2Atha 17:32 - ÎVUKU RÎA ÛVORO MWARO

³² Andû acio nwamaagoocaga Ngai-Mûnene na nîmaathuurire kuuma gatagatîrî kao andû a mîthemba yonthe marî athînjîri-Ngai a kûthiîcaga kûndû kûrîa gûtûgîru gwa kûgoocerwa na kûrutagîra magongoona kuo vandûrî vao.

2Atha 17:32 ပူးပေါင်းရင်းမြစ်များ

1Atha 12:31

Jeroboamu nîwacokire agîtuma kûndû gwa kûgoocagîrwa kûndû kûrîa gûtûgîru, na akîthuura athînjîri-Ngai kuuma kûrî andû arîa onthe mataarî a mûvîrîga wa Lawi.

1Atha 12:33

Naguo mûthenya wa îkûmi na îtano mwerirî wa kanana, ûrîa aatuîte ke mwene, nîwathiîre Betheli kûrîa aatumîte metha ya kîgongoona na akîvîvîria ûbani kuo, agîcoka agîtua Aisiraeli makûngûagîre mûthenya ûcio.

1Atha 13:31

Marîkia gûkîthika, mûrathi ûcio nîwerire avîcî ake atîrî, “Rîrîa ngaakua, mûkaanthika mbîrîrarî îno twathika mwîrî wa mûndû ûyû wa Ngai, na mûkaaiga mavîndî makwa mwenarî wa mavîndî make.

1Atha 13:33

Vuva wa maûndû mau Jeroboamu, mûthamaki wa Isiraeli ndaatiga gwîka maûndû macûku. Nwatî nîwathiîre mbere kûthuura athînjîri-Ngai kuuma kûrî andû a mîthemba yonthe nîguo matungatage metharî cia magongoona irîa aatumîte. Aamûraga mûthînjîri-Ngai wa wonthe wendaga kwamûrwa.

2Atha 17:25

Kîambîrîriarî maatûûra kuo, matiagoocaga Ngai-Mûnene, na kwoguo Ngai-Mûnene nîwamatûmîîre mînyambû na îkîûraga amwe ao.

2Atha 17:29

Nwatî andû a mavûrûri monthe nwa maarûthire mîvuanano yao ene, wa andû marî îtûûrarî rîao, na makîmiga kûndû kûrîa gûtûgîru gwa kûgoocerwa kwarûthîtwe nî andû a Samaria.

2Atha 17:33

Kwoguo nîmaagoocaga Ngai-Mûnene, nwatî nwa maagoocaga ngai ciao o ene, kûringana na mîtugo ya mavûrûri marîa maarutîtwe.

2Atha 17:41

Kwoguo andû acio nîmaagoocaga Ngai-Mûnene, nwatî nwa maagoocaga ngai ciao cia mîvuanano, na nginya ûmûnthî njiarwa ciao itwîre ciîkaga wata ûrîa methe mao ma tene meekaga.

2Atha 23:19

Mûthamaki Josia nîwacûkangirie kûndû kuonthe gwa kûgoocerwa kûrîa athamaki a Isiraeli maarûthîte kûu matûûrarî monthe ma Samaria na magatûma Ngai-Mûnene arakare. Eekire ûguo matûûrarî monthe ma Isiraeli wata ûrîa eekîte Betheli.

Ezira 4:2

Kwoguo nthû icio nîciathiîre ikîaria na Zerubabeli na anene a nyomba cia andû a Juda na Benjamini na ikîmwîra atîrî, “Twîtîkîrie tûmûtethie, gûtuma hekarû. Tûgoocaga Ngai ûrîa mûgoocana na twîthîrîtwe tûkîmûrutîra magongoona kuuma vîndî îrîa ya Esarihadoni mûthamaki wa Asîria atûretire gûkû tûtûûre kuo.”

Zefania 1:5

Nîngaacûkangia arîa onthe magoocaga marî îgûrû rîa nyomba, makîgooca ciûmbe cia îgûrû. Nîngaverithia arîa mangoocaga makîîvîtaga na rîîtwa rîakwa na makevîta na rîîtwa rîa ngai îrîa îtagwa Moleku.