2Atha 17:4 - ÎVUKU RÎA ÛVORO MWARO

⁴ Nwatî Hoshea nîwatûmîte anjaama kûrî mûthamaki wa Misiri na Hoshea nîwatigire kûrîvaga gooti kûrî mûthamaki wa Asîria ta ûrîa eekaga wa mwaka wa mwaka. Rîrîa Shalimaneseri aamenyire ûguo, nîwaugire Hoshea anyitwe na avingîrwe njera.

2Atha 17:4 ပူးပေါင်းရင်းမြစ်များ

2Atha 17:3

Shalimaneseri mûthamaki wa Asîria nîwarûire na Hoshea. Hoshea nîwenenganîre kûrî Shalimaneseri na nîwamûrîvaga gooti.

2Atha 17:5

Mûthamaki wa Asîria nîwacokire agîtonyerera vûrûri wonthe wa Isiraeli na agîkinya Samaria. Nîwathiûrûrûkîrie îtûûra rîu îvinda rîa mîaka îthatû. (3)

2Atha 18:21

Wîvokete mûthamaki wa Misiri, nwatî kûu nî ta gwîtiira na kamûthanje gaka kaunîku. Kamûthanje kaunîkaga na gakamunda njara ya mûndû ûrîa ûkanyitîte. Ûguo nîguo mûthamaki wa Misiri ekariî kûrî andû onthe arîa mamwîvokaga.

2Atha 24:1

Vîndî wa îo Jehoiakimu aarî mûthamaki, Nebukadinezarû, mûthamaki wa Babuloni nîwatharîkîre Juda, na Jehoiakimu agîtuîka ndungata yake îvinda rîa mîaka îthatû (3). Nîwacokire akîregana nake.

2Atha 24:20

Ngai-Mûnene nîwarakarirue mûno nî andû a Jerusalemu na a Juda nginya akîmengata. Zedekia nîwareganire na mûthamaki wa Babuloni.

2Atha 25:7

Nîmaaûragire anake a Zedekia akîyonagîra na metho make ke mwene, magîcoka makîmûkûûra metho na mûthiiarî nîmaamwovire na mvîngû na makîmûvira Babuloni.

2Maû 32:11

Anga tîkwa Hezekia aramûveenia nîguo atûme mûkue nî yûra na nyonda akîmwîra atî, ‘Ngai-Mûnene, Ngai wetû agaatûvonokia kuuma kûrî mûthamaki wa Asîria?’

Hosea 10:4

Maragia ciugo ntheri; mevîtaga na makarûtha irîkanîro cia mama; kîvooto gîtuîkîte tî kîvooto rîngî ûvoro ûcio ûratamba ta ria rîrîa rîrî cumu mûgûndarî ûrîa mûrîme.

Hosea 12:2

Ngai-Mûnene arî na ciira na andû a Juda; na nîakûverithia Juda nîûndû wa ciîko ciake njûku, na amûrîve nîûndû wa ciîko ciake mbaro.

Hosea 13:10

Mûthamaki wenyu arîkû rîu nîguo amûvonokie? Atongoria enyu marî kû nîguo mamûgitîre? Nîmue mwavoire atîrî, ‘Tûve mûthamaki na anene nîguo matwathage.’

Hosea 8:10

Wana ethîrwa nîmeyendetie kûrî andû a ndûrîrî, nie nîngaamaûngania wa rîmwe. Vîndî îo nîrîo makegua maûndû makîmaritûvîra marî rungu rwa mûthamaki ûrîa ûmavinyagîrîria.

Gûco 28:36

“Ngai-Mûnene nîakaamûvira vamwe na mûthamaki wenyu vûrûri mûgeni kûrîa mue wana methe menyu mataicî. Mûrî kûu mûgaatungatagîra ngai ng'eni irûthîtwe na mîtî na mathiga.