevia ma nthoni mûno na njîra ya kûgooca mîvuanano, ta ûrîa Amori meekîte. Amori meengatagwa nî Ngai-Mûnene kuuma vûrûrirî wa ûrîa andû a Isiraeli maathiîcaga na mbere.)

2Atha 16:10

Rîrîa mûthamaki Ahazi aathiîre Damesiki gûtûnga Tigilathi Pilesa, mûthamaki wa Asîria, nîwonire metha ya kîgongoona îrîa yarî Damesiki. Mûthamaki Ahazi nîwatûmîre mûthînjîri-Ngai Uria mûvano wa metha îo ya kîgongoona vamwe na mbica yayo yonanîtie viû ûrîa îtumîtwe.

2Atha 16:3

Nwatî eekire maûndû ta marîa meekagwa nî athamaki a Isiraeli. Wana nwa warutire mûvîcî arî îgongoona rîa îtega rîa kûvîvua kûrî mûvuanano, wata ûrîa andû a mavûrûri marîa Ngai-Mûnene eengataga maume vûrûrirî ûrîa andû a Isiraeli maatonyaga meekaga. Ûndû ûcio warî mûcûku mûno.

2Atha 17:19

Andû a Juda wanao matiathîkîra mawatho ma Ngai-Mûnene Ngai wao; nîmaarûmîrîre mîtugo îrîa yaretirwe nî andû a Isiraeli.

2Atha 17:40

Kûnarî ûguo, andû acio matiegua ûrîa Ngai-Mûnene aameerire, na nîmaathiîre na mbere gwîka maûndû wa marîa meekaga tene.

2Atha 21:2

Manase nîwekire maûndû marîa mataakenagia Ngai-Mûnene, na kûrûmîrîra maûndû marîa meekagwa nî andû a mavûrûri marîa Ngai-Mûnene engataga, nao andû a Isiraeli magîtonyaga kuo.

Thaburi 106:35

Nwatî nîmaanyitanîre na andû a ndûrîrî, na makîambîrîria gwîka tao.

Ntha 23:24

Na mwakinya kuo mûtikanavoe ngai ciao kana mûigooce, na mûtikarûmîrîre mîtugo ya ndini ciao. Nîmûgaacûkangia ngai icio ciao na munange itugî ciao cia mathiga varîa magoocagîra.

Jeremia 10:2

Ngai-Mûnene arauga atîrî, “Mûtikarûmîrîre mîthiîre ya mavûrûri marîa mengî, na mûtikamakue nî marûûri ma îgûrû, nîûndû mavûrûri marîa mengî nîmaramakua nîmo.

Ezek 5:6

Jerusalemu nîyareganire na mawatho makwa na îgîka maûndû macûku gûkîra mavûrûri marîa mengî, îgîtuîka îtûûra îremi gûkîra mavûrûri marîa marîthiûrûrûkîrîtie; nîyareganire na kîrîra gîakwa na matuîro makwa ma ciira.

Hosea 5:11

Efiraimu nîmûnyamarie, kîvooto gîake gîgakinyangîrwa nthî cirarî nîûndû nîwerutanîrie mûno kûrûmîrîria maûndû matarî makinyanîru.

Alawi 18:3

Mûtigekage ta ûrîa andû a Misiri, kûrîa mwatûûraga meekaga, kana mwîka ta andû a vûrûri wa Kanaani, kûrîa ngûmûvira. Mûtikarûmîrîre mawatho mao.

Alawi 26:1

Ngai-Mûnene nîwerire andû a Isiraeli atîrî, “Mûtikerûthîre ngai cia mîvuanano kana mûvuanano wa îthiga rîrî riumie atî nîguo mûigoocage. Nie nînie Ngai-Mûnene, Ngai wenyu.

Mika 6:16

Nîmûrûmîrîrîte mîtugo mîcûku ya mûthamaki Omuri na maûndû monthe marîa meekagwa nî andû a mûciî wa Ahabu, na mûkarûmîrîra ûtaari wao. Kwoguo nîngaamûretithîria mûthiro na mûnyararwe nî andû onthe. Andû a kûndû kuonthe makaamwonaga makamûciva.

Gûco 18:9

“Rîrîa mûgaatonya vûrûrirî ûrîa Ngai-Mûnene Ngai wenyu akûmûva, mûtikarûmîrîre mîtugo mîcûku ya andû arîa matûûraga kuo.